The Family Man [S02 : E01] Sinhala Subtitles | කොටි ත්‍රස්ත වියරුව! [සිංහල උපසිරැසි]

37000 ඉක්වමවූ මනාප ප්‍රමාණයකින් IMDB මීටරය 8.6ක් වෙනකම් කරකවන්න සමත් වෙච්ච,
පලවෙනි සීසන් එකෙන්ම Top Rated TV Series ලිස්ට් එකේ 180 වෙනකම් උඩහට ගිහිල්ලා…
කාලයත් එක්ක ඒ ලිස්ට් එකෙන් එලියට වීසි වෙච්ච,
කෝටි 100ක් වියදම් කරලා නෙට්ෆ්ලික්ස්ලා හදපු Sacred Games දෙවනි කතා සමයෙන් පස්සෙ…
එදා මෙදා තුර ඉන්දීය පුරවරයෙන් එලිදැක්වෙන දැවැන්තම වෙබ් ප්‍රාසාංගික අත්දැකීම!
පලවෙනි කතා සමයෙන්ම Filmfare OTT Awards පහක් දිනාගනිපු,
Breathe, Mirzapur, Paatal Lok, Panchayat වගේ විශිෂ්ඨ වෙබ් කතාමාලාවන් තිලිණ කරපු ඇමසන් ප්‍රයිම්ලගෙ ඔරිජිනල්ම වෙබ් සීරීස් එකක් වගේම,
Go Goa Gone, Happy Ending, A Gentleman අධ්‍යක්ෂණය කරපු Raj & DK අධ්‍යක්ෂණයෙන් හැඩ වැඩ ගැන්විච්ච,
බොලිවුඩයේ දැවැන්තම චරිතාංග රංගන ශිල්පියෙකු වන Manoj Bajpayee ප්‍රධාන රංගන දායකත්වය සපයද්දි…
සියළු දෙනාම විශ්මයට පත්කරමින් දෙවන කතා සමයේ ප්‍රධාන දුෂ්ඨ චරිතය සඳහා ඔබ අප කවුරුත් ආදරය කරන දකුණු ඉන්දීය රංගන තාරකාවිය Samantha Akkineni එකතු වෙනවා.

ඔබ දැනටමත් පලමු කතා සමයට නරඹලා නම් ඉන්නෙ, මතක ඇති ISIS ත්‍රස්තයින් විසින් ඉන්දීය භූමිය තුල සිදුකරන්නට ගිය මහා මිනිස් සංහාරය අවසන් උනේ කොයි ආකාරයෙන්ද කියලා. පලමු කතා මාලාවෙ අවසාන කතාංගය නැරඹූයේ මීට වසර දෙකකට පෙරාතුව වුනත්, ඒ සංවේදී අවසානය තවමත් මතකය පාරනවා හරියට අද ඊයෙ සිද්ධ වෙච්ච දෙයක් වගේ. පෞද්ගලිකව මාව සංවේදී කල අවසානයක් වගේම, මගේ වචන වලින් කියනවා නම්, “මහ මූසල අවසානයක්” කියලා හඳුන්වන්න පුළුවන්. පලවෙනි කතා සමය, මේ දෙවනි කතා සමයත් එක්ක කෙලින්ම සම්බන්ධයක් නැති වුණත්, පලමු කතා සමයේ සිදුවීම්, දෙවන කතා සමයටද බලපෑම් ඇති කරලා තියෙනවා ඔබටම බලාගන්න පුලුවන්. ඒ නිසා, පලවෙනි කතා සමය නැරඹුවෙ නැති කෙනෙක් ඉන්නවා නම් පලවෙනි එක මුලින්ම නරඹලා ඉන්න. මොකද, බොලිවුඩ් රසිකයෙක් විසින් කිසිසේත්ම මග නොහැරගත යුතු කතා මාලාවක් තමයි මේක. ඒ නිසාම, පලවෙනි කතාංගය ගැන විස්තර කරලා තවමත් නොබලපු අයට අසාධාරණයක් කරන්න යන්නෙ නැහැ මං මේ වෙලාවෙ. එහෙනම් කෙලින්ම දෙවනි කතා සමයට එමු අපි. 

දමිළ විමුක්ති සටන්කාමීන් යනුවෙන් තමාව හඳුන්වාගනු ලැබූවා වූද,
ජනතාව තලා, පෙලා, ඔවුන්ගේ රුහිරු බිඳු මතින් වියරු ඊලාම් සිහිනයක් පසුපස හඹා ගියා වූ…
දමිළ විමුක්ති සටන්කාමී සංවිධානායෙ ප්‍රධාන ත්‍රස්තයින් තිදෙනා,
වීරෝධාර ශ්‍රී ලාංකික හමුදාවේ ප්‍රහාරය හමුවේ ඉන්දියාවට පලා යනවා!
වසර කිහිපයක් නිහැඬියාවකින් ගතවෙනවා.
හදිසියේ ලැබුණු අවස්තාවක් මත ශ්‍රී ලාංකික රජය විසින්,
එදා ඒ ආකාරයෙන් පලාගිය ත්‍රස්තයින් තිදෙනාගෙන් එක් අයෙකු ඉන්දීය රජය මගින් ඉල්ලා සිටිනවා.
ඒ, ඉන්දීය රජයට ඉවත නොදැමිය හැකි වරප්‍රසාදයක්ද සමගින්.
ලැබුණු අවස්තාව හිස මුදුණින් පිළිගන්නා ඉන්දීය රජය,
විශේෂ මෙහෙයුමක් දියත් කරනවා ත්‍රස්ත ප්‍රබලයා ජීවග්‍රහයෙන් අල්ලා ගැනීමට.
නමුත්, සියල්ල කණපිට හැරෙන්නට ගතවන්නෙ නිමේෂයක කාලයක් විතරයි!
මොකක්ද උනේ?
මේ වෙද්දි තමන්ගෙ පාඩුවේ රස්සාවෙන් විශ්‍රාම අරං ඉන්න ශ්‍රීකාන්ත් තිවාරි මේකට පටලැවෙන්නෙ කොහොමද?
එහෙනම් මේ තමයි හොඳම වෙලාව…
ශ්‍රි ලාංකික සම්බන්ධයක් සහිත, ජාත්‍යන්තර මට්ටමේ වෙබ් කතා මාලාවක් රසවිඳින්න!

දෙවනි කතාවට මූලිකවම පදනම් වෙන්නෙ ශ්‍රී ලංකාව සහ කොටි ත්‍රස්තවාදය පිලිබඳව. කොටි ත්‍රස්තවාදය ගැන කතාවක් නම් දැනට ජීවතුන් අතර ඉන්න කොටි පැටව් ටික ඇවිස්සුනේ නැද්ද කියලා ඔබට හිතෙනවා ඇති. ඇයි නැත්තෙ? මදි නොකියන්න ඇවිස්සුණා. ශ්‍රී ලංකාවත් කතාවට ගෑවිලා නිසා සහ කතාවෙ සමහර තැන් වල සිංහල භාෂාව සෘජුවම යොදාගෙන තිබීම නිසා කොටි පැටවු ටික තවත් ඇවිස්සිලා ගියා. දෙවන කතා සමයේ නිල ට්‍රේලර් පටය අන්තර්ජාලයට මුදා හැරීමත් සමගම මුළු දකුණු ඉන්දියාවම දෙබරෙට ගල් ගැහුවා වගේ ඇවිස්සිලා ගියා කිව්වොත් මුසාවෙක් නෙමෙයි මං හිතන්නෙ. මේ සඳහා ප්‍රධාන හේතුව වුනේ කොටි හිතවාදී ඉන්දීය දෙමල ජනතාව. ඔවුන්ව උසි ගැන්වූයේ කොටි හිතවාදී දමිල දේශපාලකයන්. ට්‍රේලර් පටයේ ඇතැම් කොටස් උළුප්පා දක්වමින් ඔවුන් පුන පුනා ප්‍රකාශ කර සිටියේ, මෙමගින් ඉන්දීය දමිල ජනතාවට අපහාසයක් සිදුවී ඇතැයි යන්නයි. මේ අතරින්, තමිල්නාඩු දේශපාලනඥයෙකු වන වෛකෝ මේ පිලිබඳව ඉන්දීය රජයට තර්ජනාත්මක ලිපියක් යවමින් ප්‍රකාශ කර සිටියේ, මෙම වෙබ් කතා මාලාව වහාම තහනම් කර සිටින ලෙසයි. විහිළුවට කාරණාව කියන්නෙ, ශරීරකෘත්‍ය කරන්න හරිහමං වැසිකිලියක් වත් නැතිව, කිසි හිරිකිතයක් නැතුව ඒ දේ එලිපිටම කරන එවුන් තමයි කියන්නෙ, වෙබ් කතාමාලාවක තියෙන දර්ශණ කිහිපයක් නිසා තමන්ට අපහාසයක් වෙනවා කියලා. අනිත් පැත්තෙන් ගත්තාම, ජන්දයකුත් අත ලඟ තියාගෙන, කොරෝනා වලින් වැලේ වැල් නැතුව ඉන්න ඉන්දීය රජයෙන් වෛකෝ කරපු මේ ඉල්ලීම හරියට, ඔලුව ගිණි අරං ඉන්න එකා ගාවට ගිහිල්ලා සිගරට් එකක් පත්තු කරගන්න ගින්දර ටිකක් ගන්නද ඇහුවා වගේ හතර හිනා යන වැඩක් විදියටයි පෞද්ගලිකව මං නම් දකින්නෙ. කොහොමින් කොහොමහරි අන්තිමේදී පුරුදු විදියටම කොටි ටික පැරදුණා. ඉන්දීය රජය වෛකෝ ප්‍රමුඛ දමිල කොටි හිතවාදීන්ගේ මෙම ඉල්ලීම තඹ සතයකට ගණන් ගත්තෙ නැහැ. ඔබට පහතින් බලාගන්න පුළුවන් වෛකෝ විසින් ඉන්දීය රජයට යවන ලද ලිපිය සහ, කොටි හිතවාදී සීමන් විසින් තබන ලද සටහනත්.

වෛකෝ විසින් රජයට යවන ලද ලිපිය

සීමන් විසින් තබන ලද සටහන

එහෙනම්, පලවෙනි කොටසට මේ ඇති කියලා හිතනවා. පලවෙනි කතා මාලාව බලපු කෙනෙක්ට නම් අමුතුවෙන් කියන්න දෙයක් නැහැ මේකත් බලන්න කියලා. ඒ රහ කොහොමද කියලා ඒ අය දැනටමත් හොඳටම දන්නවා. තවමත් නොබලපු කෙනෙක් ඉන්නවා නම් මේ තමයි වැඩේට බහින්න හොඳම වෙලාව. හිත හිතා ඉන්න දෙයක් නැහැ. කිසිම ආකාරයකින් ඔබව රස්තියාදු කිරීමකින් තොරව දවසක් දෙකක් ඇතුලත දෙවන කතා සමයේ කතාංග නවයටම උපසිරැසි ඔබ අතට ලැබේවි. එක් එක් කතාංගයේ අවසානයේ සටහනක් දාන්නම් ඊලඟ කතාංගය ලබාගන්න පුළුවන් දිනය සහ වෙලාව හරියටම. ඒ වෙලාවට ඇවිල්ලා උපසිරැසිය අරගෙන යන්නයි තියෙන්නෙ. 

එහෙනම්, දෙවනි කතාංගයත් අරගෙන තරිඳු රුක්ෂාන් ඒවි අද සවස 5.00 වෙද්දි. හැමෝටම ජය!

රස හඳුනන්නෝ…
ඉවසීම ඇත්තෝ…
ගුණාත්මක උපසිරැසි ලබන්නෝ…
බයිස්කෝප් සමඟම රැදෙන්නෝ!
(උපසිරැසිකරණයේ Google Translate රැල්ලෙන් ඔබ්බට…)

Due to copyright issues, we do not provide any torrent links.

ලබා දී ඇති උපසිරසිය HD / WEB පිටපත් සඳහා අදාළ වේ.

[author]

මේ ලබා දී ඇති සිංහල උපසිරැසි පිළිබද “ සිසිල ප්‍රසාද් ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author]

Subtitle Contributor Rank

ADMIN MEMBER
JOINING DATE – 2015-01-24
SUBMAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]