The Fame Game [E06] Sinhala Subtitles | හෙලෝ.. මාව බේරගන්න!! [සිංහල උපසිරසි]

සහකාර පොලිස් කොමසාරිස් ශෝබාගේ සැකය කෙලින්ම අනාමිකාගේ සැමියා නිකිල් වෙතට යොමුවෙලයි තිබ්බේ. පහුගිය කොටසෙදි අපි දැක්කා නිකිල්ගෙන් ප්‍රශ්න කරනවා සහ නිකිල්ට ඒවට කට උත්තරත් නැතිවුණු හැටි. ඒ වගේම ගෙදර තිබිලා ශෝභා හොයාගත්තු දේත් මතකයිනේ. තුවක්කු උණ්ඩයකින් වෙච්ච සිදුරක්. මොකක් නමුත් ලොකු දෙයක් මේ ගෙදර සිද්ධ වෙලා තියෙන පාටයි. නමුත් කවුරුත් ඒ ගැන කටේ කෙල බිඳක් නොහෙලන්න වග බලන් තිබ්බා. ඔය අතරේ අනාමිකාගේ දුව සම්බන්ධ ප්‍රශ්නෙකුත් ෆ්ලෑෂ් බැක් සීන්ස් වලදි අපිට පෙන්නුවා. තිර පරීක්ෂණ වලට මූණ දීලම හෙම්බත් වෙලා හිටිය එයාගේ ඉවසීම හැමෝම ඉස්සරහා පුපුරලා යන හැටි පෙන්නන වීඩියෝ හැමතැනම වයිරල් වෙලත් තිබ්බා. අනාමිකාගෙන් තොර තමන්ටම කියලා අනන්‍යතාවයක් හදාගන්නයි ඇයට ඕන වෙලා තිබ්බේ. ඒත් සිද්ධ නොවුණු එකම දෙයත් ඒකයි. තමන්ගේ දුවගේ මේ මානසික කඩාවැටීම අනාමිකාට තවත් ප්‍රශ්නයක් එකතු කරලයි තිබ්බේ. ඒත් එක්කම පහුගිය කොටස් වලදී අපිව පුදුම කරවපු අමුතු රසිකයා සහ අනාමිකා අතරයි තියෙනවයි කියපු ඒ පුදුමාකාර සම්බන්ධය ගැන රහස කියන්න මාධව් අනාමිකාව හම්බෙන්න ආවා. ඒ රහස අනාමිකාට කිව්වත් ඔයාලා දකින්න ඇතිනේ අනාමිකා ඒකට ප්‍රතිචාර දක්වපු විදිහ සහ ඒ සිද්ධිය ගිහින් නතර වුණු තැන. අන්තිමට සිද්ධ වුණේ අනාමිකාට සහය වෙන්න ළඟින්ම හිටි කෙනෙක්ගේ අහිමිවීම දකින්න සිද්ධ වෙච්ච එකයි. ඒත් එක්කම මාධව්ගේ DNA රිපෝට් එකත් ඇවිත් තිබ්බා. ප්‍රතිඵලය දැක්ක මාධව්ගේ බලාපොරොත්තු වලට මොකද වුණේ??

ජනකාන්ත ජනප්‍රිය නිළි මධුරි ඩික්සිත් රඟන නවතම වෙබ්කතාමාලාව The Fame Game එක්කයි ඔයාලා මේ එක්කහු වෙලා ඉන්නේ. කොටස් 8කින් සමන්විත මේ කතාවේ 6වෙනි කොටසටයි අපි මේ ඇවිත් ඉන්නේ. තව කොටස් 2ක් එක්ක මේ කතාසමය අහවරක් කරන්න අපිට පුළුවන් වෙනවා. දිගටම රැඳී ඉන්න අපිත් එක්ක. ඊළඟ කොටස අරන් ඉක්මනටම එන්නම්. ජයවේවා.