Panchayat [S02 : E02] Sinhala Subtitles | කැලෑවේ රාක්සයා [සිංහල උපසිරසි]

ආයුබෝවේවා! මතකඇති නේද කාලෙකට කලින් බලපු ගම්සභාවේ කතාව? නගරෙක ඉඳන් ගමට ආපු ගම්සභා ලේකම් මහත්තයා එහෙමත් නැත්නම් අභිෂේක් වටා ගෙතුනු කතාව. පහුගිය සීසන් එකෙන් පුදුම කුතුහලයක දාලානෙව නැවැත්තුවේ. ඉතින් අද අරගෙන ආවේ ඒ සීමිත පිරිසක් බලපු, හැබැයි බලපු හැමදෙනෙක්ම පිස්සුවෙන් වගේ බලලා ඉවරකරපු, දෙවෙනි සීසන් එක එනකල් ආසාවෙන් බලන් ඉඳපු පන්චායත් කතා මාලාවේ දෙවෙනි සීසන් එකේ දෙවෙනි එපිසෝඩ් එකට සිංහල උපසිරැසි අරගෙන. වැඩි විස්තර පළවෙනි එපියේ ලිපියෙන් දැනගන්න ඇතිනේ. එහෙනම් අද කතාව පැත්තට යොමුවෙමු.

පළවෙනි සීසන් එකට වඩා ආසාවෙන් බලන්න පුලුවන් සුපිරිම කතාමාලාවක් තමයි මේපාර ගොඩනගලා තියෙන්නේ කියලා දැනටම පළවෙනි එපිය බලපු අයට තේරෙන්න ඇති. ඒ නිසා වැඩි කතා නැතුව අද කතාව ගැන ටිකක් දැනගමු. අද කතාව දිවෙන්නේ සභාපතිතුමා කලින් දුන්න පොරොන්දුවක් මුල් කරගෙන. සභාපතිතුමා පොරොන්දු වෙලා තියෙනවා ගමට එන පාර හදලා දෙන්න. හැබැයි හදපු නැති නිසා පාර හොඳටම අබලන් වෙලා තියෙන්නේ බයික් එකක්වත් එන්න බැරි මට්ටමට. ඉතින් ගමේ ඉන්න අමුතුපහේ මනුස්සයෙක්ගේ බයික් එක නිතරම කැඩෙන නිසා මේක ඉක්මනින් හදලා දෙන්න කියලා චෝදනා කරලා ලේකම්තුමාටත් සභාපතිට පන්දම් අල්ලන එකෙක් කියලා අහුවෙන හැමතැනදිම ගැටුමක් හදාගන්න යනවා. ඉතින් අපේ ලේකම්තුමා මේ ප්‍රශ්නෙට මුහුණ දෙන්නේ කොහොමද කියලා අද කතාවෙන් බලාගන්න පුලුවන්. එහෙනම් මේ කතාංගයත් රසවිඳින්න කියලා හැමෝටම ආරාධනා කරමින් අදට සමුගන්නවා. තවත් උපසිරැසියකින් හමුවෙමු. ඔබට ජය!