logo
අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

වෙන් ඉවිල් ලර්ක්ස් (2023) Sinhala Subtitles | නපුර සැඟව සිටින කල… [සිංහල උපසිරසි] (18+)

Rating: 7.9/10. From 20 votes.
Please wait...

වෙන් ඉවිල් ලර්ක්ස් (2023) Sinhala Subtitles

මගේ අසූ වැනි සිංහල උපසිරැසිය ලෙස මේ වතාවේ රැගෙන එන්නේ 2023 වසරේ සැප්තැම්බර් 13 වැනිදා නිකුත් වුණු අලුත්ම ත්‍රාසජනක ගණයේ හොල්මන් චිත්‍රපටයක් වන වෙන් ඉවිල් ලර්ක්ස් (2023) නැමැති සිනමා පටයයි. Demián Rugna විසින් රචනා කර අධ්‍යක්ෂණය කළ මේ ස්පාඥ්ඥ චිත්‍රපටය, IMDb දර්ශකයේ 7.1/10 අගයක් ලබාගන්නට සමත් වුණා. ඒවගේම Rotten Tomatoes වෙබ් අඩවියේ සමස්තයක් ලෙස ලැබුණු ප්‍රතිචාර 87කින්  99%කම ධනාත්මකව ලබාගෙන, සාමාන්‍ය අගය 7.8/10ක් වාර්තා කරන්නට සමත් වුණා.

2021 වසරේ  Sitges Pitchbo උළලේදී, එනම් Filmarket Hub සහ Sitges Film Festival එක්ව සංවිධානය කෙරුණු ජාත්‍යන්තර තෝරාගැනීමේ උත්සවයකදී, වෙන් ඉවිල් ලර්ක්ස් හි තිර පිටපත දෙවැනි ස්ථානයට තේරී පත් වීමට සමත් වුණා. අනතුරුව Shudder සමාගම සහ La Puerta Roja සමාගම් විසින් මෙය ඇමෙරිකානු-ආජන්ටිනා ජාත්‍යන්තර සම නිෂ්පාදනයක් ලෙස නිෂ්පාදනය කෙරුණු අතර මේ Shrudder සමාගම විසින් නිෂ්පාදනය කෙරුණු පළමු ස්පාඥ්ඥ භාෂා චිත්‍රපටය ද වනවා. 2022දී මෙහි රූගත කිරීම් සිදුකෙරුණා. 

රංගන ශීල්පීන් සහ ශිල්පිනියන්

Ezequiel Rodriguez පෙඩ්රෝ යුසුර්ලෝ ලෙසින්
Demián Salomon
ජයිමි යුසුර්ලෝ ලෙසින්
Silvia Sabater
මිර්තා ලෙසින්
Luis Ziembrowski
ආමන්ඩෝ රුයිස් ලෙසින්
Marcelo Michinaux
සන්තිනෝ යුසුර්ලෝ ලෙසින්
Emilio Vodanovich
ජයිර් යුසුර්ලෝ ලෙසින්
Virginia Garófalo
සබ්‍රිනා ලෙසින්
Paula Rubinsztein
සාරා ලෙසින්
Lucrecia Nirón Talazac
විකී ලෙසින්
Isabel Quinteros 
මාරියා එලීනා ගෝමස් ලෙසින්
Desirée Salgueiro
ජිමෙනා රුයිස් ලෙසින්
Federico Liss 
ලියනාඩෝ ලෙසින්

මේ චිත්‍රපටයේ කතාව ගැන කිව්වොත් මේකේ තියෙන්නේ පිටිසරබද ගම්මානයක සිදුවෙන කතාවක්. එක් දවසක රෑ පෙඩ්රෝ සහ ජයිමි කියන මැදිවියේ සහෝදරයන් දෙදෙනාට ගම්බද කැලයක් ආසන්නයේ වෙඩි හඬ දෙකක් අසන්නට ලැබෙනවා. රාත්‍රියේ ඒ ගැන විමසන්නට යාම නුවණට හුරු නැතැයි සිතන ඔවුන් උදේ පාන්දරම ඒ ගැන විමසන්න කැලයට යනවා. ඔවුන්ට හමුවෙන්නේ මිනිසෙකුගේ දෙකඩ වුණු මළසිරුරක යටි කය කොටස. ඒ ගැන සොයමින් යන ඔවුන් අසළ පිහිටි කුඩා නිවෙසක් වෙත ගමන් කරනවා. එහි ජීවත් වුණේ මාරියා එලීනා නම් මහලු කාන්තාවක් සහ ඇයගේ පුතුන් දෙදෙනායි. ඔවුන් දෙදෙනා අතරින් ඇයගේ වැඩිමහල් පුතු වන යුරියෙල් සිය සයනයෙහි ආසදිතව කුණු වී ගිය සිරුරින් යුතුව අඩනිරුවතින් වැතිර සිටින්නේ, භෞතිකව ඉපදීමක් අපේක්ෂා කරන නූපන් යක්ෂයෙක් ඔහුගේ සිරුරට ආවේශවී සිටින නිසයි.

මේ යක්ෂයා මිනිසුන්ට ආවේශ වන අතර අනතුරුව ඔවුන්ගේ සිරුරු කුණු වීමට සලස්වා එයින් භෞතිකව උපත ලබන්නෙක්. එවැනි ආසාදිත පුද්ගලයෙක් ඝාතනයට ලක් කළ හොත් එයින් වඩා බිහිසුණු ප්‍රතිපල ඇතිවන අතර මරා දැමුණු තැනැත්තාව නපුර විසින් ඝාතනය කෙරෙනු ලබනවා. කැලයෙන් හමු වුණු මළසිරුර ගැන මාරියා එලිනා, එනම් යුරියෙල්ගේ මව කියන්නේ, ඒ මිනිස් මළ සිරුරු කොටස, යුරියෙල් මරා දමා ඔහු තුල සිටින යක්ෂයා අනෙක් අයට ආවේශ වීම වළක්වන්නට පැමිණි, ‘පිරිසිදු කරන්නෙකු’ගේ බවයි.

මේ පැතිර යන ආපදාව ගැන බලධාරීන්ට දැනුම් දුන්නත් ඔවුන් ඒ ගැන කිසිම තැකීමක් නොකරන්නේ, ඒ තමුන්ගේ ප්‍රශ්නයක් නොවන බව සලකමින්. මින්පසු, සහෝදර දෙදෙනා ඔවුන්ගේ ඉඩම් හිමියා වන ආමන්ඩෝ රුයිස්ව හමුවන අතර, ඔහු යුරියෙල්ව ගමෙන් ඈත ස්ථානයකට ගෙන යා යුතු යැයි යෝජනා කරන්නේ, අනෙක් අයටත් අදාළ යක්ෂයාගේ බලපෑම බෝ වීම වැළක්වීමේ අරමුණින්. තිදෙනාම එක්ව ඇඳ ඇතිරිලි පිටින්ම යුරියෙල්ව ඔසවාගෙන, රුයිස්ගේ ට්‍රක් රථයට දමාගෙන ඉවතට ගෙනයනවා. පැය ගණනක ධාවනයෙන් පසුව, එක්වරම ඔවුන්ගේ වාහනයට හසුවන්නට යන කුඩා දරුවෙක්ව බේරීමට ඔවුන් සමත් වෙනවා.

තවත් දුර ගොස් ට්‍රක් රථයේ පිටුපස පිරික්සන ඔවුන් දකින්නේ, යුරියෙල් අතුරුදන්ව ඇති බවයි! ගම්මානයෙන් සැතපුම් සිය ගණනක් ඈතට යුරියෙල් ගෙන ආ නිසා ප්‍රශ්නය අවසන්ව ඇතැයි තීරණය කරන ඔවුන් යළි නිවෙස් බලා පැමිණෙනවා. සියල්ල එතැනින් අවසන් වනු ඇතිද? පසුදින ඔවුන්ට දැනගන්නට ලැබෙන අනපේක්ෂිත ප්‍රවෘත්තිය කුමක්ද? යක්ෂයාගේ බලපෑමෙන් ගැලවීමට විවාහයෙන් පසු වෙන්ව වෙසෙන සිය බිරිඳ සහ දරුවන් වෙත යන පෙඩ්රෝට ඔවුන්ව නපුරෙන් ගලවා ගන්නට හැකි වනු ඇතිද? නගරයෙන් ඈතට දරුවන් ද රැගෙන පලා යන ඔවුන්ට හමුවන මාර්තා නම් ගුප්ත ස්ත්‍රිය කවුද? ඔවුන්ට නපුර පරාජය කරන්නට හැකි වේද?  එහෙම නම් තවත් වැඩි විස්තර නැතිව ලිපිය අවසන් කරනවා. චිත්‍රපටය නරඹලම ඉතුරු ටික දැනගන්න පුළුවන්.

නපුර ළමයින්ට ආදරෙයිළමයි නපුරටත් ආදරෙයි.
එහෙත් තවදුරටත් ළමයි නම් නෙවෙයි!”

මෙහි සංවේදී දර්ශන සහ නිරුවත් දර්ශන අඩංගු වන බැවින් මෙය වැඩිහිටියන්ට පමණක් සුදුසු නිර්මාණයක්.  

අපේ උපසිරැසි ගැන ඔබගේ වටිනා අදහස් උදහස් පහළ කමෙන්ට් කරන්නත් අමතක කරන්න එපා. ඉක්මණින් ඊළඟ සිංහල උපසිරැසියෙන් යළි හමුවෙමු. ඔබට තෙරුවන් සරණයි!

 

 

 

Due to copyright issues, we do not provide any torrent links.

ලබා දී ඇති උපසිරසිය WEBRIP පිට‍පත සඳහා ලබා දී ඇත.

 width=

මේ ලබා දී ඇති සිංහල උපසිරැසි පිළිබද “ප්‍රබුද්ධ කේසර විතානගේ” සොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

 

Subtitle Contributor Rank

SILVER MEMBER
JOINING DATE – 2016-02-26
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

7 thoughts on “වෙන් ඉවිල් ලර්ක්ස් (2023) Sinhala Subtitles | නපුර සැඟව සිටින කල… [සිංහල උපසිරසි] (18+)

  • බොහොම ස්තූතියි සිංහල උපසිරැසියට. ජය෴෴ 😛 😛

    Reply
  • උපසිරැසියට බොහොම ස්තුතියි සහෝ…!

    Reply
  • ගොඩක්ම ස්තූතියි ප්‍රබුද්ධ සොයුර ………
    ඔබට සහ ඔබ පවුලේ සැමටත්
    මෙම වෙබ් අඩවියේ සියලුම  සොයුරු සොයුරියන්ටත්
    බුදු සරණයි – දෙවි පිහිටයි ……..!

    Reply
  • ස්තුතියි උපසිරැසියට ජයවේවා

    Reply
  • Thanks jayawewa…..!

    Reply

Leave a Reply

Your email address will not be published. Required fields are marked *