Inside Edge [S03 : E10] Sinhala Subtitles | ජයග්‍රාහකයා ක්‍රිකට්මයි [සිංහල උපසිරසි]

ඔන්න අවසාන කොටසටත් ඔයාලව සාදරෙන් පිළිගන්නවා. ඒ වුණත්, හැම අවසානයක්ම අලුත් ආරම්භයක් කියනවනේ. ඒ සාධකේ මේකටත් පොදුයි.

සරීනා ඉන්නෙ එයාගෙ ජීවිතේ එකම අරමුණට යන පාරෙ සෑහෙන දුරකට ගිහින්. තව බාධක කීපයයි. මේ වතාවෙ ඒ බාධක අයින් කරවගන්න එයා කාව පාවිච්චි කරාවිද?

ඔයාලට මතක ඇතිනේ ඉමාද්ට ක්‍රිකට් අතෑරලා එයාගෙ තාත්තගෙ නම ඉස්සරහට ගෙනියන්න කියලා ඉල්ලීම් ලැබුණා.. ඉතින් එයාගෙ තීරණය මොකක් වේවිද?

මේ වෙනකොට ටෙස්ට් තරඟාවලිය 1-1 ක් විදියට සම තත්වයේ තියෙන්නේ. ඉතින් මේ තුන්වෙනි තරඟය රටවල් දෙකටම අතිශය වැදගත්. තරඟෙ කොයි අතට හැරෙයිද? ඓතිහාසික ටෙස්ට් කුසලානෙ කවුරු තමන් සතු කර ගනීවිද?

ඒ අතරෙ රෝහිණියි වායුයි එකතුවෙලා කරන්න යන මේ අලුත් සෙල්ලම මොකක්ද? මේක එයාලගෙ අනාගතේට කොහොම බලපාවිද?

අවසාන කොටසෙ රචනය Karan Anshuman සහ Ananya Mody විසින්. Kanishk Varma තමයි මේ කොටසත් අධ්‍යක්ෂණය කරලා තියෙන්නේ.

කලින් කොටසෙ හැමදේම කණපිට හැරෙනවය කියලා කීවට, මේකෙ තමයි ඒ කණපිට හැරීම සම්පූර්ණ වෙන්නෙ කියලා කියන්න පුළුවන්. කොටස ඉවර වෙද්දි, ‘ඒ මොනවද ඒ සිද්ද වුණේ?’ කියලා ඔයාලට හිතෙයි කියලා මට විශ්වාසයි.

සීසන් තුන පුරාවටම අවධානෙන් කතාව බැලුවනම්, එක එක චරිතවල නැගීම් බැසීම්, පරිවර්තන සිද්ද වෙන හැටි ඔයාලට තේරෙන්න ඇති. උදාහරණයක් කිව්වොත් වායු රාඝවන් කියන්නෙ කොහොමත් නාහෙට නාහන හොස්ස ළඟින් මැස්සා යන්න බැරි චරිතයක් නේ. සීසන් 1 එකේ ඉඳන්ම තියෙන ඒ ගති සීසන් 2 එකේ උපරිමේටම ගිහින් මන්ත්‍රා එයාගෙ ජීවිතේට ආවත් එක්කම අමුතුම වෙනස්වීමකට ලක්වෙලා සෙට්ල් වෙන හැටි ඔයාලට තේරෙන්න ඇති. සීසන් 1 එකේ භායිසාබ් ඉන්නෙ කටහඬකින් විතරනේ. ඒ ටිකටත් හඬ කවන්නෙ වායු (Tanuj Virwani). දෙවෙනි සීසන් එකේ භායිසාබ් කතාවට එද්දිම එයාගෙ අධිරාජ්‍යය කොච්චර ලොකුද කියලා අපට අඟවලා ඉවරයි. එයාට මේ වගේ ඉරණමක් අත්වෙයි කියලා එතකොට අපට හිතන්නවත් බැහැනේ.

ඒ වගේ කතාවෙ ප්‍රධාන ලයින් එකට යටින් යන වෙනස්ම රටාවක් උනන්දුවෙන් බැලුවොත් ඔයාලට හොයාගන්න පුළුවන්. මේ කතාමාලාව මෙච්චර ජනප්‍රිය වෙන්න ඒකත් හේතු වෙන්න ඇති කියලා මට හිතෙනවා. එහෙනම්, තවත් කොටස් 10ක් පුරාවට ඉන්සයිඩ් එජ් එක්ක රැඳිලා හිටියට ස්තූතියි. උපසිරැසි වල අඩුපාඩු තිබුණනම් සමාවෙන්න. ආයෙත් දවසක තවත් උපසිරැසියකින් හමුවෙනකල් හැමෝටම ආයුබෝවන්!

මතක තියාගන්න,  යුද්ධය තවමත් අවසන් නැහැ.

“Change is the only constant”
“වෙනස්වීම තමා වෙනස් නොවෙන එකම දේ”