Masoom [S01 : E01 & E02] Sinhala Subtitles | මරණයක රැඳි රහසක්.. [සිංහල උපසිරසි]

Disney Hotstar වෙතින් ඉතාම මෑතකදී මුදාහැරුණු Thriller ගණයේ හින්දි වෙබ් කතමාලාවක් තමා මම මේ අරන් එන්නේ. කොටස් 6ක් විතරක් තියෙන මේ කතාමාලාවම එක හුස්මට කුතුහලයෙන් බලාගෙන යන්න පුළුවන් විදිහේ එකක් කියලා මුලින්ම නිර්දේශ කරලා ඉන්නම්කෝ. ඒ වගේම එක වරකට කොටස් දෙක ගානේ දෙන නිසා වැඩිය රස්තියාදු නොවී දවස් තුනක් ඇතුළත මේක ඉවරයක් කරන්නත් ඔයාලට පුළුවන්. සීසන් ගණන් ඇදෙන නිර්මාණයකුත් නෙමේ පේන හැටියට නම්. ඉතින් ඔය හැමෝටම Masoom එක්ක එකතු වෙන්න කියලා ආරාධනා කරන ගමන්ම හැරෙමු මේ කතාමාලාව ගැන ටිකක් කතා කරන්න.

Masoom කතාමාලාවට විචාරක ප්‍රේක්ෂක හොඳ ප්‍රතිචාර නම් ලැබිලා තියෙනවා. විශේෂයෙන්ම මේකට රංගනයෙන් දායක වෙන උදවිය සහ ඔවුන්ගේ රඟපෑම වැඩියෙන්ම පැසසීමට ලක්වුණා. ඒ කවුරු ගැනද කතා වුණේ කිව්වොත් Boman Irani, Samara Tijori, Manjari Fadnnis වගේ අයව පෙළගැස්සුවහැකි. බෝමන් ගැන අමුතුවෙන් කියන්න දෙයක් නෑනේ 3 Idiots එකේ වෛරස් ඇතුළුව කරපු තරමක් කළේ අපිට මතක හිටින චරිත. බොහොම දක්ෂ රංගනශිල්පියෙක්. ඒ වගේම සමාරා ගැන කිව්වොත් නම් වැඩිය කවුරුත් දන්නේ නැතුව ඇති. ඇය Deepak Tijori කියන නළුවාගේ දියණිය. ඔයාල Bob Biswas එහෙම බැලුවා නම් සමාරා ඒකෙත් මතක හිටින චරිතයක් කරා කියලා ඔලුවට එයි.

ඉතින් දැන් මං කතාව ගැන ටිකක් කියලා ඉන්නම්. සනා කියන්නේ තමන්ගේ තරුණ වයස විඳිමින්/විඳවමින් ඉන්න තරුණියක්. එයාගේ තාත්තා නගරේ නම දිනාගත්තු ලොකු වෛද්‍යවරයෙක්. තාත්තා, අම්මට අමතරව එයාට වැඩිමහල් සහෝදරයෙක් වගේම වැඩිමහල් සහෝදරියකුත් ඉන්නවා. සනාගේ මේ පවුලට මුළු ගමෙන්ම ලොකු පිළිගැනීමක් තිබුණා. ඒ තරමට ලොකු පවුලක්. ඒත් මේ පවුල ඇතුලේ මොකක්දෝ නොදන්න අවුලක් තිබ්බා. පිටින් ඉන්න කාටවත් ඒක දැනුනේ නෑ. සනා වුණත් මේ පවුල ඇතුලේ ඉන්න ලොකු කැමැත්තක් පෙන්නුවේ නෑ. පුළුවන් හැම වෙලාවටම එයා කළේ පවුලෙන් ඈත් වෙලා ජීවත් වෙච්ච එක. දවසක් ලොකු සිදුවීමක් වෙලා සමාරා මේ පවුලෙන් ඈත් වෙලාම යන්න ගියා. එයා ඈතම ඈත කොලේජ් එකක ඉගෙනගත්තා එහෙ තිබ්බ හොස්ටල් එකකට වෙලා. එහෙ ගියාට පස්සේ සනා ගෙදර ආවේ අතේ ඇඟිලි ගාණටත් අඩුවතාවල් වලදී විතරයි. ඒත් හදිසියේම එක දවසක් සනාට ආරංචි වුණේ අදහගන්න බැරි දෙයක්. ඒක අහපු වෙලේ සනාට ඇති වුණු කම්පනය මෙහෙමයි කියන්න බැරි වුණා. කෙලින්ම කාර් එකට නැග්ග සනා ඉවක් බවක් නැතුව ඒක පදවගෙන යන්න පටන් ගත්තා..

දැන් එතන ඉඳන්…!!!