A Minecraft Movie (2025) Sinhala Subtitles | මිනිස් ලෝකයේ සිට කියුබ් ලෝකයට [සිංහල උපසිරසි]

Minecraft කිව්වම මේ ගැන නොදන්න කෙනෙක් නැතිවෙන්න පුළුවන්. මේක අතිශය ඇබ්බැහි වෙන සුළු ගේම් එකක්. මේ 2011 වසරේ නිර්මාණය කළ ගේම් එක මත පදනම් වෙලා තමයි 2025 වසරේ මේකේ fantasy adventure comedy චිත්‍රපටිය මෙලොව එළිය දකින්නේ. මේ ෆිල්ම් එකේ රඟපාන්නේ ජේසන් මොමෝආ, ජැක් බ්ලැක්, ඩැනියෙල් බෲක්ස්, එම්මා මයර්ස් සහ සෙබස්තියන් හැන්සන් වගේ අය. මේකේ කතාව ඇවිල්ලා ආගන්තුක මිනිස්සු හතර දෙනෙක් ද්වාරයක් හරහා හතරැස් ලෝකයකට ඇදිලා ගිහින්, “ස්ටීව්” කියන ක්‍රාෆ්ටින් වල දක්ෂයෙක්ගේ උදව්වෙන් ආපහු නිජ ලෝකෙට යන ගමනක් හැටි ගැන.

Minecraft ෆිල්ම් එකක් හදන්න සැලසුම් පටන් ගත්තේ මේ ඊයේ පෙරේදා නෙමෙයි, ඒ 2014 දී. ඒ කාලේ මේ ගේම් එක හදපු මාර්කස් පර්සන් කිව්වා Mojang සමාගම Warner Brother Pictures එක්ක මේ ව්‍යාපෘතිය ගැන කතා කරනවා කියලා. මේ වැඩේ තරමක් දියුණු වෙද්දී, Minecraft චිත්‍රපටය වෙනස් අධ්‍යක්ෂකවරු, නිෂ්පාදකවරු, සහ කතා සැලසුම් කිහිපයක් අතර මාරු වුණා. 2022 වෙද්දී, Legendary Entertainment කියන සමාගම මේකට සම්බන්ධ වුණා. හෙස්ව අධ්‍යක්ෂක විදිහට පත් කළා, ඒ වගේම මොමෝආ රඟපාන්න එනවා කියලත් කතා වුණා. 2023 මැයි සිට 2024 ජනවාරි වෙනකන් තමයි අනෙක් නළු නිළියන් තෝරා ගත්තේ. ඒ අවුරුද්දේම ජනවාරි මාසේ නවසීලන්තයේ ප්‍රධාන රූගත කිරීම් පටන් අරන් 2024 අප්‍රේල් මාසේ ඉවර කළා.

Minecraft ලොව පුරා ප්‍රදර්ශනය කළේ 2025 මාර්.තු 30 වෙනිදා ලන්ඩන් නුවර එම්පයර්, ලෙස්ටර් චතුරශ්‍රයේදී. ඊට පස්සේ අප්‍රේල් 4 වෙනිදා ලෝකය පුරා සිනමාහල්වල පෙන්නුවා. විචාරකයන්ගෙන් මේකට මිශ්‍ර ප්‍රතිචාර ලැබුණා. මේකට වියදම් වුණ මුදල ඩොලර් මිලියන 150යි, දැන් ඩොලර් මිලියන 917ක් විතර උපයලා තියෙනවා 2025 මැයි 16 වෙද්දි. 10 ගුණයක විතර දැවැන්ත ලාභයක් නේද… මේ නිසා 2025 දෙවෙනියට වැඩිම ආදායම් ලැබූ චිත්‍රපටය වගේම වීඩියෝ ගේම් පදනම් කරගත් චිත්‍රපට අතරින් දෙවෙනියට වැඩිම ආදායම් ලැබූ චිත්‍රපටය බවට මේක පත් වෙලා තියෙනවා. දැනට දෙවෙනි කොටසකුත් නිෂ්පාදනය වෙමින් පවතිනවා.හොලිවුඩ් නිෂ්පාදකයන්ගෙන් Minecraft ගැන රූපවාහිනි කතා මාලාවක් හදන්න ගොඩක් යෝජනා ආවා, ඒ වගේම ෆෑන් ෆිල්ම් එකක් හදන්න ක්‍රවුඩ්ෆන්ඩින් කැම්පේන් එකකුත් තිබ්බා. ඒක Minecraft හදපු මාර්කස් “නොච්” පර්සන් විසින් නවත්තලා දැම්මා. ඊට පස්සේ 2014 පෙබරවාරි මාසේදී පර්සන් හෙළි කළා මොජැං ස්ටූඩියෝස් සමාගම Warner Brother Pictures එක්ක නිල Minecraft චිත්‍රපටයක් හදන්න කතාබහ කරනවා කියලා. ඔක්තෝබර් මාසේ මොජැං සමාගමේ CCO වූ බුයි කිව්වා මේ චිත්‍රපටය තවම මුල් අදියරේ තියෙන්නේ, ඒ වගේම “විශාල අයවැයක්” යන ව්‍යාපෘතියක් වෙනවා කියලා. මිනිහා තව කිව්වා චිත්‍රපටය නිකුත් කරන්න 2018 වෙනකන්වත් කාලය යන්න පුළුවන් කියලා. මුලින්ම, රෝයි ලී සහ ජිල් මෙසික් තමයි මේ ව්‍යාපෘතිය නිෂ්පාදනය කරන්න හිටියේ. ඒ මාසේදීම, Warner Brother අධ්‍යක්ෂකවරයා විදිහට ෂෝන් ලෙවී පත් කළා. ඒත් දෙසැම්බර් වෙද්දී ෂෝන් ලෙවීත්, තිර රචකයන් වූ කියෙරන් සහ මිෂෙල් මල්රෝනීත් (ඔවුන් ෆිල්ම් එක සංවර්ධනය කරමින් හිටියේ) ව්‍යාපෘතියෙන් ඉවත් වුණා.

2015 ජූලි මාසේ විතර වෙද්දී, Warner Brother ලා රොබ් මැක්එල්හෙනී ව අධ්‍යක්ෂක තනතුරට පත් කළා. ඔහු කිව්වා ගේම් එකේ තියෙන විවෘත-ලෝක ස්වභාවය නිසා තමයි මේ ෆිල්ම් එක ගැන ඔහු ආකර්ෂණය වුණේ කියලා. ඒ අදහසට Warner Brothers සමාගම මුලින්ම එකඟ වෙලා ඔහුට ඩොලර් මිලියන 150ක මුදල් දුන්නා. 2016 දී වේලපහ නිෂ්පාදන කටයුතු පටන් ගත්තා, ඒ වගේම 2019 මැයි 24 මුල් නිකුත් කිරීමේ දිනයක් නිවේදනය කළා. ජේසන් ෆුච්ස් තමයි තිර රචනය කරන්න හිටියේ, ඒ වගේම ස්ටීව් කැරෙල් නොදන්නා චරිතයක හඬ කරන්න හිටියා. කොහොම වුණත්, 2016 අවසානයේදී මැක්එල්හෙනීගේ Minecraft ෆිල්ම් එක “සෙමෙන් අභාවයට ගියා”, මොකද 2016 අවසානයේදී ස්ටූඩියෝ විධායක ග්‍රෙග් සිල්වර්මන් වෝනර් බ්රදර්ස් සමාගමෙන් ඉවත් වුණා. ඒරන් සහ ඇඩම් නී කියන අයට තිර රචනය ආපහු ලියන්න කිව්වා, ඒ නිසා ෆිල්ම් එක ප්‍රමාද වුණා. ඒ වෙලාවේ අලුත් අධ්‍යක්ෂකවරයෙක් නම් කළේ නෑ. 2019 ජනවාරි වෙද්දී, පීටර් සොලෙට් අධ්‍යක්ෂණය කරන්න එනවා කියලා කිව්වා, ඒ වගේම මැක්එල්හෙනීගේ අදහසට වඩා සම්පූර්ණයෙන්ම වෙනස් කතාවක් හදනවා කිව්වා. සොලෙට් මුලින් චිත්‍රපටයේ කතාව ගැන හිතලා තිබ්බේ “නව යොවුන් වියේ ගෑනු ළමයෙක් සහ ඇයගේ සහායකයින් පිරිසක්” එන්ඩර් මකරව පරාජය කරන්න යන ගමනක් ගැන. එන්ඩර් මකරා කියන්නේ මුල් Minecraft ගේම් එකේ අවසාන විරුද්ධවාදියා. ඊට පස්සේ චිත්‍රපටයට 2022 මාර්තු 4 කියලා අලුත් නිකුත් කිරීමේ දිනයක් දුන්නා. 2019 ජූනි මාසේදී, ඇලිසන් ෂ්‍රෝඩර්ව තිර රචනය කරන්න සහ සොලෙට් එක්ක කතාව ලියන්න පත් කළා. 2020 දී කොවිඩ්-19 වසංගතය නිසා, වෝනර් බ්‍රදර්ස් සමාගමට තමන්ගේ නිකුත් කිරීමේ කාලසටහන වෙනස් කරන්න සිද්ධ වුණා, ඒ නිසා සැලසුම් කළ දිනයෙන් Minecraft ෆිල්ම් එක ඉවත් කළා.

2022 අප්‍රේල් මාසේදී, Minecraft ෆිල්ම් එකේ නිෂ්පාදනය සොලෙට් සහ ෂ්‍රෝඩර් නැතිව ඉදිරියට යනවා කියලා නිවේදනය කළා. ඒ වගේම ජේසන් මොමෝආ රඟපාන්න කතාබහ කරනවා කියලා කිව්වා. ෆිල්ම් එක ලයිව් ඇක්ෂන් (නියම මිනිස්සු රඟපාන) එකක් වෙනවා කියලත් තහවුරු කළා. ඒ වගේම, ක්‍රිස් බෝමන් සහ හබල් පාමර් (මෙයාලා Mastermainds (2016) චිත්‍රපටයේ හෙස් එක්ක වැඩ කළා) තිර රචනය ආපහු ලියනවා කියලත් වාර්තා වුණා.

Minecraft චිත්‍රපටයකට හරවද්දී, නිෂ්පාදන කණ්ඩායම උත්සාහ කළා චිත්‍රපටයේ තියෙන සියලුම දේවල් ගේම් එකට ගැළපෙන්න හරිගස්සන්න. ඒ කියන්නේ හැම දෙයක්ම හතරැස් කොටුවලින් හදන්න. ගස්වල ඉඳලා පලතුරු දක්වා හැම දෙයක්ම එහෙමයි. ගොඩක් යූටියුබර්ලා සහ Minecraft ප්‍රජාවේ සාමාජිකයන් චිත්‍රපටයේ නිෂ්පාදනයට සහභාගී වුණා. YouTube කරුවෙක් වන මම්බෝ ජම්බෝ සමහර පසුතල නිර්මාණය කරන්න උදව් වුණා. චිත්‍රපටය ලියලා අධ්‍යක්ෂණය කරද්දී, කණ්ඩායම තීරණය කළා Minecraft මත පදනම් වුණු කතාවක් හදන්න. මෙයාලා හිතුවා ඒක තමයි Minecraft වල ස්වභාවයට ගැළපෙන්නේ කියලා, මොකද එක සෑන්ඩ්බොක්ස් ගේම් එකක් නිසා ක්‍රීඩකයන්ට තමන්ගේම කතා හදන්න පුළුවන්. ඒ නිසා චිත්‍රපටයට නම දැම්මේ The Minecraft Movie නෙවෙයි, A Minecraft Movie කියලා. මේ සංකල්පය චිත්‍රපටයේ Minecraft චරිතයක් වන ස්ටීව්ට යොදලා තිබ්බා. නිෂ්පාදන කණ්ඩායම ජැක් බ්ලැක්ගේ ස්ටීව් චරිතය විස්තර කළේ ගොඩක් ස්ටීව්ලා අතරින් එකක් විදිහට, Minecraft තුළ ඉන්න “ස්ටීව්” නියෝජනය කරන්න නෙවෙයි කියලා.ජේම්ස් තෝමස් තමයි චිත්‍රපටයේ සංස්කාරක විදිහට වැඩ කළේ. A Minecraft Movie ප්‍රධාන වශයෙන් ලයිව් ඇක්ෂන් චිත්‍රපටයක් වුණත්, ගොඩක් CGI භාවිතා කරලා තියෙනවා භූමිය, සතුන්, යක්ෂයන්, සහ අනෙකුත් දේවල් හදන්න. ග්‍රීන්-ස්ක්‍රීන් සහ ස්ටූඩියෝ ආලෝකකරණයත් ගොඩක් පාවිච්චි කරලා තියෙනවා.

හෙස් චිත්‍රපටයේ අධ්‍යක්ෂක වෙනවා කියලා නිවේදනය කරපු ගමන්ම, මොමෝආ ප්‍රධාන චරිතයක රඟපානවා කියලත් කිව්වා. 2023 මැයි මාසේදී, මැට් බෙරී නළු කණ්ඩායමට එකතු වෙන්න කතාබහ කළා. ඒ වගේම නොවැම්බර් වලදී ඩැනියෙල් බෲක්ස් සහ සෙබස්තියන් යුජින් හැන්සන් නළු කණ්ඩායමට එකතු වුණා. ඊළඟට දෙසැම්බර් වලදී එම්මා මයර්ස් එකතු වුණා. 2024 ජනවාරි මාසේ, බ්ලැක් නළු කණ්ඩායමට එකතු වුණා. මුලින්ම, බෙරී තමයි ස්ටීව්ගේ චරිතය රඟපාන්න හිටියේ. බ්ලැක් මුලින් කතා කරන ඌරෙක් විදිහට පොඩි චරිතයක් විතරයි කරන්න තිබුණේ. හැබැයි 2023 හොලිවුඩ් වල වුණු කම්කරු ආරවුල නිසා, බෙරීට චරිතයෙන් ඉවත් වෙන්න සිද්ධ වුණා, ඊට පස්සේ බ්ලැක් තමයි ස්ටීව්ගේ චරිතය බාර ගත්තේ. නිෂ්පාදක ටෝෆි ෆ්‍රැන්ස් ඔලාෆ්සන් කියන විදිහට, බ්ලැක්ගේ ස්ටීව් චරිතය “ඔහුට ආවේණික” එකක්. බ්ලැක් රඟපාන්න පත් කරපු වෙලාවේම, ජෙනිෆර් කූලිජ්, කේට් මැක්කින්නොන්, සහ ජමේන් ක්ලෙමන්ට් කියන අයත් එවකට හෙළි නොකරපු චරිත සඳහා තෝරා ගත්තා. යූටියුබර් වැල්කිරේ මුලින් චිත්‍රපටයේ පෙනී සිටින්න හිටියා, නමුත් මොමෝආ නළු නිළි පිරිසට සහ නිෂ්පාදන කණ්ඩායමට අයුතු ලෙස සැලකුවා කියලා ඇය ප්‍රසිද්ධියේ චෝදනා කළ නිසා ඉවත් කළා.

මෙම චිත්‍රපටයේ ගීතයක් වන “ස්ටීව්ස් ලාවා චිකන්” චිත්‍රපටය නිකුත් කිරීමෙන් පස්සේ අන්තර්ජාලයේ වයිරල් වුණා, ඒ වගේම ගොඩක් රටවල චාර්ට් වලට ඇතුළත් වුණා. ඒ සිංදුව UK සිංගල්ස් චාර්ට් එකේ සහ ඇමරිකාවේ *බිල්බෝඩ්* හොට් 100 හි ටොප් 40ට ළඟා වූ කෙටිම ගීතය බවට පත් වුණා.

චිත්‍රපටය නිකුත් කරන වෙලාවේම මොජැං සමාගම විවිධ වෙළඳ නාම සමඟ එකතු වෙලා චිත්‍රපටය ප්‍රවර්ධනය කරන නිෂ්පාදන හැදුවා. ඒවා අතර චරිතවල ක්‍රියාකාරක රූප, ට්‍රූමූ සමාගමෙන් “ක්‍රීපර් ග්‍රීන්” වැනිලා කිරි, සහ මැක්ඩොනල්ඩ්ස් සමාගම පිළිගැන්වූ විශේෂ හැපී මීල්ස් තිබුණා. මේ නිෂ්පාදනවල අමුතු ස්වභාවය, උදාහරණයක් විදිහට ජැක් බ්ලැක් ගේ ක්‍රියාකාරක රූපයේ “අසාමාන්‍ය” පෙනුම, අවධානයත් සමහර විවේචනත් දිනා ගත්තා. ඒත් මැක්ඩොනල්ඩ්ස් ප්‍රවර්ධනයෙන් ආපු “නෙදර් ෆ්ලේම් සෝස්” උණුසුම් ගිල්වන සෝස් එක ගොඩක් හිත් දිනාගත්තා, මොකද ඒකේ තියෙන තියුණු රසය සහ චිකන් මැක්නගට්ස් එක්ක කන්න සුදුසු නිසා.

Minecraft ගේම් එකේ චරිත ටිකක් ගැන පොඩි විස්තරයක් මම ඔයාලට දැන් දෙන්නම්,
මේකෙන් ඔයාලට මේ ෆිල්ම් එක ගැනත් පොඩි අවබෝධයක් ගන්න පුළුවන්.

Minecraft එකේ හිතකර චරිත (Passive Mobs)

● ගවයා (Cow) – කිරි ලබා දෙන සතෙක්.
මූව ඔයාලට තණකොළ දීලා ගෙදර ඇති කරන්න පුළුවන්.

● බැටළුවා (Sheep) – ලොම් ලබා ගන්න පුළුවන්.
විවිධ වර්ණවලින් ගන්න පුළුවන්. තණකොළ කාලා වැඩෙනවා.

● ඌරා (Pig) – ආහාරයට ගත හැකි මස් ලබා දෙනවා.
පැත්තට පොල්ලක් දාගත්තොත් ධාවනය කරන්න පුළුවන්.

● කුකුළා (Chicken) – බිත්තර හා කුකුල් මස් ලබා දෙනවා.

● මාළුවා (Fish) – විවිධ වර්ගයේ මාළු ඉන්නවා.
මුහුදේ හා ගංගාවල දකින්න පුළුවන්.

● ගම්වැසියා (Villager) – ගම්වල ජීවත් වන මිනිසුන් වගේ චරිත.
මෙයාලා එක්ක වෙළඳාම් කරන්න පුළුවන්. විවිධ වෘත්තීන් කරනවා.

සහාය වන චරිත (Utility Mobs)

● අශ්වයා (Horse) – මූ පිටේ නැගලා යන්න පුළුවන්.

● ලාමා (Llama) – බඩු පටවන් අරගෙන යන සතෙක්.

● මී මැස්සා (Bee) – පරාගනයට උදව් කරනවා, පැණි හදනවා.
මළ පැන්නොත් දෂ්ඨ කරනවා.

● යකඩ යෝධයා (Iron Golem) – ගම් ආරක්ෂා කරන දැවැන්ත චරිතයක්.
සතුරන්ගෙන් ආරක්ෂාව සපයයි.

● හිම යෝධයා (Snow Golem) – හිමෙන් හදන රූපයක්.
සතුරන්ට හිම බෝල විසි කරනවා.

හතුරු චරිත (Hostile Mobs)

● සොම්බි (Zombie) – රෑට එන ඇවිදින මළ මිනී.
ගිනි තියලා පුච්චලා විනාස කරන්න පුළුවන්.

● ස්කෙලිටන් (Skeleton) – දුනු හා ඊතල සමඟ පහර දෙන අස්ථි සැකිල්ලක්.

● ක්‍රීපර් (Creeper) – ළං වුණාම පුපුරලා යන කොළ පාට පඳුරක් වගේ චරිතයක්.
ගොඩනැගිලි විනාශ කරනවා

● මකුළුවා (Spider) – රාත්‍රියේ ප්‍රහාර එල්ල කරන විශාල මකුළුවෙක්.
බිත්ති දිගේ නගින්න පුළුවන්.

● එන්ඩර්මන් (Enderman) – දිගු කළු චරිතයක්.
බ්ලොක් උස්සගෙන යනවා. වතුරට බයයි.

● මායාකාරිය (Witch) – විෂ පොවන පොෂන් වර්ග විසි කරනවා.

● ස්ලයිම් (Slime) – කොළ පාට ජෙලටින් වගේ චරිතයක්.
පුපුරන කොට පොඩි ස්ලයිම් බවට පත්වෙනවා.

බොස් චරිත (Boss Mobs)

● එන්ඩර් ඩ්‍රැගන් (Ender Dragon) – ගේම් එකේ ප්‍රධාන බොස් චරිතය.
එන්ඩ් වෙල්ඩ් එකේ ඉන්නේ.

● විචර් (Wither) – ප්ලේයර් විසින් හදන බලවත් බොස් චරිතයක්.

මේ චරිත වලට වඩා තවත් ගොඩක් චරිත Minecraft ගේම් එකේ තියෙනවා. හැම අප්ඩේට් එකකදීම අලුත් චරිත එකතු කරනවා. මේ හැම චරිතයකටම අවේණික හැසිරීම් රටා හා ගුණාංග තියනව වගේම, ඒවාත් එක්ක ගේම් එක තව තවත් රසවත් වෙනවා.

එහෙනම් ඔයාලා ෆිල්ම් එක බලන්න. ගේම් එක ගහලා තියන අයට නම් මේක බොහොම විනෝදකාමී චිත්‍රපටියක් විශේෂයෙන්ම වෙයි,

අනිත් අයට නම් ගේම් එක ගහලා බලන්න අනිවාර්යෙන්ම ආසාවක් ඇතිවෙයි.

A Minecraft Movie (2025) Sinhala Subtitles