Beacon 23 [S01 : E08] Sinhala Subtitles | දෘඩ [සිංහල උපසිරැසි]

Beacon 23 [S01 : E08] Sinhala Subtitles

ආයුබෝවන් මේ දෙසැම්බර් 17 දින විකාශය වූ බීකන් 23 අට වන හෙවත් මේ සීරීස් එකේ අවසන් එපියයි මේ   . Hugh Howey ගේ කෙටි කතා එකතුවක් ඇසුරින්  Zak Penn  තිර රචනය කර Tessa Blake විසින් අධ්‍යක්ෂනය කර තිබෙන මෙහි Lena Headey , Stephan James, Natasha Mumba,Stephan Root,Jess Salgueiro,Marc Menchaca,Daniel Malik චරිත රඟ පානවා.

මීට වසර දෙසීයකට පසු විශ්වයේ ඈත කොනක ආලෝකයේ වේගයෙන් දිවෙන යානාවන්ට මග පෙන්වන ප්‍රදීපා ගාරයක් වන බීකන් 23 තුල හුදෙකලා වන ජීවිත ද්විත්වයක් මුහුණ දෙන අත් දැකීම මේ කතා මාලාවට පාදක වෙනවා. මේ වන විට පෘථිවිය විනාශ වී ඇති අතර විශ්වයේ වෙනත් ග්‍රහලෝක වල කොලනි බිහි කරමින් විශ්වයම තනි කේන්ද්‍රීය පාලනයකට යටත් වී ඇති බවක් පෙනී යනවා.

ඇස්ටර් හේලන් සුසං‍යෝගය සිය අරමුණු මුදුන් පත් කර ගනීද ඔවුන් ඈත වෙනත් ලොවකට පැන යයිද නැතහොත් ඇස්ටර් ගනුදෙනු කරන මායාකාරී කෞතුකය තුලින් වෙනත් සමාන්තර විශ්වයකට ගමන් කරයිද? කොලනිකරණය ව්‍යාප්ත වීම තුලින් මිනිසා මුහුණ දෙන සර්වකාලීන ගැටළු වලට වෙනත් විශ්වයක් තුලින් විසඳුම් ලබා දෙන ගැලවුම් කරුවා බවට ඇස්ටර් පත් වෙයිද. එසේ නැත්නම් ඉතිහාසය ප්‍රතිනිර්මාණය වෙමින් ගැලවුම් කරු කුරුසියට බිලිවෙයිද? ඉතා ත්‍රාස ජනක අවසානයක් සමග කතා මාලාව දෙවන සීරීස් එකට යොමු වෙනවා

මිනිස් හැඟීම් සමග පරිණාමය වන කෘත්‍රිම බුද්ධිය මීට ශත වර්ෂ දෙකකට පසු මිනිසාට සිදු කරන බලපෑම විශ්වයේ පාලනය පිළිබඳ ඔවුන්ගේ බලපෑම් ගැනද මේ මගින් හිතන්න පුළුවන්.

ඉතා අභියෝග කාරී උප සිරැසි නිර්මානයක් සමග මේ කතා මාලාව නිම කරන්නට ලැබීම සතුටුයි. සාමාන්‍ය සරල මලයාලම් උපසිරසි වල සිට මෙවැනි බර වාග් මාලාවක් තියෙන කතාවක උප සිරසි කරණය කිරීමට මට අවස්ථාව සලසා දුන් විමා සොයුරාට ස්තූතියි. තවමත් ආධුනිකයෙක් වන මට උපසිරැසි නිර්මාණකරණයේ විශාල හදෑරීමක් කරන්න මෙය විශාල ලෙස ඉවහල් උනා. ඔබේ කොමෙන්ටුද මට විශාල ධෛර්‍යයක්.ඒ සම්බන්ධයෙන් ස්තූතියි.

ලබන අප්‍රේල් මාසයේදී දෙවන සීරීස් එකෙන් හමු වෙමු.

එතෙක් ආයුබෝවන්!

Subtitle Contributor Rank
BRONZE MEMBER
JOINING DATE – 2023-09-10
SUB-MAKER RATING BY ADMINS

Beacon 23, Beacon 23 [S01 : E08] Sinhala Subtitles, Beacon 23 Sinhala Sub