Captain America: Brave New World (2025) Sinhala Subtitles | ඇඩමැන්ටියම් සමඟින් නව ලෝකයක් කරා! (200) [සිංහල උපසිරසි]

Captain America: Brave New World (2025) Sinhala Subtitles

බයිස්කෝප්වාසී සියලු දෙනාටම කිරියෙන් පැණියෙන් ඉතිරෙන සුබ අලුත් අවුරුද්දක් වේවා කියල ප්‍රාර්ථනා කරනවා! කට්ටිය නිවාඩුවෙන් ඉන්න මේ දවස් ටිකේ නිදහසේ බලන්න ඔන්න අලුතෙන් Marvel ෆිල්ම් එකක් රිලීස් වුණා. ඒ Captain America: Brave New World. මේ අරගෙන ඇවිත් තියෙන්නේ ඒකේ සිංහල උපසිරසි. ඒවගේම මට මේ ෆිල්ම් එක තවත් විශේෂයක් වෙන්නේ මේක මගේ 200 වෙනි උපසිරසි ගැන්වීම වෙන එකයි.

50, 100 සහ 150 ලිපිවල කිව්වේ නැති විශේෂ දෙයක් මේ ලිපියේ කියන්න ඉතුරු වෙලා නෑ. ඉතින් ඒ නිසා වැඩි විස්තර ඕනේ නෑ, මෙතුවක් කල් මට මේ හතරවෙනි කඩයිම දක්වා ගමන එන්න උදව් කරපු බයිස්කෝප් කණ්ඩායමේ උපසිරසිකරුවෝ හැමදෙනාටමත්, සයිට් එකේ පසුතලයේ ඉඳගෙන දිගටම සයිට් එක පවත්වගෙන යන්න උරදෙන අපේ ඇඩ්මින් මඬුල්ලටත්, අවසාන වශයෙන් අපේ උපසිරසි ඩවුන්ලෝඩ් කරගෙන බලන ඔයාලා හැමෝටමත් මගේ හදපිරි ස්තුතිය හිමි කරමින් කතාව අවසන් කරන්නම්.

ෆිල්ම් එක ගැන කතාකළොත් මේ වෙනකොට ෆිල්ම් එකට IMDb දර්ශකයේ 5.8ක අගයකුත්, Rotten Tomatoes දර්ශකයේ 58%ක අගයකුත් හිමි වෙලා තියෙනවා. මමත් මේ රේටින් එකත් එක්ක එකඟයි. ෆිල්ම් එක නරකත් නෑ, කියන්න තරම් විශේෂ හොඳකුත් නෑ. ආතල් එකේ බලාගෙන ගිහින් ඉවර කරන්න පුළුවන් ෆිල්ම් එකක්. ෆිල්ම් එකේ හයිලයිට් එක තමයි ඉන්න නළු නිළියෝ කණ්ඩායම සහ එයාලගේ රංගනය. Anthony Mackie (Captain America), Harrison Ford (Thaddeus Ross), Danny Ramirez (Joaquin Torres), Shira Haas (Ruth Bat-Seraph), Carl Lumbly (Isaiah Bradley), Giancarlo Esposito (Sidewinder) ආදී ප්‍රසිද්ධ නළුනිළියෝ මේ ෆිල්ම් එකට රංගනයෙන් දායක වෙනවා. ඒවගේම කලින් මාවල් projects වල දැකපු කීප දෙනෙකුත් අපට මේකේ බලාගන්න පුළුවන්.

ෆිල්ම් එකේ කතාව ගැන බැලුවොත් මේ ෆිල්ම් එකට කලින් මාවල් ෆිල්ම් කිහිපයක් පාදක වෙනවා. පළවෙනි එක තමයි The Incredible Hulk (2008). මේ ෆිල්ම් එකේ හල්ක් සහ ඇබොමිනේෂන් අතරේ වෙන සටනෙදී බැනර්ගේ ලේ තමන්ගේ ඇඟ ඇතුළට යාමෙන් Leader කියන විලන් බවට පත් වෙන සැමුවෙල් ස්ටර්න්ස්ව අපට මේ චිත්‍රපටියේ දකින්න ලැබෙනවා. දෙවෙනි එක තමයි The Eternals (2021). මතක ඇතිනේ, පෘථිවියෙන් සෙලෙස්ටියල්වරයෙක් මතුවෙන්න ගිය විදිය. එතනින් පස්සේ ආව මාවල් චිත්‍රපටි සහ ටීවී සීරිස්වලින් මේක නොසලකා හැරලා තිබුණට මේ වගේ සිද්ධියකින් කොහොමද ලෝකය වෙනස් වෙන්නේ කියලා මේ ෆිල්ම් එකෙන් බලාගන්න පුළුවන්. තුන්වෙනි එක තමයි The Falcon and the Winter Soldier (2021) ටීවී සීරිස් එක. සෑම් විල්සන්, ෆැල්කන්ගේ ඉඳන් කැප්ටන් ඇමරිකා බවට පත් වෙන විදිය අපි මේ සීරිස් එකේ දැක්කා. ඒවගේම ඒකේ අපට දකින්න ලැබුණු චරිත කීපයක් මේ ෆිල්ම් එකෙත් අපට බලාගන්න පුළුවන්. ඉතින්, මේ ෆිල්ම් එක බලන්න ඔයාලා ඒවා බලලා තියෙන්න ඕනෙමද? නෑ, ඒවා බලලා නැති වුණත් මේ ෆිල්ම් එකේ රසය විඳගන්න ඒක ඔයාලට බාධාවක් වෙන එකක් නෑ. මොකද ඒ අදාළ සිද්ධි ඔක්කොම මේ ෆිල්ම් එකේ කෙටියෙන් පැහැදිලි කරනවා.

ඉතින්, මේ ෆිල්ම් එකේ විශේෂත්වය මොකක්ද? මේ ෆිල්ම් එකෙන් තමයි MCU එකට Adamantium (ඇඩමැන්ටියම්) කියන ලෝහය හඳුන්වලා දෙන්නේ. ඇඩමැන්වියම් කියන්නේ වයිබ්‍රේනියම්වලටත් වඩා ශක්තිමත් ලෝහයක්. ඇඩමැන්ටියම් ගැන සමහර විට ඔයාලා අහලත් ඇති. වුල්වරින්ගේ ඇටසැකිල්ල හැදිලා තියෙන්නේ ඇඩමැන්ටියම් වලින්. මීට අමතරව කොමික්වල අල්ට්‍රෝන්ව හදලා තියෙන්නෙත් ඇඩමැන්ටියම් වලින්. ඇඩමැන්වියම් වඩාත් ප්‍රසිද්ධ වෙලා තියෙන්නේ විනාශ කරන්න බැරි ලෝහයක් විදියටයි. The Eternals චිත්‍රපටයේ පෘථිවිය පතුලේ ඉඳන් එළියට පැමිණි සෙලෙස්ටියල්වරයාගෙන් තමයි මාවල් විශ්වයට ඇඩමැන්ටියම් ලැබෙන්නේ. ඒකෙන් ලෝක දේශපාලනයට මොකක්ද සිද්ධ වෙන්නේ කියන එක ඔයාලට මේ ෆිල්ම් එකෙන් බලාගන්න පුළුවන්.

එහෙම නම්, අලුත් උපසිරසියකින් හමුවෙන බලාපොරොත්තුවෙන් අදට සමුගන්නම්. ඒවගේම Invincible සහ YFNSM සීරිස් වලටත් උපසිරසි අරන් එන්න තියෙනවනේ. හැමෝටම සුබ දවසක්. පීස් ✌️.

Captain America: Brave New World (2025) Sinhala Subtitles

Due to copyright issues, we do not provide any torrent links.

මෙම ලබා දී ඇති උපසිරසිය WEB පිටපත සඳහා ලබා දි ඇත.