Fringe [S04 : E19] Sinhala Subtitles | අනාගතය අදයි [සිංහල උපසිරසි සමඟ]

අද කොටස බලන්න කලින් අනිවාර්‍යෙන්ම මේ ලිපිය කියවන්න. නැත්නම් අගක් මුලක් තේරෙන එකක් නෑ.
—————————————————–
ඔවුන් පැමිණියේ අනාගතයෙන්..
මුල් කාලයේ, ඔවුන් කළේ නිරීක්ෂණය කිරීම පමණයි.
ඔවුන් පෙනී සිටියේ මානව ඉතිහාසයේ වැදගත් අවස්ථා වලදීයි.
අපි ඔවුන්ට කීවේ “නිරීක්ෂකයන්” කියලයි.

එහෙත් 2015 දී ඔවුන් නිරීක්ෂණය කිරීම නවතා දැමුවා.. පාලන කටයුතු ඔවුන් යටතට ගත්තා.

මහජන කැරළි ක්‍රෑර සහ නිරර්ථක ලෙස කෙළවර කර දැමුවා. ජීවිත ගලවා ගත් අයට කීවේ “ස්වදේශිකයන්” කියලයි.

ඔවුන්ගේ පාක්ෂිකත්වය පෙන්වීමේ වෑයමක් ලෙස, ස්වදේශිකයන් පිරිසක් “රාජ පාක්ෂිකයන්” බවට පත් වූවා. නිරීක්ෂකයන් විසින් ඔවුන්ව සලකුණු කළා.

මුල් ෆ්‍රින්ජ් කණ්ඩායම මේ ආක්‍රමණය නවත්වන්නට සටන් කළත්, ඔවුන් ඉක්මනින් පරාජයට පත් වූවා.

ඉන්පසු ෆ්‍රින්ජ් කණ්ඩායමට අවසර ලැබුනේ සීමාසහිත වපසරියක ක්‍රියාත්මක වන්නටයි, එයත් ස්වදේශිකයන් අතර නීතිය හා සාමය රකින්න පමණයි.

විරෝධතාවයක් ඇතිවූ වහාම මැඩ පැවැත්වූවා..

..නැත්නම් එහෙම නොවුනා වෙන්නත් පුලුවන්..!

———————————————

ඕක තමයි අද කතාවට පෙරවදන. අද කතාව දිග හැරෙන්නේ සම්පූර්ණ වෙනස් කෝණෙකින්, නිරීක්ෂකයෝ ලෝකේ අල්ල ගත්තොත් කොහොම වෙයිද? මේ කොටසින් විශේෂ කෙනෙක් දකින්න ලැබෙයි. එහෙමනම් ඊලඟ කොටසින් හමුවෙමු.