Fringe [S04 : E21] Sinhala Subtitles | නිර්භීත නව ලොවක් (පළමු අදියර) [සිංහල උපසිරසි සමඟ]

හොඳයි ඔන්න අපි මේ කතාසමයේ අවසාන පූර්ව කොටසට ආවා. එක විශ්වයක් බේර ගත්තොත් ඒකේ අනිසි විපාක දැකපු පීටර්, විශ්වයන් දෙකම බේර ගත්තා. විනාශ වෙන්නත්, පවතින්නත් පුලුවන් විශ්වයන් දෙකටම එකට කියලා තේරුම් අරන්. ඒ නිසා ඇති වුන පාලම මාර්ගෙන් අනෙක් විශ්වය සුවපත් වෙන්න පටන් ගත්තා. නමුත් පීටර්ව කාල රාමුවෙන් මැකුනා. විශ්වයන් දෙක මිතුරු වුනා, එකට එක්වෙලා විශ්වයන්ගේ යහපත වෙනුවෙන් වැඩ කළා. ඔය අතරේ ඔලිවියා, වෝල්ටර් දෙන්නාට කෙනෙක් පේන්න ගත්තා. ඒ තමා පීටර්. ඉතින් ඔලිවියා, වෝල්ටර් පීටර්ව මුලින් අයින් කරලා දාන්න හැදුවා. ඒ ඉන්නෙ පීටර් කියලා නොදැන. නමුත් ඒකේ ප්‍රතිඵලය වුනේ පීටර්ගේ භෞතික ශරීරය පිටින් පීටර් ජීවමාන වීම. මේ කාල රාමුවේ කවුරුවත් පීටර් ව දැනන් හිටියේ නෑ. නමුත් මේ අතරේ කතාවට ආවා ඩේවිඩ් රොබර්ට් ජෝන්ස්. එයාව දැන හිටපු කෙනා පීටර්. මොකද පීටර් ජීවත් වුන කාල රාමුවේ ඩේවිඩ් හිටියා. ඊටපස්සේ ඉත්තෑ මිනිස් ජීවියෙක් මතු වුනා. ඇයි මිනිස් මුහුණු මාරු කරන්නෝ.. ඔය අතරේ ඔලිවියාට එයාගේ මතකය අමතක වුනා, පීටර්ගේ මතකය ආවා. ඒ දෙන්නා ආයිත් ආදරේ කරන්න පටන් ගත්තා. අනිත් විශ්වයේ ලින්කන් අවාසනාවන්ත විදියට මැරුනා. ඩේවිඩ් රොබර්ට් ජෝන්ස්ගේ සැලැස්ම අනුමාන කරපු වෝල්ටර්ට ඒක නවත්තන්න ක්‍රමයක් හිතාගන්න බැරි වුනා. පීටර් කිව්වා විශ්වයන් දෙක යා කරන පාලම වහමු කියලා. ඒකෙන් ජෝන්ස්ගෙ සැලැස්ම අසාර්ථක වෙයි කියලා.

ඉතින් පහුගිය කොටසින් දකින්න ඇති ලින්කන් තෝරා ගත්තා බොලිවියාගේ විශ්වය එයාගේ ගෙදර කරගන්න.

දැන් හැමදේම හරි යයිද?

අවසාන කොටසෙන් හමුවෙමු. ආයුබෝවන්!