Kill Bill: Vol. 1 (2003) | මිනීමරු මනාලිය…[සිංහල උපසිරැසි සමඟ]

2003 ඔක්තෝබර් මස 10 වැනිදා ඇමරිකාවේදී තිරගතවීම ආරම්භ කරපු මේ බයිස්කෝප් එක ඇත්තටම මුලින් නම් කාලසටහන් ගත කරල තියෙන්නෙ Kill Bill නමින් තනි චිත්‍රපටයක් ලෙස එළි දකින්න. නමුත් පැය හතරකට වඩා අදික ධාවන කාලයක් නිසා ඒක කොටස් දෙකකට ඒ කියන්නෙ Kill Bill: Vol. 1 හා Kill Bill: Vol. 2 ලෙස ප්‍රේක්ෂකයන් අතට අවසානයේ පත්වී තිබෙනවා. Quentin Tarantino තමයි මෙහි අධ්‍යක්ෂකවරයා. ඒ නම දන්නෙ නැති අය වුනත් Django Unchained (2012), Reservoir Dogs (1992), Pulp Fiction (1994) වගේ IMDB ලැයිස්තුවේ ඉහළින්ම තියන චිත්‍රපට අහල ඇතිනේ… ඒ ඔක්කොම අධ්‍යක්ෂණය කරල තියෙන්නෙ මේ අධ්‍යක්ෂකවරයම තමයි. ප්‍රධාන චරිතය පැත්තට හැරුනොත් Pulp Fiction (1994), Gattaca (1997) වගේ සුපිරි චිත්‍රපට රැසකින් නමක් තියපු Uma Thurman එක් වෙනවා, අනෙක් චරිත පැත්තට හැරුනොත් Lucy Liu (Elementary ටෙලි කතා මාලාවේ වොට්සන් නෝන), Vivica A. Fox, Daryl Hannah, David Carradine වගේ නළු නිළියන් රැසකගේ රංගනයෙන් හැඩ වෙලා තියනවා. ලොව පුරා ප්‍රේක්ෂකයන්ගේ මනාපයෙන් IMDB දර්ශකයේ 8.2 ක ලකුණු ප්‍රමාණයක් ලබාගෙන Top 250 සිනමාපට අතර 152 වැනි ස්ථානය ලබාගෙන තියනව. හොලිවුඩ් චිත්‍රපටයක් වුනත් චීන, ජපන් චිත්‍රපට වල දකින්න ලැබෙන සටන් ජවනිකා තියනව මේකෙ මදි නොකියන්න හොලිවුක් කොලිටියෙන්. ගොඩක් ලේ දකින්න නොහැකි අය මේක නොබැලුවොත් ඇගට ගුණයි…. 😀

දැන් හැරෙමු කතාව පැත්තට: ටෙක්සාස් හි දෙව් මැදුරක විවාහ උත්සවයක් සඳහා සහභාගී වූ නවදෙනෙක් The Deadly Viper Assassination Squad නම් මිනි මරු කල්ලිය විසින් සමූල ඝාතනය කර තිබෙනවා. මනාලිය ඒ වන විට ගැබිනියක්. නමුත් ඇයගේ හිසට එල්ල කල වෙඩි පහරෙන් සාහසිකයන්ගේ අරමුණ ඉටුවෙන්නෙ නැහැ, ඇය නොමැරී වසර හතරක් කෝමා තත්වයික් හේතුවෙන් රෝහල් ගතව සිටිනවා. ඇය අවසානයේ පියවි සිහියට පත්වෙන විට ඇයගේ දරුවා පිළිබඳ කිසිදු සටහනක් නැහැ. අවසානයේ ඇය ඇයට මෙම අපරාධය කල මිනීමරු කල්ලියෙන් පළිගැනීමට සූදානම් වෙනවා. නමුත් ඒ ඔක්කොම ඊට පෙර ඇයගේ හවුල් කරුවන්, කොටින්ම කිව්වොත් මනාලිය නැත්නම් **** (මනාලියගේ නම පළමු චිත්‍ර පටයෙන් හෙළි නොවේ) The Deadly Viper Assassination Squad සාමාජිකාවක් කලින්.

ඇය ලැයිස්තුවක් හදාගන්නව මිනීමරු කල්ලියෙ. ඇයගෙ අරමුණ ලැයිස්තුවෙන් නම් එක එක කපා හරින්න හැබැයි නිකන් නෙමෙයි, ඒ හැම කෙනෙක්ගෙනම් තමන්ට කල දේට පළි අරගෙන. Bill කල්ලියේ නායකයා වගේම මනාලිය කුස සිටි බිලිදාගේ පියාද වෙව විත්තිය ඔයාලට බලාගන්න පුලුවන්. නමුත් ඔහු ඇයගේ හිසට වෙඩි තියනව. වසර හතරක් ගතවෙලා නිසා කල්ලියේ සාමාජිකයන් විවිධ තැන්වල, ඉතින් ඇය ආරම්භ කරනව ඇයගේ පළිගැනීමේ චාරිකාව.

පළමු චිත්‍රපටය අවසාන වෙන කොට කොහොම හරි ලැයිස්තුවේ නම් දෙක්ක කපා හරින්න ඇය සමත් වෙනව… මේ අතර අවසානයේ ඇයට කෙසේ වෙතත් ප්‍රේක්ෂකයනට බලාපොරොත්තු නොවෙන කතාවක් අහන්නත් ලැබෙනව. නම් අයින් වෙන්නෙ කොහොමද අර කතාව මොකද්ද කියන ඔක්කොම බලා ගන්න එක ඔයාලට බාරයි. ඒකට මිනිත්තු 111ක් නම් වැය වේවි නමුත් පුදුම සටන් තොගයක් බලාගන්න පුලුවනි ඒ වෙලාව තුල. එහෙනම් මම අදට ඔබෙන් සමුගන්නවා, Kill Bill: Vol. 2 බොහොම ඉක්මනට උපසිරැස එක්ක ඔයාලගෙ අතට ගෙන්න පොරොන්දුවත් දීලයි යන්නෙ. හැමෝටම ආයුබෝවන්…! කමෙන්ට් එක්ක දාල යන්න අමතක කරන්න එපා.

මීට පෙර පළකල ලිපිය…

ඔන්න ඉතින් හා හා පුරා කියල මමත් මගේ පලවෙනි ලිපිය දෙන්න තමා මේ යන්නෙ.මේක මම බලපු Action ෆිල්ම් වලින් සුපිරිම ෆිල්ම් එකක්. IMDB වල 8.2 වැනි ඉතා හොද අගයක් ලබා ගන්න මේක සමත් වෙලා තියෙනවා. ඒ වගේම මේක IMDB TOP 250 ලිස්ට් එකේ 142 වන තැන ලබාගන්නත් සමත් වෙලා තියෙනවා. ඉතින් හිතාගන්න පුළුවන්නේ ෆිල්ම් එක ගැන. මේ ෆිල්ම් එක ටිකක් ජපන් ආභාශයට තමා ගිහින් තියෙන්නෙ. ඒ වගේම මේක කොටස් දෙකකින් සමන්විත වෙනවා මේ තමා පලවෙනි කොටස ඊලග කොටසත් අනිවා දෙන්නම්. මේ ෆිල්ම් එක Quentin Tarantino ගේ අධ්‍යක්ෂණයක් මේකේ ප්‍රධාන චරිතය රගපාන්නේ Uma Thurman ( The Bride ) ඒ ඇරුනම තව Lucy Liu, Vivica A. Fox, Daryl Hannah, David Carradine, Michael Madsen වගේ නළු නිලියෝ ගොඩක් ඉන්නවා.මේ ෆිල්ම් එක Action, Crime, Thriller ගණයට අයත් වෙන එකක්.

ඔන්න ඉතින් අපි කතාව ගැනත් පොඩ්ඩක් කියල ඉමුකෝ.කතාව නම් නියමයි. ක්‍රියාදාම නම් ඕනෑවටත් වැඩ තියෙනවා. කතාව පටන් ගන්නේ තමන්ව මරන්න හදපු කල්ලියක් තියපු වෙඩිල්ලක් නිසා අවුරුදු 4 ක් තිස්සේ COMA එකකට වැටිලා හිටපු ගැහැණු ළමයෙක්ගෙන් එයාගේ නම ******* ( මම නම මේ විදියට දැම්මේ මේ ෆිල්ම් එකේ මෙයාගේ ඇත්ත නම කියවෙන්නේ නැති නිසා ). එයාව COMA එකෙන් අවදි වෙද්දී එයාගේ ළමය එයා ගාව නැ. එයා හිතන්නේ එයාව මරන්න හදපු අයම එයාගේ ළමයත් මරන්න ඇති කියල. මෙයාව මරන්න හදපු අය ඉස්සර එයත් සාමාජිකයෙක් වෙලා හිටපු රහස් ඝාතක කල්ලියක SET එකක්. මේ කතාවේ BILL කියන්නේ ඒ රහස් ඝාතක කල්ලියේ නායකයා වගේම ******* ගේ ගුරුවරයා. ඉතින් මේ කතාව ගලාගෙන යන්නේ එයා තමන්ව මරන්න හදපු අයගෙන් පලිගන්න එක වටා තමා.

ඉතින් මෙයාගේ ළමය ඇත්තටම මැරිලද ? මෙයා ට තමන්ගේ අරමුණ ඉෂ්ට කරන ගන්න පුළුවන් වේවිද ? කතාව බලලම දැනගන්නකෝ. මීට වඩා කිව්වොත් ෆිල්ම් එකේ රසය නැති වෙනවා එහෙනම් හැමෝම මේක බලන්න.මේක මගේ පලවෙනි ලිපිය ඒක නිසා මේකේ ගොඩක් වැරදි එහෙම ඇති.ඉතින් ඒ ගැන සමාවෙලා කියවල හොඳනම් කොමෙන්ටුවක් දාලම යන්න කියල ඉල්ලනවා.

මේ ලිපියේ සම්පූර්ණ අයිතිය ගීත් සොහොයුරා සතු වන අතර උපුටාගැනීම් සියල්ලම ඔහුගේ අවසරය මතම සිදුවිය යුතුය..

9,621 downloadsDownload Kill.Bill_.Vol_.1.2003.zip103 KB

 

මේ ලබා දී ඇති සිංහල උපසිරැසි පිළිබද “සමීර කරුණාරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගෙ අවසරය මතම සිදුවිය යුතුය.