Kudi Yedamaithe (2021-) [S01 : E06] Sinhala Subtitles | දෙවැනි අවස්ථාව..! [සිංහල උපසිරසි]

දකුණ වම වේ නම් නොහොත් Kudi Yedamaithe බලලා කට්ටියට වම දකුණ මාරුවෙලානේ ඇත්තේ. පවන් කුමාර්ගේ කලින් නිර්මාණ රස විඳපු අයට නම් මේක නුපුරුදු දෙයක් නෙමේ වෙන්නැති. ඉතින් මේ අරන් එන්නේ 6වෙනි කොටස. තව බලන්න තියෙන්නේ කොටස් 2යි. එතනින් හැමදේම විසඳෙයිද? දිගටම රැඳී ඉන්න කියලා ඉල්ලා සිටිනවා.

මේ වෙනකම් කතාව මොනවගේ එකක්ද කියලා බලපු අය දන්නවා, නොබලපු අයට චූට්ටක් වගේ කියාගෙන යන්නම්. ආදී කියන්නේ නළුවෙක් වෙන්න හීන දකින ඒ වෙනුවෙන් කැපවෙන කෙනෙක්. රස්සාවකට කියලා කරන්නේ repEAT ආයතනයේ කෑම ඩිලිවරි කරන එක. ඒ 2020 පෙබරවාරි 29වෙනිදා.. උදේ 8 එලාම් එක වැදුනත් එක්ක ආදී ඇහැරුනේ. ආදිගේ හිතට වගේම ගතටත් අමුත්තක් දැනෙන්න ගත්තා. තමන් මේ දැක්කේ හීනයක්ද නැත්තම් ඇත්තටම වෙන දෙයක්ද කියලා ආදිට හිතාගන්න බැරිවුණා.

ඔය අතරේ අනිත් පැත්තෙන් ඔය කතාවම ප්‍රධාන පොලිස් පරීක්ෂක දුර්ගාටත් වෙමින් තිබ්බා. 2020 පෙබරවාරි 29වෙනිදා උදේ කෝල් එකක් නිසා ඇය ඇහැරෙනවා. දුර්ගාටත් ලොකු අමුත්තක් දැනෙන්න ගත්තා. අවදිවෙන්න මොහොතකට කලින් දැක්ක හීනෙන් තාමත් ඇගේ පපුව ගැහෙනවා.

මොකක්ද මේ වෙන්නේ? මොනාද මේ වුණේ? ආදී සහ දුර්ගා එක්ක කාලය කරන මේ සෙල්ලම මොකක්ද?
වැඩි විස්තර දැනගන්න ඉතුරු කොටස් ටිකත් එක්කත් එකතු වෙන්න. ජයවේවා.