Marco Polo (2014) [S02 : E02] with Sinhala Subtitles | අශිෂ්ඨ දුෂ්කර තීරණයක්… (18+) [සිංහල උපසිරසි සමඟ]

පළමු කොටසින්,

දකුණු චීනයේ යුද්ධය ඉවර වෙලා බලාපොරොත්තු සහගතව කැම්බුලැක් වෙත ආවත් මාර්කෝට කොකචින් හමු උනේ නෑ. දැන් ජින්ගිම්ගේ මංගල්‍යයටත් කළින්ම ළමා අධිරාජ්‍යයා සොයා ගෙන දකුණු චීනයට ගිහිල්ලා. ඔවුන් ළමා අධිරාජ්‍යයාගේ රැකවලා සමඟ ප්‍රබල සටනක් කරලා ළමා අධිරාජ්‍යයා පැහැරගන්නවා. ඒ අතරේ උරුමක්කාරයෙකු ලබා ගැනීමේ අරමුණින් ජින්ගිම්ගේ සිවුවන බිරිඳ විදිහට කොකචින්ව විවාහ කර දෙන්නට චැබි අධිරාජිනිය සමත් වෙනවා. ඒ වගේම කොකචින්ට චැබි අධිරාජිනියගෙන් මාර්කෝ ගැන හොඳ දේශණයකුත් ලැබෙනවා.

ජන්ගිම් විවාහ චාරිත්‍ර ඉටු කරන අතරේ ඊට සහභාගි වීමටවත් ඉඩක් නොදී අහමඩ් විසින් කුබ්ලායි සමඟ රාජ සභාවේ කටයුතු කරනවා. කුබ්ලායිගේ මාමා වූ නයන් කුමරු බටහිරට යාමට පෙර ඛාන්ව හමුවෙනවා. නමුත් ඉතින් මේ වෙලාවේ විශේෂිත කතාබහක් නම් කරන්නේ නැහැ.

බියම්බා කරකෝරම් ඉඳලා කැම්බුලැක් ආවේ මංගල්‍යයට තමයි කියලා කට්ටිය හිතුවත්, ඔහු ඇත්තටම ඇවිත් තියෙන්නේ තම පියාට කයිදුගේ අභියෝගය ගැන කියන්න. ඉතින් ඒක අහපු ගමන් මංගල චාරිත්‍ර පැත්තකට දාලා රාජ සභාව රැස්වෙලා මේ ගැන මොකද කරන්නේ කියලා වාදවිවාද කරනවා. කුබ්ලායිට කුරුල්තායි ගැන බයක් නැති බව පෙන්වන නිසා ජින්ගිම් පවසන්නේ ජනතාවට ඛාන් තෝරා ගැනීමට ඉඩ දියයුතු බවයි. මේ අතරේ  රැස්වීමට කඩා පනින අධිරාජිනිය තම බලය පාවිච්චි කරලා යුධ සභාව විසුරුවා හරිනවා. ඒ වගේම කුරුල්තායි ගැන සිතීම හෙටට කල්දමා මංගල්‍යය සිදුකළ යුතු බව ඇය කුබ්ලායිට අවධාරණය කරනවා. ජින්ගිම් හා කොකචින්ගේ අවසන් මංගල චාරිත්‍ර ඉටු කරන අතරේ බියම්බා විසින් කුබ්ලායි කුරුල්තායි සඳහා එකඟ වූ පණිවිඩය කයිදු වෙත ගෙන යනවා, ඒ තමන් සමඟ පැමිණි රැකවලුන්ගේ ඔළු ටිකත් සමඟ.

අද කොටසින්, මාර්කෝ සහ මෙයි ලින් ළමා අධිරාජ්‍යයාගේ රැකවලාගෙන් මිදි කැම්බුලැක් වෙත ඒමට සමත් වෙනවා. ඒත් මෙයි ලින්ට නම් කුබ්ලායිගෙන් හොඳක් අහන්න වෙන්නේ නැහැ.  රාජ සභාව අවසානයේ මාර්කෝට  කොකචින්ව හමුවෙනවා. කයිදු , කුරුල්තායි වෙනුවෙන් නයන් කුමරුගේ සහ ප්‍රධානීන්ගේ සහය ලබා ගැනීමට උත්සාහ කරනවා. කුරුල්තායි ගැන කුබ්ලායිට නම් තියෙන්නේ වෙනම අදහසක්. ජින්ගිම්ටත් වඩා කුබ්ලායිගේ සිත් දිනාගෙන ඉන්න අහමඩ් තමන්ගේ සැඟවුණ අරමුණ ගැන මෙයි ලින්ට හෙළි කරනවා. ඒ සියල්ල අතරේ කුබ්ලායිට ඉතා දුෂ්කර තීරණයක් ගැනීමට සිදු‍වෙනවා.

එහෙනම් ඉතින් මාර්කෝ පෝලෝ S02E03 සමඟින් හමුවෙමු…

Due to copyright issues, we do not provide any torrent links.

marco.polo.2014.s02e02.webrip.xvid-fum

මෙම ලබා දී ඇති උපසිරසි ඉහත පිටපත සඳහා වලංගු වේ.

[author] [author_image timthumb=’on’]http://www.baiscopelk.com/wp-content/uploads/2012/10/Normal-.jpg[/author_image] [author_info]මේ ලබා දී ඇති සිංහල උපසිරැසි පිළිබද “සජීවි වේහැල්ල” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.[/author_info] [/author]

<< Previous Episode                All Episodes                  Next Episode >>