Miss Bala (2019) Sinhala Subtitle | මිතුරිය වෙනුවෙන් [සිංහල උපසිරැසි සමඟ]

මුලින්ම පසුගිය දිනවල ඇතිවූ අවාසනාවන්ත සිදුවීමෙන් මියගිය අය වෙනුවෙන් ශෝකය ප්‍රකාශ කරන්නත්, තුවාල ලබා සිටින අයට ඉක්මන් සුවය ප්‍රාර්ථනා කරන්නත් මේක අවස්ථාවක් කරගන්නවා. ඒ වගේම පහුවුණු සිංහල අවුරුද්ද වෙනුවෙන් හැමෝටම සුබ පතනවා. (මොකද මේ සබ් එකක් දෙන්නේ පෙබරවාරි වලින් පස්සේ)

ඒ වගේම සමාව ඉල්ලනවා මේක ටිකක් ප්‍රමාද වුණු එකට. ෆිල්ම් එක ගත්තේ අප්‍රේල් 10. ඒත් සබ් එකේ ස්පාඤ්ඤ භාෂාවෙනුත් ගොඩක් තැන් තිබුණු නිසා ටිකක් හෙමින් තමයි වැඩේ කෙරුණේ. ඒ අතරේ අවුරුද්ද, ට්‍රිප් එකක් සහ ඉන් පස්සේ වෙච්ච සිදුවීම් නිසාත් වැඩේට අත නොගහ නිකම් හිටපු දවසුත් තිබුණා.

හැබැයි පරක්කු වෙච්ච එකෙන් හොඳකුත් වුණා. මං ෆිල්ම් එක ගනිද්දී නම් තිබුණේ බාල තත්වයේ කැමරා කොපියක් විතරයි. මේක පරක්කු වෙන අතරේ හොඳ කොපියක් ඇවිල්ලා. මං සබ් එක හදල එව්වට පස්සේ තිසර නියෝ සහෝ තමයි ඒක කිව්වේ. ඒකට ස්තුති කරන්නත් ඕන. ඒ පාර ඔන්න ආපහු ඒ හොඳ එකට හරියන්න සබ් එක හැදුවා එහෙනම්.

ඉතින් මගේ 22 වෙනි උපසිරැසිය විදියට අරගෙන ආවේ මේ අවුරුද්දේ පෙබරවාරි 1 වෙනිදා තිරගත වුණු Miss Bala කියන ෆිල්ම් එක. මේක මේ නමින්ම 2011 වසරේ නිර්මාණය වුණු මෙක්සිකානු චිත්‍රපටියක් ඇසුරෙන් තමයි නිර්මාණය කරලා තියෙන්නේ. Catherine Hardwicke ගෙ අධ්‍යක්ෂණයක් වුණු මේකෙ ප්‍රධාන චරිතය සඳහා දායක වෙන්නේ Gina Rodriguez. Action, Drama, Thriller කියන කාණ්ඩ වලට අයත් මේකට දැනට IMDB අගය 5.3ක් ලැබිල තියනවා.

Miss Sri Lanka, Miss World වගේ රූප රැජිණියක් නම් නෙවෙයි Miss Bala කියන්නේ. Bala කියන්නේ ස්පාඤ්ඤ භාෂාවෙන් “උණ්ඩ” කියන එක. ඒ වගේම මෙක්සිකෝව කිව්ව ගමන් ඕන කෙනෙකුට මතකෙට එන දෙයක් තමයි මත්ද්‍රව්‍ය ජාවාරම් කල්ලි. එතකොට මොන වගේ කතාවක්ද කියල හිතාගන්න පුළුවන් නේ.

ග්ලෝරියා කියන්නේ මෙක්සිකෝවේ කාලයක් හැදුණු වැඩුණු ඇමරිකානු තරුණියක්. ඇය රූපලාවන්‍ය ශිල්පිණියක්. ඇගේ මෙක්සිකෝවේ මිතුරියක් ඒ පළාතේ රූ රැජිණ තරඟයකට ඉදිරිපත් වෙන නිසා ඒකෙ වැඩකටයුතු වෙනුවෙන් ඇය ඒ මිතුරියගේ නිවසට එනවා. දවසක් මේ දෙන්න රාත්‍රී සමාජ ශාලාවකට ගිය අතරේ එතනට පාතාල කල්ලියක ප්‍රහාරයක් එල්ල වෙනවා. ඒකෙන් පස්සේ බලද්දී ග්ලෝරියාගේ මිතුරිය වුණු සුසු අතුරුදහන් වෙලා. ඒ ගැන පොලීසියට කියන්න යන අතරෙදි මෙයාත් පාතාල කල්ලියට අහුවෙනවා. ඉතින් මිතුරිය හොයල දෙන්න නම් ඔවුන් කියන විදියට වැඩ කරන්න ඇයට සිදුවෙනවා.

ඉතින් පාතාල කල්ලියක් එක්ක වැඩ කරද්දී මුහුණ දෙන්න වෙන්නේ මොනවටද, යාළුවා හොයාගන්න පුළුවන් වේවිද කියන එක ෆිල්ම් එක අරගෙන බලන්න.

එහෙමනම් ආයේ සබ් එකකින් හමුවෙන බලාපොරොත්තුවෙන් සමුගන්නවා. බයිස්කෝප් ඇඩ්මින් මඩුල්ල ඇතුළු සහෝදර උපසිරැසි කරුවන්ටත්, සබ් ගන්න එන හැමෝටමත් සුබ දවසක් වේවා

Due to copyright issues, we do not provide any torrent links.

[author]

මේ ලබා දී ඇති සිංහල උපසිරැසි පිළිබද “දිල්ෂාන් මධුරංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author]

Subtitle Contributor Rank

BRONZE MEMBER
JOINING DATE – 2018-09-17
SUBMAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]