100 (2019) Sinhala Subtitles | හදීසි ඇමතුම් ඒකකය 100..! [සිංහල උපසිරසි සමඟ]

“කවුරු හරි ඔයාට කෝල් කරපු ගමන් ඔයා කතාකරන පලවෙනි වචනෙන්ම..!
ඒ කෙනාට විස්වාසයක් ඇතිවෙන්න ඕන. මෙයා මාව බේරගන්නවා කියලා..! “

“හලෝ 100..!”

“අයියේ..!
කවුදෝ මාව අල්ලගෙන ආවා..!
අනේ මාව කොහොම හරි බේරගන්න..! “

“ඔයා මට අයියේ කියලා කතාත් කරා.!
ඔයා මාව විස්වාසත් කරනවා.!
මම එනවා.!
ඔයාගේ ඉස්සරහට ඇවිත් ඉන්නවා.!”

මිනිස්සුන්ව පැහැර ගෙන යන එක කප්පම් ඉල්ලන එක. මිනිස්සුන්ව පැහැරගෙන ගිහින් විකුණන එක අතීතයේ වගේම වර්තමානයෙත් අප මේ ජීවත්වෙන මේ පරිසරයේ දකින්න තියෙන භයානක පිළිකා උවදුරක් වගේ දෙයක්.! මිනිස්සුන්ව පැහැරගෙන යනවා කිව්වම සමාජයේ මේවට වැඩි වශයෙන් ගොදුරු වෙන්නේ කුඩා දරුවො, තරුණ ගැණු ළමයි වගේ අය.! ඉතින් බැලු බැල්මට පේන්නේ මේ හැමදේම ඒ අපරාධකරුවො කරන්නේ කප්පම් ගන්නමයි කියලා. ඒක අපිට තමයි මතුපිටින් පේන්න තියෙන එකම කාරණාව. හැබැයි මේ පැහැරගැනීම් කරන අපරාධකාරයෝ සල්ලි කියන දේ කප්පමකින් ගන්නවට වඩා වෙන ක්‍රමයන් පාවිච්චි කරලා හොයන හැටි ‍මේ චිත්‍රපටයේදි මනා ලෙස පෙන්වල දීලා තියෙනවා. ඒ කියන්නේ අපි කවුරුවත් නොහිතන නොදකින පැත්තක් ගැන හිතන්නයි බලන්නයි අපිව යොමු කරලා තියෙනවා කිව්වොත් හරි.

මේ අතර අද ලෝකයේ විශාල වශයෙන් සිදුවන ජාවාරමක් තමයි මිනිස් ජාවාරම. ඉතින් ඉස්සෙල්ලා කිව්ව විදියට තරුණ ගැහැණු ළමයින්ව පැහැරගෙන ගිහින් අපරාධකාරයෝ ඔවුන්ව ලිංගික ශ්‍රමිකයෝ විදියට විවිධ පුද්ගලයින් හට අලෙවි කරනු ලබනවා.!තව පොලිසිය දෙමව්පියෝ තමන්ගේ දරුවො අතුරුදහන් උනාම හොයන එක නවත්තන්නත් මොවුන් අපූරු උපක්‍රමත් පාවිච්චි කරනවා. වර්තමානයේ ජීවත්වෙන බහුතරයක් පුද්ලගයින්ගේ විස්තර විශේෂයෙන් ගැණු ළමයින්ගේ වැඳගත් තොරතුරු තවත් කෙනෙක්ට ලේසියෙන් හොයාගන්න පුලුවන් තැනක් තමයි අන්තර්ජාලයේ බහුලව තිබෙන සමාජ ජාලා වෙබ් අඩවි.! ඉතින් මේවා පරිහරණය කරද්දි තමන් දැනට දක්වන සැලකිල්ලට අවදානයට වඩා වැඩි අවදානයකින් වැඩ කටයුතු කරන එක වැදගත් කියලයි මගේ අදහස..!

ඉතින් මේ කාරණාවෙදි දෙමව්පියන්ට පැවරුණු තවත් විශේෂ වඟකීමක් තියෙනවා තමන්ගේ දරුවොන්ගේ ලඟින්ම ඉඳලා දරුවන්ගේ හැම ක්‍රියාකාරකමක්ම අධ්‍යනය කරන එක වගේම පාසල් යන දරුවෙක් නම් පාසල පැවැත්වෙන වෙලාවෙන් පස්සේ දරුවා යන්නේ කොහෙද.? අමතර පංති වලට යනවද එහෙමනම් ඒ ගැන නිතර අවදානෙන් ඉන්න. ඔබව ආරක්ෂා කරන්න තුන්වෙනි පාර්ශවයක් මැදිහත් වෙන්න හො මැදිහත් කරගන්න කලින් ඔබලාම ඔබලාගේ ආරක්ෂාව ගැන පොඩ්ඩක් හිතලා බලලා අවශ්‍ය මූලික පියවර අරන් තිබුනොත් මේ වගේ ඛේදජනක සිදුවීම් වලින් ඔබටත් ඔබේ දරුවාව බේරගන්න පුලුවන් වේවි.

මේ අවුරුද්දේ දෙදාස් දහ නවයේ මැයි මාසේ එකොලොස් වෙනිදා තිරගත කරන්න පටන්ගත්ත මේ චිත්‍රපටයේ කතාව Sam Anton නම් අධ්‍යක්ෂකතුමා විසින් ලියපු එකක්.! අපේ රටේ පොලිස් හදිසි ඇමතුම් අංකය 119 වගේ ඉන්දියාවේ පොලිස් හදිසි ඇමතුම් අංකය වෙන්නේ 100. මේ චිත්‍රපටයේ සිදුවෙන සිදුවීම් දාමය කතාවට ගොඩ නඟලා තියෙන්නේ 100 හදිසි ඇමතුම් ඒකකයේ සිදුවුන සිඳුවීම් ටිකක් පාදක කරගෙන. හැබැයි මේක ඉන්දියාවේ කතාවක් උනාට ශ්‍රීලාංකික අපිටත් මෙතනින් ඉගෙන ගන්න ගොඩක් පාඩම් තියෙනවා. උඩ තියෙන ඡේදවල මම කියලා තියෙන දේවල් සරලවම කියනවනම් අපේ රට ඇතුලෙත් සිද්ද වෙනවා. මේ වගේ සිදුවීම් වෙන්නේ නෑ කියලා අපිට මේක අහක දාලා වෙනතක් බලන් ඉන්න බෑ කියලත් මම ඔබට මතක් කර දෙන්න කැමතියි.!

මේ තියෙන්නේ චිත්‍රපටය සඳහා ලැබුණු අදහස් කීපයක්..!

චිත්‍රපටය සඳහා රංඟනය Atharvaa , Hansika Motwani,Yogi Babu යන නළු නිලියන් විසින් සපයනවා. මේ චිත්‍රපටය නිෂ්පාදනය Kaviya Mahesh විසින් සිදු කරලා තියෙනවා. Super Hit ලේබලයද අලවාගත් Action,Crime,Thriller වර්ගීකරණයට අයිති මේ චිත්‍රපටයත් ප්‍රේක්ෂකයින්ට කාලීන මාතෘකාවක් ඔස්සේ වැඳගත් පණිවිඩ රැසක් ලබාදීලා තිබෙනවා. ඉතින් මේ චිත්‍රපටය සඳහා සිංහල උපසිරැසි ගන්වන්න මා හට අවස්ථාව සලසා දීපු අපේ වෙබ් අඩවියේ ප්‍රධාන සංස්කාරවරයකු වෙන හසන්ත වික්‍රමරත්න අයියට විශේෂ ස්තුතිය පුදකරමින් මගේ සහෝදර උපසිරැසිකරුවකු වන තාරක නුවන් දිල්හාර මල්ලිටත් විශේෂ ස්තුතිය පිරිනමමින් තවත් සිංහල උපසිරැසියකින් හමුවීමේ බලාපොරොත්තුවෙන් උපසිරැසිය බාගෙන යන ගමන් ඔබගේ වටිනා අදහස්දපහලින් Comment කරගෙන යන්න කියලා අහිංසක ඉල්ලීමකුත් කරගෙන අදට මා ඔබගෙන් සමු ගන්නවා.

ඔබ සැමට කඳසුරිඳු පිහිටයි..!

 

 

 

Due to copyright issues, we no longer provide any torrent links.

ලබා දී ඇති උපසිරැසි Proper HDrip පිටපත් සඳහා පමණක් අදාළ වේ.

28,816 downloadsDownload 100.2019.Baiscopelk.com_.zip132 KB

මේ ලබා දී ඇති සිංහල උපසිරැසි පිළිබද “M.T.R. තරිදු රුක්ෂාන් පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2015/10/16
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.