The Balkan Line (2019) aka Balkanskiy rubezh Sinhala Subtitles | ත්‍රස්තවාදීන් මැඩලීමට තම දිවි පරදුවට තැබූ වීර බළකාය [සිංහල උපසිරසි සමඟ]

1999 දි යොගස්ලවියාවේ NATO (නේටෝ) බෝම්බ ප්‍රහාරය කොසෝවා යුද්ධය අතරතුර සිදුවූ මහා ඛේදවාචකයක්. 1999 මාර්තු 24 සිට ජූනි 10 දක්වා යෝගස්ලවියාවට මේ බෝම්බ සහ ගුවන් ප්‍රහාර එල්ල වූවා. බෝම්බ ප්‍රහාර වලින් සිවිල් වැසියො 489ත් 528ත් අතර ප්‍රමාණයක් මිය යනවා. පොදු ස්ථාන, කර්මාන්ත ශාලා, පාලම්, පුද්ගල ව්‍යාපාර හමුදා ස්ථාපන වගේ දේවල් විශාල වශයෙන් විනාශ වෙනවා. ඉතින් මේකට මුල් උන NATO සංවිධානය ගැන හැදින්වූවොත් NATO කියන්නෙ ( උතුරු අත්ලාන්තික් ගිවිසුම් සංවිධානය-North Atlantic Treaty Organization) මේක උතුරු ඇමරිකාව ඇතුලු රටවල් 29ක් අතර තියෙන අන්තර් රාජ්‍ය හමුදා සන්ධානයක්. 1949 අප්‍රේල් 4 තමයි මේ සංවිධානය ආරම්භ වෙන්නෙ. NATO කියන්නෙ සාමූහික ආරක්ෂක පද්ධතියක්. ඒ සංවිධානයේ රටවල්වලට වෙනත් ඕන පාර්ශ්වයක් ප්‍රහාර එල්ල කරොත් ඒකට ප්‍රතිචාර දක්වද්දි එකිනෙකාගෙ ආරක්ෂාව වෙනුවෙන් බැදිලා ඉන්නවා. අන් ජාතින්ගේ ලේ වැගිරීම්, වාර්ගික වාදය, ජන සංහාර අසල්වැසි රටවල් අල්ලගැනීමට තැත් කිරීම වගේ ඇල්බේනියානු ඉස්ලාම් ත්‍රස්තවාදීන්ගේ ක්‍රියා කලාපය අස්ථාවර කරන්න තමයි එක්සත් ජාතින්ගේ සංවිධානය, නේටෝ සංවිධානය වගේ සංවිධාන මැදිහත් වෙන්නෙ.

NATO සංවිධානයට අයත් රටවල් යුධමය කටයුතු සදහා එක්සත් ජාතින්ගේ ආරක්ෂක මණ්ඩලයෙන් අවසර ගන්න හැදුවත් චීනය සහ රුසියාව ඒකට විරුද්ධ වෙනවා. ඉතින් එක්සත් ජාතින්ගේ අනුමැතියක් නැතුව හමුදා බලය පාවිච්චි කිරීම නිසා ජාත්‍යන්තර නීතිය උල්ලංඝණය කරමින් ස්වෛරී රටකට එරෙහිව සිදු කර නීති විරෝධී යුද්ධයක් විදිහට නේටෝ යුද්ධය විස්තර කෙරෙනවා.

මේ චිත්‍රපටිය 2019 මාර්තු 21දින රුසියාවේ යෝගස්ලවියාහි සිදුවූ බෝම්බ ප්‍රහාරයේ 20වන සංවත්සරය සදහා තමයි නිකුත් කරන්නෙ. කතාව දිව යන්නෙ නේටෝ බෝම්බ ප්‍රහාර අතරතුර ඇල්බේනියානු ත්‍රස්තවාදී නායකයා වන ස්මොක් ඇතුළු ත්‍රස්තවාදීන් විසින් ස්ලටීනා කියන ගුවන්තොටුපොළ අත්පත් කරගන්න එක වැලැක්වීමට හිටපු රුසියානු බුද්ධි නිලධාරියෙක් වන ඇලන් බෙක් අන්ඩ්‍රේ ශටලාවා ප්‍රමුඛ අති දක්ෂ හමුදා කණ්ඩායමක් සමග තම ජීවිත පරදුවට තබා කරන සටන පිළිබඳවයි. 20th Century Fox සමාගමේ බෙදාහැරීමක් වන මේ චිත්‍රපටියේ අධ්‍යක්ෂණය Andrey Volgin විසින් කරලා තියෙන්නෙ. නිෂ්පාදනය Gosha Kutsenko. 7.8ක IMDb අගයක් ලබාගැනීමට ෆිල්ම් එක සමත් වෙලා තියෙනවා. ධාවන කාලය පැය දෙකයි විනාඩි 10ක්. රුසියානු-සර්බියන් භාෂා වලින් තමයි දැනට චිත්‍රපටිය නිකුත් කරලා තියෙන්නෙ. Action-war ගනයට තමයි මේක වැටෙන්නෙ. ඇමරිකානු ඩොලර් මිලියන 3.6ක මුදලක් චිත්‍රපටියට වැය කරලා තියෙනවා. පළමු සතියෙම ඒ මුදලින් භාගයක් පමණ ලබාගන්න සමත් වෙනවා. Anton Pampushnyy, Emir Kusturica, Ravshana Kurkova, Milos Bikovic, Yuriy Kutsenko වගේ දක්ෂ නළු නිළියන් රැසක් තමයි රංගනයෙන් දායක වෙන්නෙ. ඉංග්‍රීසි යුධ චිත්‍රපටිම බලපු අයට මේක වෙනස් අත්දැකීමක් වෙයි කියලා හිතනවා. ඔය තමයි මේ චිත්‍රපටියෙ වැදගත්ම කරුණු ටික.

කොහොමහරි මාස එකහමාරකට විතර පස්සෙ තමයි මට උපසිරැසියක් අරන් එන්න උනේ. මේ පාර මං තෝරගත්තෙ නම් ටිකක් වෙනස් චිත්‍රපටියක්. ඉංග්‍රීසි චිත්‍රපටියක් නොකර ගොඩක් අය නොබලන රුසියානු චිත්‍රපටියක් තමයි අරන් ආවෙ. හැබැයි මේක බාරගෙන ලෝක අමාරුවක වැටෙන්න සිද්ධ උන බවත් කියන්න ඕනි. මොකද තාමත් මේ ෆිල්ම් එකේ නිවැරදි එක ඉංග්‍රීසි උපසිරැසියක් නෑ. සමහර ඒවගෙ රුසියන් සර්බියන් ලයිනුත් තියෙනවා. තවත් ඒවගෙ ටයිම් ලයින් අවුල් වෙලා. ඒ නිසා බාරගෙන සති දෙකක් විතර හොද චිත්‍රපට පිටපතක් සහ උපසිරැසියක් එනකන් බලන් හිටියත් ආවෙ නෑ. ඒ නිසා හිමින් දැනට නිකුත් වෙලා තිබ්බ සබ් එක කරන්න ගත්තා. අන්තිමේදි ටයිම් ලයින් අලුතින් දාලා, රුසියන් සර්බියන් සබ් ට්‍රාන්ස්ලේට් කරලා හිමීට සබ් එක කරගෙන යද්දි මැදක ටයිම් ලයින් සම්පූර්ණයෙන්ම වෙනස්. ඉතින් ආයෙත් ඒවා හදලා සබ් එක ඔක්කොම ඉවර කරද්දි දන්නෙම නැතුව මාසයක් විතර ගිහිල්ලා. ඉතින් සමාවෙන්න ඕනි කවුරුහරි මේක සබ් එක්ක බලන්න හිටියනම්. සබ් එක පුලුවන් උපරිමයෙන් හදලා තියෙන්නෙ.ඒත් සමහර වචන වලට තේරුම් හොයාගන්න අපහසු නිසා ඒවට ගැලපෙන වෙන යෙදුම් දාලා තියෙන්නෙ. ටයිම් ලයින්වලත් පොඩි ප්‍රශ්න ඇති. මොකද මේ ෆිල්ම් එකේ සමහර පිටපත්වල රුසියන් වෙළඳ දැන්වීම් වගේ ඒවා තිබ්බා. එතකොට එහෙම ප්‍රශ්න ඇති වෙන්න පුලුවන්. මං සමහර ලයින් වෙනස් කරපු හින්දත් එහෙම වෙන්න පුලුවන්. ඒ වගේම තිසර නියෝ සහෝටත් අශාන් සහෝටත් ස්තූති වෙනවා සබ් එක දෙනකන් ඉවසීමෙන් කටයුතු කරාට. ඔය ටික තමයි කියන්න තියෙන්නෙ. ඒ වගේම අන්තිමට සබ් එකේ ගුණදොස් ගැනත් අදහසක් දාගෙන යන්න කියලා මතක් කරනවා.

ඉතින් හොද පිටපතක් ආව ගමන් පුලුවන් ඉක්මනින් උපසිරැසිය යාවත්කාලීන කරලා දෙන්නම්. එතකන් තවත් බයිස්කෝප් එකකින් ඉක්මනටම හමුවෙමු. හැමදෙනාටම ජය වේවා !!!

 

 

Due to copyright issues, we do not provide any torrent link.

මෙම ලබා දී ඇති උපසිරසි BR පිටපත සඳහා වලංගු වේ.

24,838 downloadsDownload The.Balkan.Line_.zip51 KB

මේ ලබා දී ඇති සිංහල උපසිරැසි පිළිබද “මධුභාෂණ බණ්ඩාර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
BRONZE MEMBER
JOINING DATE – 2017-10-16
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.