12.12: The Day (2023) Sinhala Subtitles | හේමන්තයේ සැඟව ගිය දිනය (*500) [සිංහල උපසිරැසි]

12.12: The Day (2023) Sinhala Subtitles

කොහොමද යාලුවනේ, ඔන්න මම ආයෙත් ආවා. අද නම් මම අරගෙන ආවෙ චිත්‍රපටියක්. ඒත් ඒ ගැන කියන්න කලින්, තවත් කතාවක් තියෙනව කියන්න. මොකද අද මේක ගේන්න විශේෂ හේතුවක් තියෙනවා. ඒක තමයි මේ මගේ 500 වෙනි නිර්මාණය වුන එක. 2014 පටන් ගත්ත මේ ගමන 2024 වෙද්දි මට 500 වෙනි නිර්මාණය වෙනකල් එන්න පුලුවන් වුනේ ඔයාලා හැමෝගෙම අගය කිරීම නිසාම තමයි. බයිස්කෝප් අඩවියෙන් මට දුන්න අවස්ථාව වගේම ඔයාලගෙ අගය කිරීමත් එක්ක මම මේ ආපු ගමන ගැන ඇත්තටම මම ගොඩක් සතුටු වෙනවා. ඉතිං මේක අවස්ථාව කරගන්නම් මම මගේ උපසිරැසි ගැන පුංචි දෙයක් කියන්න. හැබැයි මේක ලොකු කමක් වත් පණ්ඩිතකමක් වත් කියල නම් හිතන්න එපා. මොකද මේ උපසිරැසි කරන අය අතරෙ මට වඩා දක්ෂ ගොඩක් අය ඉන්නවා කියල මම දන්නවා. ඒ නිසා මේක මගේ අදහසක්ම විතරයි.

ගොඩක් අය කියනවා මගේ උපසිරැසි වල “ඔබ” කියන වචනය වගේම ලියන භාෂාව වැඩියි කියල. ඒකට හේතුව තමයි කොරියානු භාෂාවේ කතා කරන ක්‍රම කීපයකි තියෙනවා. අඳුනන කෙනෙක්ට, යාලුවෙක්ට, වැඩිහිටි කෙනෙක්ට, නාඳුනන කෙනෙක්ට එයාලා කරන ආමන්ත්‍රණ වගේම කතා කරන විදිහ වෙනස්. අපි ඉතිං හැමෝටම කතා කරන්නෙ එක විදිහටනෙ ඉතිං සමහර තැන් පරිවර්තනය කරද්දි හරිම අමාරුවක වැටෙනව. ඉතිං ඒ නිසා තමයි මගේ උපසිරැසි වල එහෙම වචන යෙදෙන්නෙ. පුලුවන් තරම් නිවැරදි උපසිරැසියක් හදන්න උත්සහ කරන නිසා වැරදි වෙන තැන් නම් ගොඩක් ඇති. ඉතිං ඉස්සරහටත් ඔයාලා ඒ නිර්මාණ වල අඩුපාඩු කියයි කියලා මම බලාපොරොත්තු වෙනවා.

12.12: The Day (2023) Sinhala Subtitles

දැන් ඉතිං මගෙ වරුනෙ ඇතිනෙ… ඒ නිසා එහෙනම් අපි අද කතාව ගැන බලමු…..

මේක ඇත්තටම සිදුවුන සිද්ධියක් මත ගොඩනැගුන කතාවක්. කතා රසය ඇති කරගන්න වගේම රහස්‍යභාවය රකින්න නම්ගම් වගේම සමහර සිද්ධි ප්‍රබන්ධ වුනත් මූලික කතාව ඇත්ත සිද්ධියක් කියල තමයි කියවෙන්නෙ.

12.12: The Day කියන්නෙ 2023 දී Kim Sung-su අධ්‍යක්ෂණය කරපු දකුණු කොරියානු ඓතිහාසික ක්‍රියාදාම චිත්‍රපටියක්. මේ නිර්මාණයට , Hwang Jung-min, Jung Woo-sung, Lee Sung-min, Park Hae-joon වගේම Kim Sung-kyun රංගනයෙන් දායක වෙනවා. චිත්‍රපටිය 1970 දශකයේ අග භාගයේ ඉඳන් 1980 දශකයේ මුල් භාගය දක්වා වුන 1979 දෙසැම්බර් 12 වැනිදා සිද්ද වුන හමුදා කුමන්ත්‍රණය පසුබිම් කරගෙනයි නිර්මාණය වෙලා තියෙන්නෙ. 2023 නොවැම්බර් 22 ඒක චිත්‍රපටියක් විදිහට ඉදිරිපත් වුනාට පස්සෙ, 2023 වසරේ වැඩිම ආදායමක් උපයාගත්ත කොරියානු චිත්‍රපටිය බවට පත්වුනා. ඒක ඩොලර් මිලියන 17ක විතර අයවැයකට එරෙහිව ඩොලර් මිලියන 97කට වඩා උපයා ගත්තා කියල තමයි කියවෙන්නෙ..

චිත්‍රපටියෙ කතා වස්තුව ගැන කියනව නම්, හදිස්සියෙම සිද්දවෙන ජනාධිපති පාර්ක්ගේ ඝාතනයෙන් පස්සෙ, යුධ නීතිය ප්‍රකාශයට පත් කෙරෙනවා. මේ වෙලාවෙ ආරක්ෂක අණදෙන නිලධාරි තනතුරට පත් වෙන චුන් ඩූ-ග්වං (Hwang Jung-min) වගේම ඔහුගේ සහචර සගයො එකතු වෙලා කුමන්ත්‍රණයක් දියත් කරනවා. සොල්දාදුවො දේශපාලනයට සම්බන්ධ වෙන්න හොඳ නැහැ කියල දැඩිව විශ්වාස කරන විශිෂ්ඨ දක්ෂිණ බලකායේ මුරණ්ඩු අණදෙන නිලධාරියෙක් වෙන ලී ටේ-ශින් (Jung Woo-sung) චුන් ඩූ-ග්වං ට විරුද්ධව සටන් කරන්න තීරණය කරනවා. මේ නිලධාරී දෙන්නා අතර ගැටුම වර්ධනය වෙද්දි, හමුදා නායකයො ඔවුන්ගේ තීරණ කල් දානව වගේම, ආරක්ෂක ඇමති අතුරුදහන් වෙනවා. මේ වෙලාවෙ ඇතිවෙන ව්‍යාකූලත්වය ඇතුලෙ හැමෝම ආදරය කරන සෝල් වල වසන්තය කොහොම උදා වෙයිද කියලා….. කතාව බලලම දැනගන්නකෝ…

ආහ්….ඕනම දේ කියන්න අමතක වුනා.. ආසාවට පටන් ගත්තට මොකද මේ කතාව නම් මාව හරිම අමාරුවක දැම්මේ. Descendants of the Sun එක කරද්දි වගේම, ඊටත් වඩා මේකෙ තියෙන හමුදා වචන තනතුරු කොහොම පරිවර්තනය කරන්නද කියල හොයාගන්න ගොඩක් අමාරු වුනා. ඒ වගේ ඒවා ඒ විදිහටම සිංහලෙන් දාලා තියෙනවා. ඉතිං ඒ ගැන දැනුමක් තියෙන අය සමා කරන්න ඕනේ හොඳද..

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත සඳහා වලංගු වේ.

3,943 downloadsDownload 12.12.The_.Day-2023.zip63 KB

මේ ලබා දී ඇති සිංහල උපසිරැසි පිළිබද “කනිෂ්කා ගිහානි පෙරේරා” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

Subtitle Contributor Rank

PLATINUM MEMBER
JOINING DATE – 2014-08-23
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

12.12: The Day (2023) Sinhala Subtitles