1408 (2007) Sinhala Subtitles | කාමරය [සිංහල උපසිරසි සමඟ]

ගයාන් චතුරංග සොයුරාගේ ලිපිය…

1999 දී Stephen King විසින් රචනය කරන ලද කෙටි කතාවක් වන ‘1408’ පාදක කරගෙන 2007දී Mikael Hafsttrom විසින් එම නමින්ම නිපදවපු මේ සුපිරි චිත්‍රපටය තමයි මගෙ තෙවන උපසිරසිය විදියට මම තෝරගත්තේ. වගකීමෙන් කියන්නෙ මේක ආපු කාලෙම ආසාවෙන් බලපු ෆිල්ම් එකක් . මේක තෝරගන්න හේතුව උනේ fb යාලුවෙක්ගෙ ඉල්ලීමක්. එතකොටයි දැක්කෙ මේකට සබ් කොහෙවත් නෑ කියල .විනාඩි 104ක් ලෙස ධාවන කාලය දක්වා තිබුණත් Unrated copy එක විනාඩි 112ක් තියනවා .සබ් එක දීලා තියෙන්නේ ඒකට.පොඩි හින්ට් එකක් දෙන්නං, yts.ag yify site එකේ බලන්න , තේරුනානෙ.

මේ සළරුව Phychological horror, thriller කියන ඛාණ්ඩ වලට තමයි ඇතුල් කරලා තියෙන්නේ . මෙහි ප්‍රධාන චරිතය වන මයිකල් එන්ස්ලින්ට 2012, Shanghai ,Cell වගේ ඉතා ප්‍රසිද්ධියට පත් චිත්‍රපට වල ප්‍රධාන චරිතය රඟපෑ John Cusack පණ පොවනවා . තව Samuel L. Jackson ඉන්නවා . එයා ගැන බයිස්කෝප් රසිකයන්ට අමුතුවෙන් කියන්න ඕනෙ නෑනෙ. IMDb 6.8ක අගයක් ලබා තියන මෙය ඇ.ඩො. මිලියන 25ක වියදමකින් නිපදවා ඇති අතර ආදායම ලෙස ඇ.ඩො.මිලියන 132ක් ලබා බොක්ස් ඔෆිස් වාර්තා අතරට එකතුවෙලා තියනවා . 2007 ජූනි 22 දින Dimension films හා Metro Goldwyn Mayer සමාගම් හරහා තිරගත වෙලා තියනවා .

කතාව පැත්තට හැරුනොත් මයිකල් එන්ස්ලින් කියන්නෙ හොල්මන් කතා ලියන ලේකඛයෙක් ,එයාගෙ දුව පිළිකාවක් නිසා නැතිවෙලා . ඉතිං එයා බිරිඳගෙනුත් ඈත්වෙලා තනියම ඉන්නෙ . මෙයා කතා ලිව්වට කිසිම හොල්මනක් විශ්වාස කරන්නෑ. හොල්මන් තියනවා කියන තැන්වල නතරවෙලා ඉඳලා තමයි එයා කතා වලට අවශ්‍ය කරුණු හොයාගන්නෙ .දවසක් එයාට දැනගන්න ලැබෙනවා නිව්‍ යෝක් නගරෙ ඩොල්ෆින් හෝටලේ කාමරේක හොල්මන් තියනවා කියල කතාවක් . ඉතිං එයා එහෙට යනවා. හැමදේම පටන් ගන්නෙ එතනින් . මීටවඩා කිව්වත් කතාවෙ රසයනං අඩුවෙන්නෙ නෑ . බලන්නකො.

විශේෂයෙන්ම කියන්න ඕනෙ මගෙ මුල් උපසිරසි දෙක වැඩ කරන්නෑ කියල සමහරු comment කරලා තිබුනා. ඒකට මුලින්ම සමාව ඉල්ලනවා. මම සබ් කරන්නේ ෆෝන් එකෙන්, හැබැයි ඔයාලා සබ් එක වැඩ කරන්නැත්නම් මැෂින් එකේ ෆොන්ට් එක මාරුකරලා බලන්න. Android වලනම් අනිවා වැඩ. 

මේක බලලා දුන්නට හසින්ත මල්ලිටත් ස්තුතියි, ඔයාලගෙ comment වලටත් ගොඩක් ස්තුතියි , එහෙනං ,තවත් උපසිරසියකින් හමුවෙනතුරු ආයුබෝවන්

 

රන්දික පෙරේරා සොයුරාගේ ලිපිය…

කොහොම හරි මට දැන් ලිපියක් ලියන්න හිතුනා හොල්මන් චිත්‍රපටියක් ගැන ලියන්න…මේ කථාව හැමෝටම අල්ලලා යයි කියලා මම කියන්නේ නෑ… ඒ නිසා මේ trailer එක බලලා තමන් බානවාද නැද්ද කියල තීරනය කරන්න…..කථාව මම පොඩ්ඩක් විතර කිව්වොත් මෙහෙමයි…

මෙහ එන පොත් රචකයා(Mike Enslin) හෝටල්වල සිදුවෙන අමුතු අමුතු සිදුවීම් ගැන (හොල්මන් ගැන) පොත් ලියන්නෙක්..ඔහු මෙම සිදුවීම් ලියන්න පෙර තමන්ම මෙම සිදුවීම් වෙන ස්ථානයට ගොස් ඒ ගැන හොයා බලන්නෙක්…මොහුට හදිස්සීයේම ලැබෙන තැපැල් පතක එක්තරා හෝටලයක කාමරයකට නොයන ලෙස දන්වා සිටිනවා. මේ ගැන කුතුහලය දනවන මොහූ මෙම හෝටල් කාමරය(1408) එක් දිනක් සදහා ලබාගනේ හෝටලයේ කළමණාකරුගේ බලවත් ප්‍රතීක්ෂේපය මැද…. මොහුට මෙතෙන් ඩිට වෙනදේ බලාගන්න ඕන නම් බාගන්නම වෙනවා…

 

 

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත් සඳහා අදාළ වේ.

7,917 downloadsDownload 1408-2007.zip46 KB

https://d36zzuvfojr38z.cloudfront.net/wp_content/uploads/2017/12/Gayan-Chathuranga-new.jpg මේ ලබා දී ඇති සිංහල උපසිරැසි පිළිබද “ගයාන් චතුරංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

NEW MEMBER
JOINING DATE – 2017-12-15
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.