22 Female Kottayam (2012) Sinhala Subtitles | අහිංසක හෙදියකගේ වියරු පලිගැනීම [සිංහල උපසිරැසි සමඟ]

ඔන්න කලින් වතාවේ ලිපියකින් කිව්ව ඒ සම්මානනීය මලයාලම් ෆිලුම අරගෙන තමයි මේ පාර ආවේ.මේක තිරගතවුනේ 2012 අවුරුද්ද මුල් භාගයේ.ඒ වගේම ෆිලුම කාණ්ඩගත වෙලා තියෙන්නේ Crime, Drama, Romance ප්‍රභේදයන් ඔස්සේ.මලයාලම් සිනමාවේ තවත් විශිෂ්ට නළුවෙක් වන Fahadh Faasil මෙහි ප්‍රධාන චරිතයක් නිරූපනය කරනවා.ෆිලුමට බොහෝ විචාරකයින්ගේ වගේම ප්‍රේක්ෂකයින්ගේත් ධනාත්මක ප්‍රතිචාර ලැබිලා තියෙනවා.ඒ වගේම මේකට සිනමා සම්මාන රාශියක් ලැබිලා තියෙනවා.ඒ වගේම මේක දමිළ සහ තෙලිඟු භාෂාවලින් ප්‍රතිනිර්මාණය වෙලත් තියෙනවා.

Filmfare Awards South ඒ කියන්නේ දකුණු ඉන්දියාවේ සිනමා කර්මාන්ත වන දමිළ, තෙලිඟු, මලයාලම්, කන්නඩා වැනි සිනමා කර්මාන්ත වෙනුවෙන් සම්මාන ප්‍රදානය කරන සිනමා උළෙලේදී මේ ෆිලුමට සම්මාන කිහිපයක්ම ලැබිලා තියෙනවා.ඒ 2013 වසරේදී.ඒ විදියට ලැබුනේ හොඳම නිළිය,හොඳම නළුවා,හොඳම චිත්‍රපටය,හොඳම අධ්‍යක්ෂණය සහ හොඳම සහය නිළිය කියන සම්මාන.ඒ වගේම South Indian International Movie Awards 2013 සම්මාන රාත්‍රියේදී ත් හොඳම නිළිය,හොඳම ප්‍රතිවීර චරිතය වෙනුවෙන් ෆිලුම සම්මානයෙන් පිදුම් ලැබුවා.මේ විදියට ෆිලුමට ලැබුණු සම්මාන සහ නිර්දේශ වීම් ගණන 10කටත් වැඩියි.ඒ වගේම ෆිලුම දමිළ බසින් Malini 22 Palayamkottai ලෙසත් තෙලිඟු බසින් Malini 22 Vijayawada ලෙසත් ප්‍රතිනිර්මාණය කෙරුනා.

ෆිලුමේ කතාව දිහාවට හැරුනොත්,මේක පටන්ගන්නේ ටෙසා කියන තරුණ හෙදිය වාහනයේ ගමන්කරන ගමන් ගන්න දුරකථන ඇමතුමක් එක්ක.දුරකථනය එහා පැත්තෙන් එන්නේ පිරිමි කෙනෙක්ගේ කටහඬක්.ඇමතුම ඉවරවෙලා එයා දුරකතනයේ සිම් කාඩ්පත ගලවලා වාහනෙන් එලියට දානවා.එතනින් පස්සේ ෆිලුම අපිව මාස කිහිපයක් ආපස්සට අරගෙන යනවා.ඒ කියන්නේ ෆිලුමෙන් කියවෙන්නේ මේ ටෙසාගේ කතාව.ඉතින් මීටවඩා විස්තර කියලා කතාවේ රසවින්දනයට බාධා කරන්න යන්නේ නෑ .ඒ හින්දා ටෙසාගේ කතාව මොකක්ද කියලා ෆිලුම අරගෙනම බලන්නකෝ!

මේක උපසිරැසි ගන්වන්න ඕනේ කියලා හිතුනේ මම මීට කලින් Fahadh Faasil ගේ ෆිලුමක් උපසිරැසි ගන්වලා නැති නිසා සහ මේක තරමක් පැරණි ෆිලුමක් වුනත් සම්මාන රාශියක් මේකට ලැබිලා තිබීම.ඒ වගේම මේ ෆිලුමෙන් ප්‍රතිනිර්මාණය වුණු චිත්‍රපට දෙකෙන් එකකටවත් සිංහල උපසිරැසියක් නිකුත්වෙලා නෑ .උපසිරැසිය මීට සති කිහිපයකට කලින් දෙන්න හිටියත් එක දිගට අලුත් මලයාලම් ෆිලුම් කීපයක්ම ආව නිසා මේකේ වැඩ මග නතරවුනා.ඉතින් වෙනදා වගේම අදත් අවසාන වශයෙන් මතක් කරනවා උපසිරැසිය ගැන ඔබේ වටිනා අදහසත් පල්ලෙහායින් දාගෙන යන්න කියලා.

තවත් ෆිලුමකින් ආයෙත් හමුවෙමු! එතෙක් ඔබට ජය!

 

 

Due to copyright issues, we do not provide any torrent links.

22-Female-Kottayam-2012-Malayalam-DVDRip-XviD-AC3-ESubs

ලබා දී ඇති උපසිරසි ඉහත පිටපත් සඳහා අදාළ වේ.

7,799 downloadsDownload 22-Female-Kottayam-2012.zip36 KB

https://d36zzuvfojr38z.cloudfront.net/wp_content/uploads/2017/01/TharinduRRasanga1-e1485642059118.jpg මේ ලබා දී ඇති සිංහල උපසිරැසි පිළිබද “තරිඳු රසාංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2017-01-29
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.