71: Into the Fire (2010) | මරණය දක්වා …. [සිංහල උපසිරැසි සමඟ]

පුංචි වෙනසකටත් එක්ක කොරියානු චිත්‍රපටයකට උපසිරසි දෙන්න හිතුණා. මම තෝරගත්තේ එසේ මෙසේ චිත්‍රපටියක් නෙවෙයි. සම්මානනීය චිත්‍රපටයක්. 2010 වර්ෂයේ නිකුත් වුණ එකක්. මුලින්ම කියන්න ඕන මේ උපසිරසිය නම් ඉංග්‍රීසි උපසිරසිය මතම යැපිලා කරපු එකක්. මොකද හින්දි හෝ ඉංග්‍රීසි භාෂා නම් අහලා හරි තේරුම් ගන්න පුළුවන්. ඒත් කොරියන් භාෂාව එහෙම තේරුම්ගන්න අමාරු නිසා පොඩි පොඩි වැරදීම් ඇති. ඒ වෙනුවෙන් සමාව ඉල්ලනවා. එහෙම තියනවනම් පෙන්වලා දෙන්න. ඉතින් දිගට කියවන්න එපා වෙන නිසා චිත්‍රපටිය ගැන කියන්නම්.

මේක දකුණු කොරියානු චිත්‍රපටයක්. සත්‍ය කතාවක් පාදක කරගෙන තමයි නිර්මාණය වෙලා තියෙන්නේ. ප්‍රධාන චරිත සඳහා දායක වෙන්නේ Seung-won Cha, Sang-woo Kwon, Seung Hyun Choi යන රංගන ශිල්පීන්. ඒ හැමෝම කොරියාවේ ජනප්‍රිය දක්ෂ රංගන ශිල්පීන්. අධ්‍යක්ෂණය John H. Lee විසින්. මේ චිත්‍රපටයේ කොරියානු නම Pohwasogeuro ලෙසයි සඳහන් වෙන්නේ. War කියන වර්ගයට අයත් චිත්‍රපටයක්. මේ චිත්‍රපටය සම්මාන පහක් සඳහා නාම යෝජනා වෙලා තියනවා. ඒ වගේම සම්මාන 5ක් දිනාගෙන තියනවා. ඒ වගේම IMDb අගය 7.4 ක්. ඒකෙන් ඔයාලට තේරෙන්න ඇතිනේ චිත්‍රපටය ගැන.

මම කැමතිම නැත්තේ කතාව කියන්න තමයි. එතකොට ඔයාලා කතාව දිහා බලන්නේ මම බලන විදියට. ඔයාලට ස්වාධීනව කතාව බලන්න බැරි වෙනවා. ඒත් කතාව කිවුවෙ නැත්නම් අවුලක් වෙයි නේ. මම පුළුවන් තරම් කෙටියෙන් කතාව කියන්නම්.

උතුරු කොරියාවයි දකුණු කොරියාවයි හැමදාම හතුරෝ කියලා හැමෝම දන්නවනෙ. 1950 දී කොරියානු යුද්ධයේ ඇති වුණ සත්‍ය සිදුවීමක් තමයි මේ කතාවෙන් දැක්වෙන්නේ . මෙහෙමයි දකුණු කොරියානු හමුදාවට සෙබළු හිඟ වීම නිසා පාසල් ළමයි හමුදාවට බඳවා ගන්න වෙනවා . මෙහෙම බඳවා ගන්න ළමයෙක් තමයි ඕ ජන්ග් බියොම් .එයාට යුද්ධයේ කටුක අත්දැකිම් විඳින්න සිදු වෙනවා. එයාට විතරක් නෙවෙයි අනිත් හැම ළමයෙක්ටම.

පෝහාන්ග් කියන කඳවුර පිහිටලා තියෙන්නේ නක්දොන්ග් ගංගාව ආසන්නයේ .ඒක තමයි නක්දොන්ග් ගංගාව ආසන්නයේ තියන වැදගත්ම කඳවුර .උතුරු කොරියානු හමුදා මේ කඳවුර අල්ල ගන්න අදහසින් ඉදිරියට එනවා. දකුණු කොරියානු හමුදා ඒවා හැකි තරමින් මැඩ පවත්වමින් දිගටම පසු බසිනවා. ඔය අතරේ දකුණු කොරියානු හමුදාවට වෙනත් ප්‍රදේශයක සටන් කරන්න යන්න වෙනවා . අණ දෙන නිලධාරියා කඳවුරෙන් පිට වෙන්නේ නවක ශිෂ්‍ය සෙබළු 68 ක් සහ හිටපු ශිෂ්‍ය සෙබළු 3 දෙනෙක් පමණක් කඳවුරේ රඳවලා . හිටපු ශිෂ්‍ය සෙබළෙක් වන ඕ ජන්ග් බියොම් තමයි ඒ 71 ක් දෙනෙක් ඉන්න කණ්ඩායමේ නායකයා . ඔය කඳවුරේ එක එක විදියේ ශිෂ්‍ය සෙබළු ඉන්නවා. ඕ ජන්ග් බියොම් ඔවුන් එක්ක විවිධ අපහසුතා මධ්‍යයේ කටයුතු කරගෙන යනවා .ඔවුන්ට කෑම හිඟ වෙනවා . වෛද්‍යවරයෙක් හෝ කෝකියෙක්වත් ඔවුන්ට නෑ . ඉන්නේ ඒ 71 දෙනා විතරමයි .ඔය අතරේ උතුරු කොරියානු 766 වෙනි බල ඇණියට නායකත්වය දෙන ජෙනරල් පාක් පොහාන්ග්වලට යුද්ධ ප්‍රකාශ කරනවා . මේ ශිෂ්‍ය සෙබළු 71 දෙනා උතුරු කොරියානු හමුදා සමග මරණය දක්වා කරන සටන තමයි මේ චිත්‍රපටයේ ඇතුළත් වෙන්නේ.

ඉතින් වෙන්නේ මොකද කියලා ඔයාලම බලන්න .හැමෝටම නරඹන්න කියලා ආරාධනා කරනවා. හැකි නම් පුංචි අදහසක් දක්වලා යන්න . එහෙනම් තවත් ලස්සන සිනමා නිර්මාණයක් සමග ඔබ හමුවට එන බලාපොරොත්තුවෙන් මම සමුගන්නවා . හැමෝටම සුබ සතියක් !

 

 

344 MB කොපිය මෙතනින් බාගන්න

4f8a7b717df91c5303ec276139b7bd59bdb60102 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

2,550 downloadsDownload 71.Into-the-Fire.2010.baiscopelk.zip30 KB

 

https://d36zzuvfojr38z.cloudfront.net/wp_content/uploads/2014/02/අදිත.jpg මේ ලබා දී ඇති සිංහල උපසිරැසි පිළිබද “අදිත ප්‍රවීන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.