A Aa (2016) with Sinhala Subtitles | අ..ආ… [සිංහල උපසිරැසි සමඟ]

ඔන්න මේ පාර අලුත්ම චිත්‍රපටයකට උපසිරැසියක් අරගෙන ආවා. චිත්‍රපටය ඇවිල්ලා ටික කාලයක් ගියාට ඉංග්‍රීසි උපසිරැසියක් ආවේ මීට දවස් හතරකට විතර කලින්. උපසිරැසිය ඉක්මනටම දෙනවට වඩා හොඳ ගුණත්වයෙන් දෙන්නයි උත්සහ කරේ. ඒ වගේම මේ උපසිරැසිය මට වෙන් කරලා දුන්නට විමා සහෝදරයටත් ගොඩක් ස්තූතියි.

මේ චිත්‍රපටය ගැන කියනවනම්, මේක අධ්‍යක්ෂණය කරලා තියෙන්නේ Trivikram Srinivas විසින්. ප්‍රධාන චරිත දෙකට දායකත්වය දක්වලා තියෙන්නේ තෙළිඟු සිනමාමේ කවුරුත් දන්නා හඳුනන නිතින් (ආනන්ද් විහාරි නොහොත් නන්දු ලෙස) සහ සමන්තා (අනසුයා රාමලිංගම් ලෙස). මේ චිත්‍රපටයට IMDb දර්ශකයේ දැනට 7.1 ක් තරම් ඉහළ අගයක් ලැබිලා තියෙනවා. ඒ වගේම 2016 වසරේ වැඩිම ආදායම් ලබපු තෙළිඟු චිත්‍රපට 10 අතර තියෙන චිත්‍රපටයක්.

කතාව පටන්ගන්නේ මෙහෙමයි, අනසුයා කියන්නේ ලොකු සල්ලිකාර පවුලක කෙනෙක්. සල්ලි තිබ්බට මොකද මෙයාට ඇති සතුටක් නම් නෑ. මෙයා කැමති කිසිම දෙයක් එයාට කරන්න අම්මා ඉඩ දෙන්නේ නෑ. අම්මට ඕන විදිහට තමයි හැමදේම කරන්න වෙන්නේ. ඔය අස්සේ අම්මා බලෙන්ම වගේ මෙයාව කසාද බන්දලා දෙන්න යනවා. ඉතින් මේක දුර දිග ගිහිල්ලා අනසුයා සිය දිවි හානි කරගන්න උත්සහ කරනවා.

අනසුයාගේ තාත්තට මේක ඉවසන් ඉන්න බැරි වෙනවා. අම්මා ටික දවසකට රට ගියාට පස්සේ මෙයාගේ හිත හැදෙන්න කියලා දුර ගමකට යවනවා. එතකොට තමයි ආනන්ද් විහාරිව මුණගැහෙන්නේ. ඇත්තටම මේ දෙන්නා නෑනයි මස්සිනයි තමයි වෙන්නේ. මේ පවුල් දෙක එක හේතුවක් නිසා ටිකක් හිත් අමනාපෙන් ඉන්නේ. ඒත් අනසුයා මෙහෙට ගියාට පස්සේ මේ ගමට එයාගේ හිත ඇදිලා යනවා. ගමට කිව්වට ගමටත් වඩා ආනන්ද් විහාරිට.

ඇත්තටම මේ පවුල් දෙකේ අමනාපකමට හේතුව මොකක්ද? අනසුයා ට ආනන්ද් කැමති වෙයිද? ඒකටත් මේ ආරවුල බලපායිද? තව මොන වගේ බාධා ඇති වෙයිද? ඒවා නම් ඉතින් ෆිල්ම් එක අරගෙනම තමයි බලන්න වෙන්නේ.

මේ ෆිල්ම් එකට උපසිරැසි ගොනුවක් ඇවිල්ලා තිබ්බේ බෙංගාලි භාෂාවෙන් විතරයි. ඉංග්‍රීසි එකක් දාලා තිබ්බට ඒකත් බෙංගාලි උපසිරැසිය ගූගල් ට්‍රාන්ස්ලේට් කරලා තමයි දාලා තිබ්බේ. කොහොම හරි වැඩේ අතාරින්නෙ නැතුව ඒ ඉංග්‍රීසි උපසිරැසි ගොනුව අරගෙන තමයි මේක දුන්නේ. ඒ නිසා සමහර විට පොඩි පොඩි අඩුපාඩුකම් තියෙන්න පුලුවන්. ඒ උපසිරැසියේ කාළ රාමු හරියට නැති නිසා පළවෙනි වතාවට කාළ රාමුත් හදාගෙන උපසිරැසිය කරන්න වුනා. ඒකට ඉතින් දවස් 3 ක් එකදිගට මහන්සි වුනා. හොඳ උපසිරැසියක් ආවම අප්ඩේට් එකක් දාන්නම්. හිත හදාගන්න අදහසකුත් පළකරගෙන යන්න.

ඊලඟට හින්දි උපසිරැසියකින් හමුවෙමු. ඔබට ජය!

 

 

 

Due to copyright issues, we do not provide any torrent links.

 

A Aa [2016] Telugu HDRip x264 700MB

මෙම ලබා දී ඇති උපසිරසි ඉහත පිටපත් සඳහා අදාළ වේ.

8,203 downloadsDownload A-Aa-2016Baiscopelk.com_.zip56 KB

 

https://d36zzuvfojr38z.cloudfront.net/wp_content/uploads/2015/09/fb-e1442892712231.jpg මේ ලබා දී ඇති සිංහල උපසිරැසි පිළිබද “ශසිත් සඳරුවන් (සඳේ)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.