A Most Wanted Man (2014) | අවිහිංසක ත්‍රස්තවාදියා….. [සිංහල උපසිරසි සමඟ]

අද අරගෙන එන්නේ ටිකක් අමුතු විදියේ චිත්‍රපටයක්. අපේ හසන්ත අයියගෙන් කම්මැලි කමට කරන්න ඉල්ල ගත්ත එකක්. සැබෑ ලෝකයේ ඉස්ලාම් අන්තවාදී ත්‍රස්තවාදය අපි හිතන අකාරයමද නැතිනම් චිත්‍රපට වලින් හෝ පුවත් වලින් අපි දැන අඳුනගත් ආකාරයමද, එතකොට ත්‍රස්ත මර්දන ඒකකයන්, රහස් ඔත්තු සේවයන් අපි හිතන විදියටමද ඔවුන් සම්බන්ධයෙන් ක්‍රියාත්මක වෙන්නේ. මෙන්න මේ කාරණා දිහා වෙනස් විදියේ ඇහැකින් බලලා නිර්මාණය කළ සිනමා පටයක් විදියට මේ චිත්‍රපටය හඳුන්වන්න පුළුවන්.

අර්ධ රුසියානු, අර්ධ චෙච්නියානු පුද්ගලයෙක් මතුවුනා කියලා හිතන්න අපේ නගරෙක එක්වරම… අපේ මිනිස්සු නම් මොනවා කරයිද දන්නේ නැහැ, හැබැයි මේක වෙනවා හැම්බර්ග් නගරයේ මුස්ලිම් පිරිස් නිතර ගැවසෙන පෙදෙසක.. නිකම්ම නෙමෙයි සෑහෙන්න වද බන්ධනයට ලක්වුණු ලකුණු එක්ක. මේ හැම්බර්ග් නගරය ගැන කිව්වොත්, 2001 සිදුවුනු 9/11 ප්‍රහාරය සැලසුම් කර තිබෙන්නේ, මේ ජර්මනියේ, හැම්බර්ග් වරාය නගරයේදී. ඒ නිසාවෙන් අද වෙන විට මේ හැම්බර්ග් නගරය ජර්මානු සහ අන්තර්ජාතික බුද්ධි අංශ සහ ආරක්ෂක අංශවල දැඩි අවධානය සහ ආරක්ෂාව යටතේයි පවතින්නේ.

ඔහොම මතුවෙන්නේ ඊසා කප්රෝව් නම් පුද්ගලයෙක් ඔහු ජර්මනියට සරණාගතයෙක් ලෙස තමයි එන්නේ, කතාවේ රස වැඩි වෙන්න ඔහු නීති විරෝධී සරණාගතයෙක් ලෙස තමයි පිටපත් රචකයා නිර්මාණය කරලා තියෙන්නේ, කතාව ආරම්භයේ පටන්ම සියලු දෙනාටම මේ ඊසා අභිරහසක්. ඔය අතරේ ගන්තර් නම් චරපුරුෂ සේවයේ නියුතු නියෝජිතයෙක් කණ්ඩායමක් මෙහෙයවනවා මේ ප්‍රදේශයේ ඉස්ලාම් ප්‍රජාව අතරේ බුද්ධි තොරතුරු එක්කාසු කරන්න… කොහොමෙන් කොහොම හරි මේ ඔත්තු කෙලියේ එක තැනකදී ගන්තර් දැනගන්නවා මේ ඊසා කප්රෝව් කලින් සිරගතවී සිටි අයෙක් බව… විශේෂම කාරණාව තමයි, මේ ඊසා ගැන හොයන ගන්තර් ඇතුලු පිරිස ජීවත්වෙන පිරිසක් හැටියට කිසිම තැනක සඳහන් වෙන්නේ නැහැ. මේ ඊසා ඇයි හැම්බර්ග් වලට ආවේ. තවත් ත්‍රස්ත ප්‍රහාරයකටද?

දැන්.. කතාව මම කිව්වොත් වැඩක් තියේ ද? ඒක ඔබට භාරයි රස විදින්න… හැබැයි කියන්න ඕනේ මිනිත්තු 122 අපතේ ගියා කියල නම් මොහොතකට හිතෙන එකක් නැහැ මේ කතාව ඒ තරම්ම කුතුහලය රදවාගෙන ඉදිරිපත් කරන්නට අපේ කතා රචනයා වන John le Carré සමත් වෙලා තියනවා හැබැයි ඒ ඔහුගේ නවකතාවේ.. මෙහි පිටපත නිමැවෙන්නේ Andrew Bovell අතින්. මේ සිහිනය සැබෑවක් වෙන්නේ Anton Corbijnගේ අධ්‍යක්ෂණයෙන්.

තිරයේ මුහුණු ලෙස එක්කාසු වෙන පිරිස ගැන කතා කරනවා නම් Philip Seymour Hoffman මතක් නොකර බැහැ මොකද මෑතක දී බොහොම ප්‍රසිද්ධ වුන කෙනෙක් හේතුව නම් ඔහුගේ අකල් වියෝව බව සිනමා ලෝලීන් නොදන්නවා නෙවෙයි නෙව, ඔහුත් එක්කම Grigoriy Dobrygin අපේ සරණාගතයා ලෙස එක්කාසු වෙනවා.. තවත් කියනවා නම් ඉතින් Homayoun Ershadi, Nina Hoss, Mehdi Dehbi වගේ පිරිසක් ඉන්නවා ඔක්කොම නම් මම කියන්න යන්නේ නැහැ..

ඒ වගේම මතක් කරන්න ඕනේ මේ ලිපිය ලියන්න උදව් කරපු අපේ සමීර කරුණාරත්න අයියාවත්. අප්පේ, මනුස්පයා නැත්නම්, මේක ලියාගන්නවා බොරු. එහෙනම් මේ වෙනස් විදියේ කතාව නරඹන්න. තවත් චිත්‍රපටයකින් මුණ ගැහෙමු. එතෙක් ජයම වේවා..! එලස්ස්ස්……

 

 

 

709 MB (720p BR) කොපිය මෙතනින් බාගන්න

4DBF9C8444B750BD14DB2F2FB3D4809565B511BC

870 MB (720p BR) කොපිය මෙතනින් බාගන්න

91EDF9237AF770F1A79A9B9E1F7F05084F494CC1

7.85 GB (1080p BR) කොපිය මෙතනින් බාගන්න

1EEAB3AF2AB7E198944B67A7E2B8277D39FA952A ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

4,393 downloadsDownload A-Most-Wanted-Man-2014.zip122 KB

 

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “යශෝධ ශ්‍රීමාල් අතුරැලියගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.