A Plastic Ocean (2016) Sinhala Subtitles | ප්ලාස්ටික්, සාගරයක් මැද [සිංහල උපසිරැසි සමඟ]

වාර්තා චිත්‍රපටයක් කිව්වම කට්ටිය පෝ..ඩ්ඩක් කම්මැලි උණත්, මේක ශ්‍රී ලංකාව නිසා හැදුණු චිත්‍රපටයක් කිව්වොත්? තවමත් ජාත්‍යන්තරයේ ඉහළින්ම ඇගයීමට ලක්වෙන 2016 වසරේ නිර්මාණය වුණ A Plastic Ocean, පසුගියදා 2018 SIMA සම්මාන උළෙලේදී සිය 15 වන ජාත්‍යන්තර සම්මානය ලබා ගනිද්දී IMDB ශ්‍රේණිගත කිරීම්වල 7.8ක් වගේ ඉහළ අගයක් රඳවා ගන්නත් සමත්වෙලා තියෙනවා. චිත්‍රපටයෙ කතාව පැත්තට පොඩ්ඩක් හැරෙමු.

මට කියන්න ඕන, “අපි මේ කතාව බෙදා ගන්නවා.මොකද, දැනගැනීමෙනුයි ආදරයක් ඇතිවෙන්නේ.ආදරයෙනුයි වෙනසක් ඇති වෙන්නේ.”
මෙහෙම කියන්නෙ ලෝක ප්‍රසිද්ධ මාධ්‍යවේදියෙක් වන ක්‍රේග් ලීසන්, අපේ මුහුදේ ඉන්න තල්මස් පැටියෙකුට. තල්මහෙකුට? ඔව්, තල්මහෙකුට.

ක්‍රේග් 2010-11 කාලයෙදි ශ්‍රී ලංකාවට එන්නෙ, තල්මස්සු ගැන වාර්තා චිත්‍රපටයක් කරන්න පොඩි කාලෙ ඉඳලම තිබුණු හීනයක් එක්කයි. අවුරුදු 30ක යුද්ධයක් නිසා වැසිලා තිබුණු වෙරළවලත්, වාණිජ ධීවර කර්මාන්තයක් සිදු නොවුණු මුහුදේත්, සාපේක්ෂව පිරිසිදු පරිසරයක් ඇති කියන බලාපොරොත්තුව ශ්‍රී ලංකාවේ දකුණු මුහුදු තීරය තෝරාගැනීමට හේතුවක් වුණා කියලයි ක්‍රේග් කියන්නෙ. ඒත් තල්මසුන්ගේ පෝෂක ප්‍රදේශයක රූගත කිරීම් කරන අතරතුර මුහුණ දෙන්නට වෙන සිදුවීමක් නිසා හදිසියේ මේ සියල්ලම කණපිට හැරෙනවා. ඔවුන්ගේ දිය යට කැමරා ශිල්පියා ඩග්, තල්මසුන් රූගත කරන අතරේ ප්ලාස්ටික් සුන්බුන්, ඉරීගිය දැල් හා තෙල් මිශ්‍ර වතුරකට මැදි වෙනවා. මේ ගමනට එක්වන තල්මස් විශේෂඥයෙක් වන ලින්ඩ්සේ පෝටර් පැහැදිලි කරනවා මේ ප්ලාස්ටික් සුන්බුන් තල්මසුන් ආහාරයට ගන්නා බව. මේ සිදුවීමත් එක්ක ක්‍රේග් හිතන්න පටන් ගන්නවා, ලෝකයේ අනිත් මුහුදුවල මොනවා වෙනව ඇතිද?

එතැන් සිට නිදහස් කිමිදුම් ක්‍රීඩිකාවක් වන ටානියා ස්ට්‍රීටර් වගේම විද්‍යාඥයන්, පර්යේෂකයන් කණ්ඩායමක් සමග සම්බන්ධ වෙන ක්‍රේග් වසර හතරක් තිස්සේ ලෝකය පුරා ස්ථාන විස්සක පමණ සංචාරය කරමින් අපේ මුහුදු තිබෙන අනතුරුදායක තත්වය ගැන ගවේෂණයක යෙදෙනවා.ප්ලාස්ටික්වලින් වෙන පරිසර දූෂණය කොයිතරම් දරුණුද, සමස්ත සත්ව ලෝකයටම එයින් මොනතරම් හානියක් වෙලාද, මිනිසුන්ගේම නිර්මාණයක් මුළු මිනිස් ප්‍රජාවටම මොනතරම් ගැටළුවක් වෙලාද කියන කාරණය ඉතාම ප්‍රායෝගිකවත්, විද්‍යාත්මකවත් ඒ වගේම සරලවත් පැහැදිලි කරන්න මේ පිරිස සමත් වෙනවා.

එතැනින් නොනැවතී ප්ලාස්ටික් ගැටළුවට සාර්ථකව භාවිතා වෙන ප්‍රායෝගික විසඳුම් ගැනත් ඔවුන් සාකච්ඡා කරනවා. චිත්‍රපටයට පමණක් සීමා නොවී ක්‍රේග් ඇතුළු පිරිස Plasticoceans.org වෙබ් අඩවිය හරහා විවිධාකාර ව්‍යාපෘති ඔස්සේ මේ ගැටළුව විසදීමට මේවන විටත් සක්‍රියව දායකවෙමින් සිටිනවා.

තවත් චිත්‍රපටයක් විදියට බලලා අමතක කරන්නේ නැතුව, ක්‍රේග් අපේ මුහුදේ හිටපු තල්මසාට වෙච්ච පොරොන්දුව ඉටු කරමු කියන ඉල්ලීමත් සමගින් මේ සටහන නිමා කරනවා.

 

 

 

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත සඳහා වලංගු වේ.

2,940 downloadsDownload A-Plastic-Ocean-2016.zip64 KB

 

https://d36zzuvfojr38z.cloudfront.net/wp_content/uploads/2018/02/Tha-Kadiya.jpg මේ ලබා දී ඇති සිංහල උපසිරැසි පිළිබද “තරිඳු දර්ශන [ත කඩියා]” සොහොයුරා අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

NEW MEMBER
JOINING DATE – 2018/02/20
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.