Addicted (2014) | ඇබ්බැහිය… [සිංහල උපසිරසි සමඟ]

ඔන්න අද මං අරගෙන ආවෙ වැඩිහිටියන්ට වඩාත් සුදුසු සිනමාපටයක්, මේකත් සුපුරුදු පරිදි මට ලබාදුන්නෙ සමීර චතුරංග සහෝදරය, ඉතිං ඔහුට ස්තූතිවන්ත වෙනව මේකට උපසිරැසි යොදන්න මාව යොමු කලාට. වැඩිහිටියන්ට කිව්වට ශරීර අංග උපාංග නම් පෙන්වන්නේ නෑ නමුත් ඒවයින් කරන වැඩ නම් ඕන තරම් පෙන්වනව. ඒක නිසා අතිශයින්ම වැඩිහිටියො විතරක් බලන එක හොඳයි. මේ සිනමාපටය ත්‍රාසජනක සහ නාට්‍ය ලෙස තමයි වර්ගීකරණය කරල තියෙන්නෙ. මේ කතාවට පසුබිම් වෙලා තියෙන්නේ Zane කියන ඇමරිකානු කතුවරිය විසින් රචිත Addicted කියන නවකතාවයි. ඒ වගේම කියන්න ඕනේ Addicted යනු ඇගේ නවකතා වලින් වැඩිම අලෙවියක් වාර්තා වූ නවකතාවයි. බහුලව නැති උනත් සමාජයට හුඟක් බලපාන මාතෘකාවක් ගැන තමයි මේ සිනමාපටයෙන් කතා කරන්න උත්සාහ කරල තියෙන්නෙ. වටින් ගොඩින් නැතිව කියනව නම් මේ සිනමාපටයෙන් කතා කරන්න උත්සාහ කරල තියෙන්නේ ලිංගික ඇබ්බැහිය (Sex Addiction) කියන රෝගය ගැනයි. දැන් දැන් නම් රෝගයක් විදිහට නොවුනත් බහුලව මේ වගේ දේවල් අහන්න නම් ලැබෙනව. ඉතිං වැඩිහිටියො නම් බැලුවට වරදක් නෑ. ජීවිතයට යමක් එකතු කරගන්න පුලුවන් වේවි.

ඇමරිකාවේ නිශ්පාදිත මෙම සිනමා සිත්තම ප්‍රදර්ශනය ආරම්භ කරල තියෙන්නෙත් 2014 ඔක්තොම්බර් 10 වැනිද ඇමරිකාවෙදිමයි.  මිනිත්තු 106ක් පුරා දිවෙන මෙම සිනමාපටය අධ්‍යක්ෂණය කරල තියෙන්නේ Bille Woodruff කියන අධ්‍යක්ෂක වරයා විසින්. මෙහි ප්‍රධාන නිලියගේ භූමිකාව රඟදක්වන්නේ Dreamgirls (2006), Why Did I Get Married? (2007) වැනි සිනමාපට වලට රංගනයෙන් දායක වූ Sharon Leal කියන රංගන ශිල්පිනිය විසින්. ඒ වගේම නළුවන් ලෙස William Levy හා Surrogates (2009), Resident Evil: Afterlife (2010), Resident Evil: Retribution (2012) යන සිනමාපට වලට රංගනයෙන් ධායක වූ Boris Kodjoe කියන රංගන ශිල්පීන් රංගනයෙන් දායකවී තිබෙනවා. IMDb දර්ශකයෙ නම් 5/10 වැනි අගයක් තමයි දැක්වෙන්නෙ.

සෝයි රෙනෝල්ඩ් කියන්නෙ සිත් ඇදගන්නාසුලු ජීවිතයක් ගත කරන සාර්ථක ව්‍යාපාරික කාන්තාවක්. ඇය දයාබර සැමියෙක්, ලස්සන දරුවන් දෙදෙනෙක් වගේම හොඳ රැකියාවකටත් හිමිකම් කියනව. පිටට මේ කොහොම උනත් ඇය ඇතුලතින් කාමෝන්මාදය (nymphomania) කියන රෝගයෙන් පීඩා විඳිනව. ඇගේ මේ නිරන්තර කාම ආශාවන් පිනවීමට ඇයට ඇති අවශ්‍යතාවය ඇයව ඇගේම රහසිගත ජීවිතයකට මග කියනව. ඇගේ ආශාව පලනය කරගත නොහැකි තත්වයකට ඇය පත්වෙනව. මේ අතර ඇය මනෝ චිකිත්සකයෙකුගේත් උදව් පතනව, මේ ආකාරයට දිගටම සෝයිට මේ රහස තම සැමියගෙන් දරුවන්ගෙන් සඟවාගෙන ජීවත් වීමට හැකිවේවිද, ඇගේ මේ රෝගී තත්වය යහපත් අතට හරවාගැනීමට හැකිවේවිද, තම ආශාව නිසා ඇය තම සැමියාට කරන වංචා බොරු හෙලි වේවිද? කතාව ඔක්කොම කිව්වොත් බලන්න දෙයක් නැති වෙනවනෙ. මේ කිව්ව දේවල් වලට අමතරව තව හුඟක් දේ මේ පැය එකහමාර ඇතුලත සිද්ද වෙනව.

හොඳ පනිවිඩයක් ලබාදෙන සංවේදී කතාවක්. හැමෝටම බලන්න කියල ආරාධනා කරනව. එහෙනම් තවත් උපසිරැසියකින් හමුවනතුරු ඔයාලට සුබ දවසක්  😀  😀

 

 

 

698 MB (HD) කොපිය මෙතනින් බාගන්න

F394F3FFA1160AC835FDD2387E10235C64D52C51

1.42 GB (HD) කොපිය මෙතනින් බාගන්න

3633C6C3EBD298BE5D427B5511A16D3F4503AFED

 

9,321 downloadsDownload Addicted-2014.baiscopelk.zip98 KB

 

https://d36zzuvfojr38z.cloudfront.net/wp_content/uploads/2014/11/හසන්ත-මාලිංග.jpg මේ ලබා දී ඇති සිංහල උපසිරැසි පිළිබද “හසන්ත මාලිංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.