Aftermath (2017) with Sinhala Subtitles | මහ පොලොව කම්පා කල ගුවනේ පිපිරුම [සිංහල උපසිරැසි සමඟ]

 

ආදරය… මෙලොව ඇති වටිනාම සහ අමිලම හැඟීම. අන් කෙනෙකු වෙනුවෙන්, තවත් කෙනෙකුගේ ගුප්තවූ මනසේ ඇතුලාන්තයේ සැඟවී සිටින්නාවු හරි අපූරු හැඟීමක් තමයි මේ ආදරය කියන්නෙ. කිසිම තරාතිරමක් නොබලා, මහා මන්දිර වලට සේම, දුගී පැලටත් එබිකම් කොට බලන්නාවූ ආදරය තරම් බලවත් අන් කිසිම දෙයක් තිබිය නොහැක. විටෙක ඔබ පුදුම වේවි, ආදරයේ නාමයෙන් මිනිසුන් මෙතරම් දේවල් කරනවද කියා. තවත් විටෙක ඔබ භීතියට පත්වේවි, ආදරයේ නාමයෙන් මිනිසුන්ට මෙතරම් දරුණු විය හැකිදැයි කියා. සැබවින්ම ඔබ පුදුම වේවි, අහිමි ආදරයක් හමුවේ වියරු වැටෙන්නාවු මිනිස් සිතක සත්‍ය ස්වරූපය ඔබගේ සියැසින් දුටුවහොත්…

වසර ගණනාවකින් සිය පියාව නොදුටු, මව් පදවියෙන් පිදුම් ලැබීමට නියමිතව සිටින්නාවූ විදේශගත තරුණියක්… සිය ප්‍රාණ සමවූ දියණියව නැවත සිය මව් රට බලා කැඳවාගෙන ඒමට විදේශ ගතව සිටින්නාවූ ආදරණීය මවක්… වසර ගණනාවකින් නොදුටු සිය ආදරණිය දියණියගේ වත දැකගැනීමේ අවිහිංසක බලාපොරොත්තුවෙන් පිරී ඉතිරී ගොස්, ගුවන් තොටුපලට වී සිය ආදරණීය බිරිඳ සහ දියණිය නැවතත් සිය ඇස් මානයට පැමිණෙන තුරු පෙරුම් පුරමින් බලා සිටින්නාවූ රෝමන්…

සිය ආදරණීය බිරිඳට සහ හුරතල් පුතුට, සිය ප්‍රාණය දෙවැනි කොට ආදරය කරන්නාවූ ජේක්… ඉතාමත් භාරදූර වගකීමක් දරමින්, ගුවන් තොටුපලේ ගුවන් යානා මෙහෙයුම් පාලන මැදිරියේ සේවය කරන්නාවූ මොහු තවත් දවසක් සඳහා සුපුරුදු පරිදි සිය වැඩ රාජකාරි බාරගනු ලබනවා. නමුත්, මොහු සිහිනෙන් හෝ නොසිතන්නට ඇති, තම ජීවිතයේ වඩාත්ම භයංකාරම දවස වන්නේ අද බව…. ඔහුගේ නොවන, ඔහුගේම වරදක් නිසා, අති විශාල ජීවිත සංඛ්‍යාවකට අකාලයේ ජීවිතයෙන් වන්දි ගෙවීමට සිදුවන බව…

තත්පරයක කාල සීමාවක් තුලදී සියල්ල තීරණය වෙනවා. යලිත් නිවැරදි කර නොහැකි අයුරින් ඉතිහාසයට කළු පැල්ලමක් එකතු වෙනවා. සමස්ථ ගුවන් ගැබම කම්පා වී යනවා. සිදුවූ විනාශය හමුවේ මහ පොලව කම්පා වෙනවා. සීතලට ගල් ගැහුණු භූමි මාතාව, සුන්බුන් වලින් වැසී යනවා. රුදුරු සීතල හමුවේ ගලන්නාවූ රුධිරය කැටි ගැසී යනවා. නමුත් සත්තයි… දහසක් වූ දෙනෙත් තුලින් තම ආදරණීයන් වෙනුවෙන් නොනවත්වා ඇද හැලෙන්නාවූ කඳුළු ගංගා නවතාලීමට තරම් ශක්තියක් සොබාදහම් මාතාවට තිබුනේ නැහැ. සිදුවූ ඛේදවාචකය හමුවේ, සමස්ත ලෝකයක්ම හඬා වැටුණා. සමහර පුද්ගලයින් මානසික රෝගීන් බවට පත්වුණා.

අසුවන්, දුටුවන් ශෝකාග්නියේ ගිල්වමින්, ඇමරිකානු ඉතිහාසයේ සිදුවූ තවත් නොමැකෙන අඳුරු ඛේදවාචකයක් පදනම් කරගනිමින්, Drama සහ Thriller කාණ්ඩ නියෝජනය කරමින්, 2017 වර්ෂයේ අප්‍රේල් මස 7 වන දින නිකුත් කරන ලද සිනමා වෘතාන්තයක්… ඇමරිකානු ඩොලර් මිලියන 10.5 ක බරපැනක් දරමින් නිර්මාණය කරමින්, Arnold Schwarzenegger තුලින් මීට පෙර කිසිදා ඔබ අත්නොදුටු රංගන කෞශල්‍යකින් හැඩ වැඩ ගැන්වුණු හදවත ශෝකයෙන් පුරවාලන සිනමා නිර්මාණයක්… ඔබ සංවේදී නොවෙන්න පුළුවන්… නමුත් ඔබටත් නොදනී, ඔබේ ඇසටත් කඳුළු බිඳක් හෝ උනාවී. එසේනම්, ආදරය අහිමි වීමෙන් වියරු වැටුණු මිනිසෙකුගේ සංවේදී කතා පුවත ඔහු සමගින් බෙදා හදා ගැනීමට සහෘද ඔබ සැමට අවසරයි සෙනෙහෙ සිතින්…

ප. ලි. – නොසිතූ මොහොතක මෙම චිත්‍රපටය උපසිරැසි ගැන්වීමට අවස්තාව ලබාදුන්, හසන්ත සොයුරාට විශේෂ ස්තුතිය.

 

 

 

 

 

Due to copyright issues, we do not provide any torrent links.

Aftermath.2017.720p.BluRay.x264.DTS-CHD

ලබාදී ඇති උපසිරැසිය BR පිටපත් සඳහා යාවත්කාලින කර ඇත.

10,111 downloadsDownload Aftermath-2017-BR.zip36 KB

 

https://d36zzuvfojr38z.cloudfront.net/wp_content/uploads/2016/05/SisilaPrasad.jpg මේ ලබා දී ඇති සිංහල උපසිරැසි පිළිබද “සිසිල ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.