Alexander and the Terrible, Horrible, No Good, Very Bad Day (2014) | පවුලක් විදිහට එකට එකතු වෙලා නරකම නරක දවසකට මුහුණ දෙන්නෙ මෙන්න මේ විදිහටයි [සිංහල උපසිරසි සමඟ]

හැමෝටම ආයුබෝවන්. ඔන්න මේ අවුරුද්දේ මම ගේන පලවෙනි උපසිරැසි නිර්මාණය තමා මේක. මේක දෙන්න ටිකක් කල් ගියේ හේතු තුනක් නිසා. එකක් මේකේ හොද පිටපතක් එනකොට ටිකක් කල් ගියා. දෙවනි එක මේකට සබ දැම්මේ ගොඩක් වැඩ මැද්දේ. අනික තමා ඒ දාද්දිත් මම චිත්‍රපටිය පමණට වඩා කිහිප පාරක්ම බැලුවා. කොහොම උණත් මේ නිර්මාණය ඉවර කරගන්න ලැබීම සතුටක්. සමීර කරුණාරත්න සහෝට මම විශේෂයෙන්ම ස්තූතිවන්ත වෙනවා මේ චිත්‍රපටයේ හොද කොපියක් දාපු සැණින් මට මේල් එකක් එව්වට. දැන් අපි කථාව දිහාවට හැරෙමු.

ඩිස්නි එක මූලිකත්වය අරං මිගෙල් අර්ටෙටා ගේ අධ්‍යක්ෂණයෙන් IMDB අගය 6.2 ක් ලබාගත් ප්‍රධාන චරිත 5 ක් රැගත් මේ චිත්‍රපටයේ රගපාන නළු නිලියන් ඇත්තෙන්ම ජනප්‍රිය පිරිසක්. මේ චිත්‍රපටියේ එම චරිත ටික පිලිවෙලින් මෙහෙමයි. විස්තරාත්මකව මෙන්න තියෙනවා.

චරිතය රංගන ශිල්පියා වයස දැනට සම්බන්ධ වී ඇති නිර්මාණ ගණන(ගූගල් ඇසුරෙනි)

• බෙන් කූපර් ස්ටීව් කැරල් 52 47 කෙලී කූපර් ජෙනිෆ(ර්) ගාන(ර්) 42 34
• ඇන්තනී කූපර් ඩිලන් මිනට් 18 10
• එමලි කූපර් කෙරිස් ඩොර්සි 17 09
• ඇලෙක්සැන්ඩර් කූපර් එඩ් ඔක්ෂන්බුල්ඩ් 13 05

මේ කථාවෙන් කියවෙන්නේ එකමුතුකම ගැන. පවුලක් තමන්ට එන ප්‍රශ්නවලදී එකට එකතු වෙලා වැඩකරන්නේ කොහොමද කියලා මේ කථාවෙන් කියල දෙනවා. මේක ඇත්තටම එකමුතුකම ගැන කියවෙන, නමුත් කොමඩි ගණයේ ලස්සන නිර්මාණයක්. මම මේක මුලින් ඉල්ලන්න මේකෙ ට්‍රේලර් එකක් බලද්දී (මම පුරුද්දක් වශයෙන් මූවීස් ඉල්ලද්දී ඒවායේ ට්‍රේලර් මුලින් බලනවා) මට මේක භාර ගන්න ඉවසිල්ලක් නැති උණා. ඒත් දැන් මම මේ වැඩේ අවසාන කරලා මගේම සබත් එක්ක ආයෙක් බලන කොට මට ලොකු තෘප්තියක් දැනෙනවා.

කථාව පටන් ගන්නකොටම පෙන්නන්නේ වෙන්න තියෙන ඔක්කොම දේවල් ඉවර උණාට පස්සේ තියෙන දර්ශනයකින්. ඒක පොඩි වෙලාවක් ගියාට පස්සෙයි කථාව නියම විදිහට පටන් ගෙන නැවත ආපහු ඒ කොටසට එකතු වෙන්නේ. ඇලෙක්සැන්ඩර් ගේ උපන්දිනය දවසට කලින් දවස හැමෝටම හොද දවසක්. ඒත් ඇලෙක්සැන්ඩර්ට එහෙම නෑ. එයාගේ නරකම දවස එදා. වෙන්න තියෙන ඔක්කොම නරක දේවල් එයාට වෙනවා. නමුත් පවුලේ අය හරි සතුටෙන් ඉන්නේ. එයාලගේ හොදම දවස ඒක. ඇලෙක්සැන්ඩර්ගේ දවස නරක උණ එක ගැන එයාලට එච්චර ගාණක් නෑ. ඒත් ගෙදර වෙන දේවල් වලින් ඇලෙක්සැන්ඩර් ගෙ හිත හොදටම රිදෙනවා. එයා එදා රෑ ප්‍රාර්ථනයක් කරනවා. ඒ තමා තමාට උදා උණ දවස කොච්චර නරක දවසක්ද කියලා අනික් අයටත් පෙන්නල දෙන්න කියලා. ඊට පස්සේ පහුවදාම අනෙක් අයගෙ දවස නරක අතට හැරිලා යනවා. ඇලෙක්සැන්ඩර්ටත් පුදුමයි. ඒත් එයාට ඒ ගැන දුකයි. නමුත් එකිනෙකාට කරදර එන වෙලාවේ එකිනෙකා තම තමන්ව දිරිමත් කරගන්නවා. සැලෙන්නේ නෑ. අන්තිමේදී මේ කට්ටිය දවස ජය ගන්නවා.

මම පසුගිය චිත්‍රපටය වගේම මේ මූවී එකෙනුත් සමාජයට පණිවිඩයක් දෙන්නයි උත්සාහ කරන්නේ. ඒ එකමුතු බව ශක්තියක් කියන එකයි. කවදාවත් තමන්ගේ පවුලේ අයට අමාරු අවස්ථාවක් උදා උණොත් එයාලව තනි කරන්න එපා. දුක හවුලේ බෙදාගෙන සතුට උදා කරගන්න. මම හිතනවා හැමෝම මේචිත්‍රපටයට එකට ආස වෙයි කියලා. සමහරු නං දැනටමත් මේක බලල ඇති. ඒත් සමහර නොතේරෙන තැන් තියෙනවනං සබ් එකත් එක්ක බලන්න. මොකද මම සබ් එක හදද්දී නොදන්නා දේ ගොඩක් අහුවුණා. ඔයාලට උදව්වක් හැටියට මම ඒ හැම එකම විස්තර කරලා දාල ඇති. ඩිස්නි චිත්‍රපට කිව්වොත් ආයෙ බලන්න කියල කියන්න දෙයක් නැහැනේ. එහෙනං සුභ දවසක්. ජයවේවා!

 

 

690 MB (720p BR) කොපිය මෙතනින් බාගන්න

20EDBF04081D912C12255E4F70CAA69FA9CFEE76

1.23 GB (1080p BR) කොපිය මෙතනින් බාගන්න

B4A62E3D8EAF1F6FCF38CB145FF401624BF2EA34 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

6,497 downloadsDownload Alexander-and-the-Terrible-Horrible-No-Good-Very-Bad-Day-2014.zip315 B

 

https://d36zzuvfojr38z.cloudfront.net/wp_content/uploads/2014/09/DeepthaT.jpg මේ ලබා දී ඇති සිංහල උපසිරැසි පිළිබද “දීප්ත තුෂාර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.