Amira & Sam (2014) | ආදරයට බාධා ඇති මුත්… [සිංහල උපසිරසි සමඟ]

වෙනස්ම විදිහේ ආදර කතාවක් බලමුද යාළුවනේ……..ඉතින් මුලින්ම කියන්න ඕනේ මේ තමා මගේ පළමුවන උපසිරැසි නිර්මාණය. හැමදාම බයිස්කෝප් අඩවියට ඇවිත් උපසිරැසි බාලා ෆිල්ම් බලපු එක තමා කලේ. ඉතින් මටත් හිතුනා උපසිරැසි නිර්මාණයක් කරන්න ඕනේ කියලා. සමාවෙන්න ඕනේ වැඩේ භාර අරන් සති තුනක් විතර වෙනවා. ජොබ් එකත් එක්ක ඉතින් වැඩේ එක දිගට කරගෙන යන්න ලැබුනේ නෑ. පළවෙනි එක නිසා ටිකක් පරිස්සමට තමා වැඩේ කලේ. ඉතින් මගේ පළවෙනි උපසිරැසි නිර්මාණය විදිහට අරන් ආවේ 2014 වර්ශයේ තිරගත කිරීම ආරම්භ කරපු Amira & Sam චිත්‍රපටය.

මෙහි අධ්‍යක්ෂකවරයා Sean Mullin. ඔහු ඇමරිකානු හමුදාවේ කැප්ටන් කෙනෙක් වශයෙන් සේවය කරපු අයෙක්. ඔහු විසින් මීට පෙර සම්මානයට පාත්‍ර උන කෙටි චිත්‍රපට ගනණාවක් අධ්‍යක්ෂනය කරලා තියනවා. ඒ හැම එකක්ම නිර්මාණය වෙලා තියෙන්නේ යුද්ධය හා ඒ සම්බන්ධ සිදුවීම් ඇසුරෙන්. Amira & Sam චිත්‍රපටය හරහා තමා සිනමා අධ්‍යක්ෂකවරයෙක් ඔහු කලඑළි බහින්නේ. ඔහුගේ ජීවිතය යුද්ධය හා සම්බන්ධ නිසාවෙන් ඔහුගේ කෙටි චිත්‍රපට වල වගේම මෙම චිත්‍රපටයත් යුද්ධය හා සම්බන්ධයි. සියැටල් අන්තර්ජාතික සිනමා උළලේදී විශේෂ විචාරයන්ට පාත්‍ර වෙන්න මෙම චිත්‍රපටයට හැකි උනා. IMDb දර්ශකයේ 6.1 හා Rotten Tomatoes දර්ශකයේ 74% අගයක් ලබාගන්න සමත් උන මෙම චිත්‍රපටිය හාස්‍යමය හා ආදර කතාවක් විදිහට තමා හඳුන්වලා දීලා තියෙන්නේ.

මෙම චිත්‍රපටයටයේ ප්‍රධාන රංගන දායකත්වය සපයන්නේ Knocked Up, Superbad, Adventureland වගේ චිත්‍රපට වල චරිත නිරූපණය කරපු ඒ වගේම Silicon Valley රූපවාහිනී කතා මාලාවේ Gilfoyle ගේ චරිතයට පණ පොවන Martin Satrr (සෑම්) සහ ප්‍රධාන චරිතයකට පළමු වරට රංගනයෙන් දායක වන Dina Shihabi (ඇමීරා) විසින්. ඒ වගේම අපි කවුරුත් දන්න Vampire Diaries කතා මාලාවේ Stefan Salvatore ගේ චරිතයට පණ දෙන Paul Wesley (චාලි) මෙම චිත්‍රපටයට රංගනයෙන් දායක වෙනවා. කතාව පැත්තට හැරෙමු එහෙනම්.

සෑම් කියන්නේ ඉරාකේ සහ ඇෆ්ගනිස්ථානේ සේවය කරපු ඇමරිකානු හමුදා භටයෙක්. ඔහු සෑහෙන කාලයක් මව් රටෙන් පිට සේවය කරලා ඇවිත් සමාජයට නැවත අනුගත වෙන්න උත්සහ ගන්නවා. මේ අතරෙදි ඔහු යනවා ඉරාකෙදි තමන්ගේ භාෂා පරිවර්තකයා ලෙස ක්‍රියා කරපු බසාම්ව (Laith Nakli) හම්බවෙන්න. එතනදි සෑම්ට ඇමීරාව හම්බෙනවා. ඇමීරා කියන්නේ බසාම්ගේ ලේලි (සහෝදරියගේ දුව). ඇය ව්‍යාජ DVD පිටපත් අලෙවි කරමින් තමයි මුදල් හොයාගන්නේ. ඉරාකෙදි ඇයගේ සහෝදරයව ඇමරිකානු හමුදාව මරා දැමූ නිසා ඇය හමුදා සෙබළුන් කෙරෙහි වෛරයෙන් පසුවෙන්නේ….ඇය ඇමරිකාවේ රැඳී ඉන්නේ නීතී විරෝධී සංක්‍රමණිකයෙක් විදිහට. කතාව කිව්වා ඇති නේද?

රටවල් දෙකක සංස්කෘතීන් දෙකකට අයත් මේ දෙන්නා අතරේ ආදරයක් ඇති වෙයිද? නීති විරෝධී සංක්‍රමණිකයෙක් විදිහට ඉන්න ඇමීරාට මොකද වෙන්නේ? මේවට උත්තර හොයන්න ඉතින් චිත්‍රපටය බලන්නම වෙනවා. මේක කාලෙකින් බලපු ලස්සන දෙබස් තියන චිත්‍රපටයක් කියලා කියන්න ඕනේ. ඒ නිසා පරිවර්තනය කරනකොට අර්ථයට හානියක් නොවෙන්න පරිවර්තනය කරන්න උපරිම උත්සහ කළා. ඒ උනත් පළවෙනි නිර්මාණය නිසා පරිවර්තන වල හරි වචන වල හරි අඩුපාඩු තියෙන්න පුළුවන්. එහෙම තිබුනොත් සමාවෙන්න කියලා ඉල්ලනවා. හැමෝටම චිත්‍රපටය බලන්න කියලා ආරාධනා කරනවා. ඔයාලා හැමෝම දන්නවානේ බයිස්කෝප් අඩවියට උපසිරැසි නිර්මාණය කරන හැමෝම මේක කරන්නෙ කිසිම වාණිජ පරමාර්ථයක් බලාපොරොත්තුවෙන් නෙමෙයි කියලා. අපිට ලැබෙන්නේ ඔයාලා දාලා යන Comments කියවලා ලැබෙන ආත්ම තෘප්තිය විතරයි. ගොඩක් කියෙව්වා නේද?

ඉතින් මේ වැඩේ කරන්න උදව් කරපු සමීර සහෝටත් රොයිලි සහෝටත් ගොඩක් ස්තූතියි. ඒ වගේම මගේ මිත්‍ර ඉන්දුම උදයංග සහෝටත් ස්තූතියි. කමෙන්ටුවක් කොටාගෙන ගියාට තරහක් එහෙම නෑ. තවත් උපසිරැසියකින් ඉක්මනටම හමුවෙමු……….ජයවේවා!!!

 

 

699 MB (720p BR) කොපිය මෙතනින් බාගන්න

A85EA5B0EF51EC95C5D76B74B864EF53FD71121B

1.24 GB (1080p BR) කොපිය මෙතනින් බාගන්න

5957AC87040DB30135598CBE242A6296D508EA0A ගූගල් සෙවුමෙන් ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න. නොදන්නා අය වෙත උපදෙස් සිංහලෙන්ම මෙතන තියනවා.

2,390 downloadsDownload Amira_and_Sam_2014_baiscopelk.zip116 KB

 

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “ධනුෂ්ක සිරිදර්ශන” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.