The Crimson Rivers (2000) | හිම කඳු අතර සැඟවුනු ඝාතකයෙකු සොයා. [සිංහල උපසිරැසි සමඟ]

ගුවර්නොන් සරසවිය පිහිටා තිබෙන්නේ ප්‍රංශයේ ඇල්ප්ස් කඳුවැටියෙන් වටවූ සුන්දර නිම්නයක. තරමක් බාහිර සමාජයෙන් වෙන්ව පිහිටා ඇති මෙම ඉපැරණි විශ්වවිද්‍යාලයේ සාමකාමී බව බිඳවැටෙන්නේ එහි සේවය කළ මහාචාර්යවරයෙකුගේ කපන කොටන ලද මළසිරුර ඇල්ප්ස් කඳුවැටියේ තිබී හමුවීමත් සමගයි. මෙම ඝාතනය ගැන පරීක්ෂා කිරීමට පැරිස් අගනුවරින් පළපුරුදු නිලධාරියෙකු වන පියර් නීමන්ස්ව මෙම පළාතට එවනවා.මේ අතරේ ඊට කිලෝමීටර් 200ක් පමණ දුරින් පිහිටි සාර්සැක් නම් නගරයේ සිදුවන සොහොන් බිඳීමක් සහ සොරකමක් පසුපස හඹායන මැක්ස් කර්කේරියන් නම් පොලිස් නිලධාරියාද හෝඩුවාවන් පසුපස විත් නතරවෙන්නේ ගුවර්නොන් වලයි.

මෙම සිදුවීම් මාලාවන් දෙක කිලෝමීටර් 200ක් දුරින් සිදුවුණත් ඒවා එකිනෙක සම්බන්ධ බව එහිදී මුණගැහෙන මෙම නිලධාරීන් දෙදෙනා තේරුම් ගන්නවා. මේ සිදුවීම් සියල්ල වසර ගණනාවක් තිස්සේ වැළලී පැවති රහසක් එළිදරව්වීමට මඟපාදනවා. විවිධාකාර වූ බාධක සහ භයංකර සිදුවීම් වලට මුහුණ දෙමින් මොවුන් දෙදෙනා මෙම අභිරහස විසඳීමට වෙහෙසෙන අයුරු මිනිත්තු 106ක් පුරා දිවෙන මෙම ත්‍රාසජනක ප්‍රංශ චිත්‍රපටයෙන් ඔබට නැරඹිය හැකියි.

මැතිව් කැසවිට්ස් විසින් අධ්‍යක්ෂණය කර ඇති මෙම චිත්‍රපටියට පාදක වී ඇත්තේ ජීන් ක්‍රිස්ටෝපර් ග්‍රැන්යේ විසින් රචිත නවකතාවක්. ඩොලර් මිලියන 14ක වියදමින් නිමවා ඇති මෙම චිත්‍රපටය 2000 වසරේදී ලොව පුරා සාර්ථක ලෙස තිරගත වී ඇත්තේ ඩොලර් මිලියන 60ක් උපයා ගනිමින්. මෙය ආදායම් අතින් ලැබූ සාර්ථකත්වය නිසා 2004 වසරේ මෙහි දෙවන කොටසද නිකුත්කර තිබෙනවා.

ප්‍රංශ සිනමාපටයක් වුණත් මෙහි ප්‍රධාන නළුවන් දෙදෙනා වන්නේ අපට හොලිවුඩ් චිත්‍රපට වල දැකපුරුදු ජීන් රෙනෝ (Léon: The Professional, Da Vinci Code, Godzilla) සහ වින්සන්ට් කාසල් (Black Swan, Ocean’s Twelve). ඊට අමතරව සුරූපී ප්‍රංශ ජාතික නිළි නදියා ෆෙයාර්ස් මෙම සරසවියේ සේවය කරන විද්‍යඥවරියකගේ චරිතය රඟපානවා. හොලිවුඩ් චිත්‍රපටවල සාමාන්‍යයෙන් දක්නට නොලැබෙන මනස්කාන්ත පරිසරයක රූපගත කර ඇති මෙම චිත්‍රපටය නැරඹීම තරමක වෙනස් අත්දැකීමක් වනු අනිවාර්යයි. බොහෝ දෙනා අගය කර ඇති මෙහි කැමරාකරණය නිසා චිත්‍රපටයට ලැබී ඇති අමුතුම රිද්මය ගැන නම් සඳහන් නොකරම බෑ. විශේෂයෙන්ම ගුවනේ සිට ගන්නා ලද ඇල්ප්ස් කඳුවැටියේ දර්ශන වලින් චිත්‍රපටයේ සුන්දර බව තවත් වැඩි වී තිබෙනවා.

 

 

950 MB (BR) කොපිය මෙතනින් බාගන්න

837c51451a098feb76a094fa25252e9a225b2641 ගූගල් සෙවුමෙන් ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න. නොදන්නා අය වෙත උපදෙස් සිංහලෙන්ම මෙතන තියනවා.

1,710 downloadsDownload 201505302044baiscopelk.rar33 KB

 

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “rum2550” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.