Anaganaga O Dheerudu (2011) | ආදරය නම් පිස්සු රෝගය මට වැළඳී ඇත.. [සිංහල උපසිරසි සමඟ]

හැමෝටම ආයුබෝවන් කියලා පිලිගන්නවා එහෙනම්. ඔන්න ටික කාලෙකට කලින් නිකුත් වුන තවත් සුපිරි චිත්‍රපටියක් අරගෙන මම අදත් ආවා. ටිකක් අසනීප තත්වයෙන් හිටපු නිසා මේක ඉවර කරන්න හිතුවටත් වඩා වෙලාවක් ගියා. මේ චිත්‍රපටිය ගොඩක් ජනප්‍රිය වෙච්ච එකක් වගේම ගොඩක් සම්මාන වලට පාත්‍ර වුන චිත්‍රපටියක්. මේකේ IMDB අගය 5.6/10 ක්. මේක කොච්චර සුපිරි ෆිලුමක්ද කියලා වචනයෙන් ලියලා විස්තර කරගන්න මට බෑ. මම ගොඩක් ආසාවෙන්ම බලපු සහ උපසිරැසි ගන්වපු චිත්‍රපටියක් තමයි මේක. ඒකට අපේ සඳුන් ධනුෂ්ක අයියත් සාක්ෂි දරාවි. මොකද මට මේක උපසිරැසි ගන්වන්න ඕන උනාට ඒ දිනවල මේ චිත්‍රපටිය බා ගන්න සීඩ් එකෙක්වත් හිටියේ නෑ. ඉතින් මට මේක කොහොමහරි බාගන්න ඕන. මොන ක්‍රමයකින් හරි මට මේක බාගන්න ක්‍රමයක්  හදලා දෙන්න කියලා සඳුන් අයියට කන් කෙඳිරි ගාපු වාර ගණන අනන්තයි. දැන් එදා තරම් අවුලක් නෑ හැමෝටම බාගන්න පුළුවන් මට්ටමක තියෙනවා. ඒක නිසා සීඩ් නැති කතාව අහලා අනිත් පැත්ත හැරිලා යන්න එපා කියලා හැමෝගෙන්ම ඉල්ලනවා.

මේ චිත්‍රපටිය 2011 වසරේ ලොකු වියදමක් දරලා හදපු චිත්‍රපටියක්. ඔයාලට ඒක ඇත්තද කියලා බලාගන්න පුළුවන් මේකේ තියෙන දර්ශන තල දෙස බැලුවොත්. මොකද ඒවා සඳහා Visual Effect කරන්න ආයතන තුනක සහයෝගය අරගන්න සිද්ධ වෙලා තියෙනවා. ඒ වගේම ඇඳුම්, ආයුධ වගේ දේවල් වලටත් ගොඩක් වියදම් කරලා තියෙනවා කවුරුත් දන්නවනේ Shruthi Hassan. මේ තමයි එයාගේ පලවෙනි තෙලුගු චිත්‍රපටිය. පියාගේ(කමල් හසන්) ආභාෂයෙන් රංගන දිවියට පිවිසිලා තමා රංගනයට දායක උන පළමු චිත්‍රපටියෙන්ම ඇයට සම්මාන රාශියකට හිමිකම් කියන්න පුළුවන් වෙලා තියෙනවා. ඇය සමග ප්‍රධාන චරිතයට රංගනයෙන් දායක වෙන්නේ Siddharth විසින්. මතකනේ මේ දෙන්නම ඒ වසරේදීම  O My Friend චිත්‍රපටියේ රඟපානවා(ඒක මේකට පස්සේයි ආවේ).චිත්‍රපටිය අධ්‍යක්ෂණය Prakash Rao විසින් සිදුකර තිබෙනවා. Brahmannandam, Ali, වගේ රංගන ශිල්පීනුත් මේකට තමන්ගේ රංගන දායකත්වය ලබාදීලා තියෙනවා. කතා කළා වැඩි වගේ හිතෙනවා. දැන් බලමු පොඩ්ඩක් කතාව මොන වගේද කියලා.

ඓරෙන්දි කියෙන්නේ මන්තර කාරියක්. වසර ගනාවකට කලින් එයාව මිනිසුන් විසින් මරාදමනු ලබනවා. ඒත් එයාගේ ආත්මය පාරම්පරික මාලයක පෙන්ඩන්ට් එකක් ඇතුලේ හිරවෙලා පරම්පරා ගණනාවක් තිස්සේ තියෙනවා. එයාගේ පරම්පරාවෙන් පැවත ගෙන එකම කෙනා වෙන්නේ ප්‍රියා. ප්‍රියාගේ අතින් හදිසියේම එලියට එනවා. ඉන්පසු ඓරෙන්දිට ඕන වෙනවා. ලෝක වාසි සියළුම මිනිස්සුන්ගෙන් මේකට පලිගන්න. ඒත් එයා ආත්මයක් පමණයි එයාට ප්‍රියාගේ ලේ බින්දුවක් නොලැබුණහොත් ශක්තිය දුර්වල වෙලා එයා විනාස වෙනවා. ඒ නිසා එයා ප්‍රියාව තමන් ළඟ සිර කර ගන්නවා.

ඒක තමයි කතාවේ මූලික සාරාංශය. ඒ ටික කියෙව්වම නිකන් ඔලුවට පොල්ලෙන් ගැහුවා වගේ දැනෙනවානම් තව ටිකක් විස්තර කරන්නම් මෝක්ෂා කියන්නේ දිව්‍යමය බලයක් සමග ඉපදුන දරුවෙක්. එයාගේ ලේ වලින් ඓරෙන්දිගේ කළු ඇස කියන දියමන්තිය පෝෂණය කළහොත් ඓරෙන්දිට සදා අමරණිය වෙන්න පුළුවන් කියලා එයාට දැනගන්න ලැබෙනවා. ඉතින් එතැන් පටන් ඓරෙන්දි මොක්ශාව සොයන්න පටන් ගන්නවා. ඒත් එයාලට මෝක්ෂාව අල්ලන්නවත් ලැබෙන්නේ නෑ. මොකද මොක්ශාගේ ආරක්ෂකයා වන්නේ යෝධා කියන රණශුරයා. එයා අන්ධ කෙනෙක් ඒත් සටන් වලට ශුරයෙක්. එයා අන්ධ උනේ ප්‍රියාට ආදරය කරන්න ගිහිල්ලා. ඒ කොහොමද ඒක උනේ කියලා දැනගන්න නම් චිත්‍රපටිය බලන්නම වෙනවා මොකද ඔය ඔක්කොම දේවල් එකට සම්භන්ධයි.

දැන් කතාව ගැන පොඩි වැටහීමක් ලබාගන්න ඇතිනේ. ඉතින් ඓරෙන්දිට මෝක්ෂාව මරලා ලේ ගන්න පුළුවන් වෙනවද? යෝධා අන්ධ උනේ කොහොමද? ප්‍රියාගෙයි එයාගෙයි ආදර කතාව මොකද්ද? ප්‍රියාටයි ඓරෙන්දිටයි තියෙන සම්භන්ධය මොකද්ද කියලා දැනගන්න පුළුවන් ඔයාලට කතාව දිගටම බලාගෙන ගියොත්.

ඉතින් ඔන්න මම අදත් ඔයාලට තවත් ලස්සනම ලස්සන බයිස්කෝප් එකක් අරගෙන ආවේ හෙන කට්ටක් කාලා. එනිසා බාගෙන යනගමන් කොමෙන්ටුවක් කොටාගෙන යන්න අමතක කරන්න එපා. ඉතින් බයිස්කෝප් උපසිරැසි පන්දාහත් ළඟ නිසා අපේ අය හොඳටම කාර්යබහුල වෙලා කියලත් ආරංචියි. ඒ අයවත් හැමෝමව මතක් කරමින් මම අදට යනවා.  යන්න කලින් දෙයක් කියන්න තියෙනවා.මේ චිත්‍රපටියේ සීඩ් පොඩ්ඩක් අඩුයි කියලා මම කලින්ම කිව්වනේ. ඒක නිසා සමහර අයට බාගන්න පොඩි ගේමක් දෙන්න වෙයි.  මොන ක්‍රමයකින් හරි බාගත්තු අය ඉන්නවනම් පොඩ්ඩක් අනිත් අය ගැනත් හිතලා සීඩ් වෙන්න අරින්න කියලා කාරුණිකව ඉල්ලනවා. Direct Link එකක් හොයාගත්තොත් කමෙන්ට් එකකින් දාන්න බලන්නම්. බයිස්කෝප් සිංහලෙන් හැමෝටම ජය වේවා…!

 

 

 

Due to copyright issues, we do not provide any torrent links.

ලබා දී ඇති උපසිරැසිය  DVD පිටපත් සඳහා අදාල වේ

7,858 downloadsDownload Anaganaga-O-Dheerudu-2011.BAISCOPELK.zip133 KB

 

https://d36zzuvfojr38z.cloudfront.net/wp_content/uploads/2015/02/tharaka-e1424745336831.jpg මේ ලබා දී ඇති සිංහල උපසිරැසි පිළිබද “තා‍ර‍ක ‍නු‍වන්‍ ‍දිල්‍‍හා‍ර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.