Android Kunjappan Ver 5.25 (2019) Sinhala Subtitle | ඇන්ඩ්‍රොයිඩ් කුන්ජප්පන් !!! [සිංහල උපසිරැසි සමඟ]

මේක කවුරු හරි කෙනෙක් ක්‍රම ලේඛනය

කරපු මැශින් එකක් විතරයි.

මේක මිනිස්සු වගේ නෙවෙයි.

අපි එක වගේද?

අපිවත් කවුරුහරි ක්‍රම ලේඛනය කරල!

මම ඒකට කියන්නෙ දෛවය කියල.

ඉතින් මේ චිත්‍රපටය වෙනස්ම කතාවක්. මේක DRAMA | Sci-Fi | COMEDY යන කණ්ඩ යටතේ තමයි වර්ගීකරණය වෙල තියෙන්නෙ. Sci-Fi කිව්වට වෙනදට දකින විදියෙ එකක් නෙවෙයි. මේකෙන් කතා වෙන්නෙ ජීවිතේ ගැන යතාර්ථය. Vikruthi ෆිලුමට පස්සෙ Suraj Venjaramoodu, Soubin Shahir දෙන්නම එකට රංගනයෙන් දායක වෙනව මේ චිත්‍රපටය තුලත්. ඔවුන්ගේ හැකියාව ගැන කතා කරන්න දෙයක් නෑනෙ. Soubin Shahir, Suraj Venjaramoodu, Saiju Kurup ඇතුලු දක්ෂයන් පිරිසක් තමයි රංගනයෙන් දායක වෙලා තියෙන්නෙ. ප්‍රේක්ෂක ප්‍රතිචාරත් අති විශිෂ්ටයි.

· අධ්‍යක්ෂණය : Ratheesh Balakrishnan Poduval

· කතාව : Ratheesh Balakrishnan Poduval

· නිශ්පාදනය : Santhosh T. Kuruvilla

· IMDb අගය : 8.7/10

· ධාවන කාලය : පැය 2 මිනිත්තු 20

· සංගීත අධ්‍ය… : Bijibal

· නිකුත් වූ දිනය : 2019 නොවැම්බර් 8

අන්තර්ජාලයට නිකුත් වූ පෝස්ටර :

කතාව පැත්තට හැරෙමුකො. අපේ Soubin මේකෙදි මුණගැහෙන්නෙ සුබ්‍රමනියම් විදියට. සුදුසුකම් ලත් ඉංජිනේරුවරයෙක්ගේ කැරැට්ටුවකට තමයි පණ පොවන්නෙ. සුබ්‍රමනියම්ට ආදරේට චුප්පන් කියල කියමු. චුප්පන්ගෙ තාත්ත තමයි බාස්කරන්. බාස්කරන් මහත්තය එක්ක ජීවත් වෙන එක ලේසි නෑ. ඒ වගේම චුප්පට ඉංජිනේරුවරයෙක් විදියට සුදුසුකම් තිබිලත් රස්සාවකටවත් යන්න ඉඩ දෙන්නෙ නෑ. චුප්පට ඉවසන්නම බැරි තැන රුසියාවෙ රස්සාවකට යනව. චුප්ප නිවාඩුවට ගෙදර එනකොට ඕන්න අරන් එනව ඇන්ඩ්‍රොයිඩ් රොබෝ කෙනෙක්. තාත්තගෙ සාත්තු සේවකය විදියට තමයි මේ රොබෝව අරන් එන්නෙ. ආන්න ඒ රොබෝට විවිධ සිදුවීම එක්ක ගමේදි කුන්ජප්පන් කියන නම පටබැඳෙනව. ඊට පස්සෙ… හොඳ හොඳ රස කතා ගොඩක් තියෙනව. ඔයාලටම තමයි බලාගන්න වෙන්නෙ. මෙහෙම කියල තේරුම් කරවන්න පුලුවන් කතාවක් නෙවෙයි මේක.

බොහෝ විද්‍යා ප්‍රබන්ධ සිනමා නිර්මාණය වලදි තාක්ෂණය කියන දේ විස්වාස කරන්නත් බැරි තරමටම තියෙනවනෙ. ඒත් ඒ කාණ්ඩය යටතේ වර්ගීකරණය කරල තිබුණත් මේක හාත්පසින්ම වෙනස් කතාවක්. හදවතට තට්ටු කරන ෆිලුමක් වෙයි. මලයාලම් සිනමාව තුල මේ වගේ නිර්මාණයක් දැක ගන්න වෙන පළමු අවස්තාව තමයි මේ. ඒ නිසා ඔබව පුදුමයට පත් වෙන වෙනස් දේවල් ගොඩක් මේක තුල තියේවි. ඔයි හැමදේම එක්කම අම්බානෙකට හිනාවෙන්න පුලුවන් කොමඩි කෑලිත් අඩු නැතුවම තියෙනව. ඒ හිනාව සමතුලිත කරන්න ඊට හරියන සංවේදී තැනුත් තියෙනව. ඒ වගේ දේවල් එක්ක ඉතා ආකර්ශනීය විදියට ගලා යනව. ඉතින් මේ හදවතට කතා කරන කතාව බලන්න කියල සියලු දෙනාටම ආරාධනා කරනව.

චිත්තවේග සහ ක්‍රම ලේඛනය කරන ලද මනස අන්තර්ක්‍රියා කරන විට නොසිතූ විරූ දේ සිදුවෙන්න පුලුවන්. ඒ නිසා තාක්ෂණයේ වැඩි දියුණු වීම ගැන ප්‍රවේසම් විය යුතුයි.

මේ චිත්‍රපටිය මට වෙන් කරල දුන්න හසන්ත වික්‍රමරත්න සහෝදරයත් ඇතුලු බයිස්කෝප් සියලු දෙනාවම මතක් කරන්න ඕන. ඉක්මනටම අලුත් ෆිලුමකින් හම්බවෙමු. සබ් එක ගැන, ෆිලුම ගැන ඔයාලගෙ අදහස් යෝජනා පහලින් කියවන්න බලාපොරොත්තුවෙන් ඉන්නව. අමතක නොකර කියන්න තියෙන දෙයක් කියාගෙන යමු…

සුභ දවසක් වේවා !!!

 

 

 

Due to copyright issues, we do not provide any torrent links.

මෙම ලබා දී ඇති උපසිරසි Proper Malayalam True HDRip පිටපත් සඳහා අදාළ වේ.

7,632 downloadsDownload Android-Kunjappan-Ver-5.25-2019-updated.zip63 KB

මේ ලබා දී ඇති සිංහල උපසිරැසි පිළිබද “කසුන් ජලිත” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2019-10-16
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.