Arjun Reddy (2017) Sinhala Subtitles | නුඹ රචනා කරන්නට යන, මාගේ කතාව… [සිංහල උපසිරසි සමඟ]

“ නූඹ රචනා කරන්නට යන… “
” මාගේ කතාව… “
” එක දවසින් කොතරම් වෙනස් වූවාද?
” එම රචනා කර තිබුනු… “
” මාගේ කතාව.. “
” වෙනස් කල යුතුව ඇත සැමදෙයක්ම මා ගැන ලිවිය යුතු. “

2017 වසරේ ඉන්දියානු සිනමාවට බිහිවුනු තවත් Cult, Trendsetter චිත්‍රපටයක් අරන් එන්නයි මේ සූදානම් වෙන්නේ. සාම්ප්‍රදායික මසාලා සිනමාවෙන් ඔබ්බට ගියපු, ලොකු අවධානමක් අරගෙන නිපදවපු මේ වෙනස් නිර්මාණය අද වෙද්දි තෙලුඟු සිනමාවට පමණක් කොටු නොවී මුළු ඉන්දියානු සිනමාවේම පෙරලියක් ඇති කරපු චිත්‍රපටයක් වී හමාරයි. ඉතින් මේක නිකුත් වෙලා අවුරුදු දෙකක් ගතවී තිබුණත්.. මේ වනතුරු අපේ බයිස්කෝප් අඩවියෙන් මේකට උපසිරැසි සපයලා නොමැති වීමනම් පුදුමයට කාරණයක්. ඇත්තටම මම නම් මේ චිත්‍රපටය ආපු කාලෙ මෙහෙම එකක් ගැන දැනන් හිටියේ නෑ. තිබ්බනම් අතාරින්නෙත් නෑ 😁. අපේ අයියකෙනෙක් කවුරුහරි කරයි, කරයි කිය කියා බලන් හිටියත්.. එන පාටක් නැති නිසාම මංම ගේමට බහින්න හිතුවා. කීපදෙනෙක් පොදුවේ වගේම පෞද්ගලිකවත් ඉල්ලපු නිසා ඒකත් පොඩි තල්ලුවක් වුනා. කරන්න ගත්තට පස්සෙ තමා තේරුනේ.. පස්ස ගැහෙන්න ඇත්තෙ මොකද කියලා. ඇත්තටම මේ චිත්‍රපටය පැය 3ක්. ඒ වගේම දෙබස් ප්‍රමාණය ලයින් 2600කටත් ආසන්න සංඛ්‍යාවක්. නිකුත් වී තිබුනු ඉංග්‍රීසි උපසිරසියේ තියෙන්නෙත් ඔයින් 60% වගේ නිසාත් මේකට අත ගහද්දි ටිකක් ප්‍රශ්න තමා. දැන් ඉතින් ඒවයින් වැඩක් නෑ. ඕන්න එහෙනම් කිසිම අඩුපාඩුවක් නැතුව චිත්‍රපටයේ උපරිම රසය අඩුවක් නැතුව විඳින්න පුළුවන් විදිහට උපසිරසිය හීන් සීරුවේ සකස් කරලා ලස්සනට ඔයාලා වෙත අරන් ඇවිල්ලා තියෙනවා. එක හූවක්වත් අඩු නැතුව ඔන්න. 😉

“බ්‍රයිටෙක්..
දොස්තර කෙනෙක්..
බේබද්දෙක්…
මත්ද්‍රව්‍ය වලට තදින්ම ඇබ්බැහි වෙච්ච කෙනෙක්…
බොක්කෙන්ම ආදරය කරපු බුවෙක්…
කුකුල් කේන්තිකාරයෙක්…
ආදී ගතිගුණ රැසකින් පිරි සිත් ඇදගන්නාසුළු අළු චරිතයක්…”

Sandeep Reddy Vanga විසින් සිනමා ලෝකයට එක්කරගෙන ආපු ඒ අමුතු මනුස්සයා 2017 වසරේ තරුණයින්ගෙ ඇදහීමක් වෙන්නට මහ කාලයක් ගත වුනේ නෑ. ඒ වගේම කෙල්ලන්ගේ ක්‍රශ් එකක් වන් තැනටද මේ අමුතු මනුස්සයා ඉබේම පත්වන්නේ කිසිවෙකු නොසිතූ අයුරින්. ඉන්දියානු රුපියක් කෝටි 5.1ක් වගේ ඉතාම පොඩි බජට් එකකින් නිපදවන පැය තුනක් පමණ රිදී තිරයේ දිවෙන මේ චිත්‍රපටය 2017 වසරේ අගෝස්තු 25 වනදා සිට ලොවපුරා තිරගතවීම ආරම්භ කරනවා. මේ චිත්‍රපටයේ බජට් එක මේ වගේ ගානක් වුනත් කිසිදු චිත්‍රපට නිශ්පාදකයෙකු මේ චිත්‍රපටය සඳහා ආයෝජනය කරන්නට එකඟ වුනේ නැහැ. ඔවුන්ගේ වාණිජමය අවශ්‍යතාවය සඳහා මෙහි පිටපත මසාලා පැත්තට බර කරලා වෙනස් කරන කොන්දේසි ඉදිරිපත් කරමින් තමයි ඔවුන් මේ සඳහා ආයෝජනය කරන්න කැමත්ත පල කරන්නේ. නමුත් පිටපත වෙනස් කරන්නට එකඟ නොවන අධ්‍යක්ශක Sandeep Reddy ඔවුන්ගේ කොන්දේසි හමුවේ තම පිටපත හකුලා ගන්නවා. පසුව ඔහුගේ සහෝදරයා වන Pranay Reddy Vanga මේ සඳහා මුදල් ආයෝජනය කරන්නට පොරොන්දු වූ නිසා සන්දීප් ආයෙත් වැඩේට බහිනවා. මුලින් ඔහු මේ සඳහා ශ්‍රාවනන්ද් යොදාගන්නට හිතාගෙන සිටියත් ශ්‍රාවානන්ද් මේ චිත්‍රපටය ප්‍රතික්ශේප කිරීම නිසා එවකට #pellichooplu චිත්‍රපටයවත් නිකුත් වී නොතිබුනු විජේ දේවරකොණ්ඩාව තෝරගන්නවා.

“ජීවිතේදි…
මොන විශය තුල උනත් ගැඹුරෙන් කිමිදෙන්න ගියහම…
ඉතුරුවෙන්න බිංදුව…
ඒ කියන්නේ හිස් අත/ නිකමෙක් වීම”

සම්ප්‍රදායික සිනමා රටාවෙන් ඔබ්බට ගියපු චිත්‍රපටයක් නිසා කිසිවෙකුට මේ චිත්‍රපටය ගැන ලොකු අදහසක් තිබ්බේ නැහැ. මේ වගේ වැඩකට අත ගහනවා කියන්නේ අවධානමක් කියලයි හැමෝම හැඳින්වුවේ. කෙසේවෙතත් ඒ කිසි හෙනයක් නැතුව කෝටි පහෙන් නිපදවපු අර්ජුන් රෙඩ්ඩි චිත්‍රපටය අන්තිමේ කෝටි 51ක ආදායමක් උපයාගන්නේ මනාප 12000+ කින් IMDB මීටරය 8.5ක් නංවමින්. කතාව, තිර රචනය, සිනමාකරණය, රඟපෑම්, අධ්‍යක්ශනය යන හැකියාවන් සියල්ලම උච්චතම අයුරින් පාවිච්චි කරලා නිපදවපු චිත්‍රපටයක් විදිහට අර්ජුන් රෙඩ්ඩි චිත්‍රපටය අවිවාදයෙන්ම හඳුන්වන්න පුළුවන්. ඒ නිසාම මේ චිත්‍රපටය වෙනුවෙන් Zee Telugu Golden Awards 2017 සම්මාන උළෙලෙහි හොඳම නළුවා වීමට විජේ දේවරකොණ්ඩාට හැකියාව ලැබුනු අතර 65වන දකුණූ ඉන්දීය ෆිල්ෆෙයා සම්මාන උළෙලෙහි(Filmfare Awards South) ද හොඳම නළුවා සම්මානය දිනා ගැනීමට විජේ දේවරකොණ්ඩා සමත් වනවා. එමෙන්ම එහි හොඳම චිත්‍රපටය, හොඳම අධ්‍යක්ෂනය, යන සම්මාන වලටද මෙය නිර්දේශ වනවා.

මේක හරිම සූක්ශම විදිහට හදපු චිත්‍රපටයක්. අර්ජුන් රෙඩ්ඩි වගේ එවුනුත් මේ ලෝකෙ නැතුවාම නොවේ. එවන් අය වටා ක්ෂනයෙන් රොක්වන අයද නැතුවාම නොවේ. ඒ වගේම ප්‍රීති වගේ පෙම්වතියන්ද නැතුවාම නොවේ.

මේකයි.. මේ චිත්‍රපටය බලනවනම් මනස ටිකක් රිලැක්ස් කරලා එන්න ඕන. තව එකක් එක්ක සසඳන්න බලාගෙන, තමන්ගේ ජීවිතේට මේක ගලපන්න බලාගෙන, මේක මේ වගේ මට්ටමක ඇතැයි කියලා හිතාගෙන.. මේක බලන්න වාඩිවෙන්න එපා කියලයි මං නං ඉල්ලන්නේ. මොකද මේ චිත්‍රපටය එදාමෙදාතුර ආපු තෙලුගු සිනමාවෙ හැදුනු සාම්ප්‍රදායික චිත්‍රපට ගනයේ එකක් නොවේ. ඉතින් මේකෙ රසය විදින්න නම් නෝමල් එකේ බලන්න ඕන. මං කලිනුත් කිව්වා වගේ මේක හරිම සූක්ශම විදිහට හදපු කතාවක්. එයට හේතුව ඔබට වැටහෙනවා ඇති මිනිස්සු මේක අදහන විදිහෙන්. ඔන්න ඕක තමයි ඔය සූක්ශම නිර්මාණයේ බලාපොරොත්තුව.

තවත් දෙයක්,

• විජේ දේවරකොණ්ඩා මේ චිත්‍රපටය සඳහා අය කරගෙන තියෙන ගාස්තුව ඉන්දියානු රුපියල් ලක්ශ 3ක්.
• මේ චිත්‍රපටයේ සැබෑ ධාවන කාලය මිනිත්තු 220ක් (පැය 3 මිනිත්තු 40). නමුත් බෙදාහරින්නන් තිරගතකිරීමේ ගැටළු හේතුවෙන් මෙය බාරගන්න අදිමදි කරලා තියෙනවා. ඉන් පස්සෙ තමයි චිත්‍රපටය මිනිත්තු 190කට අඩු කරලා තියෙන්නෙ.
• ඉවත් කල දර්ශන පසු කාලීනව අධ්‍යක්ශක සන්දීප් විසින් යූටියුබ්හි පල කරන බව පවසා තිබුනා.
• සබෑ ජීවිතයේද අධ්‍යක්ශක සන්දීප් රෙඩ්ඩි කියන්නෙ කුකුල් කේන්තිකාරයෙක්ලු. එයා ඔෆිස් එකේ අනිත් අයත් එක්ක කේන්ති ගියහම ඇවිල්ලා ෆ්‍රිජ් එකට ගහන්න පුරුදු වෙලා හිටියලු. විජේ ඒවා සමනය කරන්න පුරුදු වෙලා හිටියලු. චිත්‍රපටයේ වැඩ වලට විජේ දේවරකොණ්ඩාත් ගොඩක් උදව් කරලා තියෙනවා කියලයි සඳහන් වෙන්නේ. සංගීත අධ්‍යක්ශක වරයාවත් හොයලා දීලා තියෙන්නෙ විජේ කියලයි සඳහන් වෙන්නෙ.

ඉතින් එහෙනම් ඔබ වෙනදාට දකින මැජික් පිරුණු තෙළිඟු සිනමාවෙන් ආපු වෙනස්ම ගණයේ එල ලොජික් එකක් සහිත මේ අමුතු සලරුව දෙපාරක් හිතන්නෙ නැතුව බලන්න කියලා ආරාධනා කර සිටිනවා. බලපු අයනම් ගොඩක් ඉන්නවා මං දන්නවා. ඒ අයටත් කියන්න තියෙන්නෙ ඉතින් මේ උපසිරැසියත් එක්කලා ආයෙ බලන්න කියල තමයි 😀. ඉතින් මේක බාරගෙන හිටපු යුශාන් පියුමාල් අයියවත් මතක් කර සිටිනවා මේවෙලාවෙ ප්‍රශ්න මැද්දේ හරි මට මේක හරවලා එව්වට. එසේනම් ප්‍රිය සිනමාලෝලී හිත මිතුරු මිතුරියනී.. විසිවෙන්න කාලය එලඹුනා එහෙනම්. යන්න කලින් මේවා හැඩ වැඩ කරන තිසර නියෝ ඇඩ්මින්තුමාටත් හෘදයාංගම ස්තුතිය පුද කර සිටින ගමන් නුදුරේදීම හමුවන බලාපොරොත්තුවෙන් මා සමුගන්නවා. ජයෙන් ජය෴෴

” පවසන්නම්… නුඹ හට හැමදෙයක්ම… “

පවසන්නම්.. මුලු දවසෙම මෙන්ම රැය පුරාවටම “

” එසේ වූවත් කහාබහ තවමත් අවසන් නොමැත… “

” සිහිනයෙන් නැවත එන්නම්… “
————————————————————————————–

– මැජික් පිරුණු තෙලුගු සිනමාවට බිහිවුනු තවත් එල ලොජික් එකක් –

 

 

Due to copyright issues, we do not provide any torrent link.

මෙම ලබා දී ඇති උපසිරසි HDRip පිටපත් සඳහා වලංගු වේ.

35,329 downloadsDownload Arjun-Reddy-2017.zip187 KB

මේ ලබා දී ඇති සිංහල උපසිරැසි පිළිබද “තා‍ර‍ක ‍නු‍වන්‍ ‍දිල්‍‍හා‍ර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
SILVER MEMBER
JOINING DATE – 2014-11-10
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවන් මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.