Attack the Block (2011) | නිවහනට ආක්‍රමණයක්… [සිංහල උපසිරැසි සමඟ]

ඔන්න යාළුවනේ මමත් අලුතින්ම බයිස්කෝප් සිංහලෙන් කණ්ඩායමට එකතු වෙන්නයියන්නේ.හැමදාම බයිස්කෝප් අඩවියෙන් සබ් ගන්නව විතරක් නිසා මටත් හිතුණ සබ් එකක් දාලා මේ ජාතික සේවයට එකතු වෙන්න.ඉස්කෝලෙ වැඩත් එක්ක මේක කරගන්න ඕනි නිසා වගේම මේක මගේ පළවෙනි උපසිරැසිය නිසා වෙන්නැති මට මේක ඉවර කරන්න සෑහෙන කාලයක් ගියා.මේ වැඩේදි මට උදව් කරපු හැමෝටමත් බයිස්කෝප් සිංහලෙන් කණ්ඩායමටත් මම මුලින්ම ස්තූතිවන්ත වෙනවා.සාමාන්යෙන් මම වැඩිපුරම කැමති විද්‍යා ප්‍රබන්ධ වලට.ඒ අතරිනුත් මම මේ ෆිල්ම් එක තෝරගන්න හිතුවෙ මම මෙච්චර කල් බලපු ගොඩක් ඒවයෙ තිබුනෙ මාරක පිටසක්වළ ජීවීන්ට එරෙහිව ලොකු මිනිස්සු සටන් කරනවා,නැත්නම් අහිංසක පිටසක්වළ ජීවියෙක් ළමයි ටිකක් එක්ක යාළු වෙනවා.ඒත් මේකෙ තියෙන්නෙ මාරක පිටසක්වළ ජීවීන්ට එරෙහිව ළමයි කට්ටියක් සටන් කරනවා.ඒකයි මම මේක තෝරගන්න හිතුවෙ.මේ උපසිරැසියෙ සමහර තැන් වල මම සිංහල තේරුම ඒ විදිහටම ගන්නෙ නැතුව කතා රසයට බාධා නොවෙන විදිහට චිත්‍රපටයට ගැළපෙන විදිහට සකස් කළා.චිත්‍රපටය වඩාත් හොඳින් තේරුම් ගන්නයි මම එහෙම කළේ.ඒ වගේම කියන්න ඕනි මේ මගේ පළවෙනි උපසිරැසිය නිසා ගොඩක් වැරදි අඩුපාඩු ඇති.ඒවට සමාව දීල මේකෙ වැරදි අඩුපාඩු පෙන්නල දීල මේක ගැන චූටි අදහසක් හරි දාලා යන්න කියලත් ඔයාලගෙන් ඉල්ලනවා.

ෆිල්ම් එකේ විස්තර ටිකක් කියනව නම් මේක 2011 වසරේ නිකුත් වුනු විද්‍යා ප්‍රබන්ධයක්.Action/Comedy/sci.fiction ගණයට දාන්න පුළුවන් චිත්‍රපටයක්.IMDB දර්ශකයේ 6.6 ක අගයක් ලබාගන්න මේ චිත්‍රපටය සමත් ‍වෙලා තියනවා.අධ්‍යක්ෂනය කරලා තියෙන්නේ Joe Cornish විසින්.ඔහු The Adventures Of TinTin චිත්‍රපටය ලියන්න සහය වෙලා තියෙනවා වගේම Hot Fuss චිත්‍රපටයේ චරිතයක් නිරෑපණය කරනවා.නළු නිළියො ගැන කියනව නම්,

John Boyega
Jodie Whittaker [Venus(2006), Good(2008)]
Alex Esmail
Leeon Jones
Franz Drameh
Jumayn Hunter
Simon Howard
Nick Frost
Luke Treadaway

වැනි නළුනිළියන් රංගනයෙන් දායක වෙනවා.මේකෙ ප්‍රධාන චරිතෙ නිරෑපණය කරන John Boyega(මෝසස්) ඔයාලට 2015 එළිදැක්වීමට නියමිත Star Wars Episode vii ප්‍රධාන චරිතයක් නිරෑපණය කරනව දකින්න පුළුවන් වෙයි.

දැන් ඉතින් කතාව පැත්තට හැරෙමුකෝ. ලන්ඩනයෙ දකුණු කොටසෙ ළමයි පිරිසක් ඉන්නවා හොරමැරකම් කරමින් ජීවත් වෙන.මෙයාලගෙ නායකයා තමයි මෝසස්(John Boyega).එක දවසක් රෑ වැඩ ඇරිලා ගෙදර යන තරුණියක්ව මෙයාලා මංකොල්ල කනවා.ඒ තරුණියගෙ නම සෑම්(Jodie Whittaker).ඒ අතරෙ එතන තියෙන කාර් එකක් උඩට එක පාරටම යම්කිසි ගිනිගන්න වස්තුවක් කඩා වැටෙනවා.ඒ කලබලේ අතරෙ සෑම් එතනින් බේරිලා පැනගන්නවා.කොයි දේ වෙන්නෙත් හොඳටයි කියල මෝසස් කාර් එකේ තියෙන වටින දේවලුත් ගන්න හදනවා.එතකොටම කාර් එක අස්සෙ ඉඳල විකාරරූපී සතෙක් මෝසස්ට පහර දෙන්න හදනවා.ඌට පිහියකින් ඇනල මෝසස් බේරුණත් සතා පැනල යනවා.ඒකට කේන්ති යන මෝසස් යාළුවොත් එක්ක ගිහින් අර සතාව හොයාගෙන මරල දානවා.එතනින් තමයි කතාව පටන්ගන්නේ.ඇත්තම කියනව නම් ඒ සතාව මරන එක තමයි මෝසස් කරන ලොකුම වැරැද්ද.ඒක වැරැද්දක් වෙන්නෙ කොහොමද කියල ඔයාලට කතාව බලනකොට තේරුම් යයි.ඉතින් කොහොමහරි ඒ සතාව මරපු එකේ ප්‍රතිපලයක් විදිහට ඒ වගේ තුන් ගුණයක් විතර විශාල පිටසක්වළ ජීවීන් පෘථිවියට එනවා.ඒ මදිවට කතාව අතරතුරේදි පිස්සු වැටුන පාතාල කාරයෙක් මෝසස්ව මරන්න හොයනවා. ඉතින් මේ ආක්‍රමණයෙන් පෘථිවිය බේරගන්න මෝසස් ඇතුළු ළමයි ටිකට පුළුවන් වෙයිද? ඒකට එයාලට උදව් කරන්නෙ කවුද? මෝසස් පස්සෙන් එන පාතාලකාරයා කවුද? මේ සත්තුන්ව නවත්තන්න ගිහින් ළමයින්ට එයාලගෙ ජීවිතත් අහිමි වෙයිද?

මේ ප්‍රශ්න ඔක්කොටම උත්තර හොයාගන්න චිත්‍රපටය බාගෙනම බලන්න කියලා මම ඔයාලට ආරාධනා කරනවා.ඒ වගේම මේකෙ සමහර සබ් ලයින් ටිකක් දිග වැඩියි.ඒ නිසා ඒ තැන් මග ඇරගන්නැතුව බලන්න.නැත්නම් චිත්‍රපටයෙ සමහර තැන් තේරුම් ගන්න අපහසු වෙයි.ඇත්තටම මේක පටන් ගත්ත වෙලාවෙ ඉඳන් එක හුස්මට ආසාවෙන් බලන්න පුළුවන් සුපිරි චිත්‍රපටයක්.ඒ නිසා මගඅරින්න එපා.ආ තව දෙයක් කියන්න ඕනි.ගොඩක් ලේ දකින කොට ටිකක් අපහසුතා ඇති වෙන අය ඉන්නව නම් මේක ටිකක් පරිස්සමින් බලන්න.එහෙනම් ආයෙත් තවත් සුපිරි චිත්‍රපටයක උපසිරැසියකින් හමුවෙනකම් හැමෝටම ජයවේවා!

 

 

700 MB (DVD) කොපිය මෙතනින් බාගන්න

284749973E23C4F696A3998C5C39D65F65E4A4BA ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

2,903 downloadsDownload Attack-the-Block-2011.zip43 KB

https://d36zzuvfojr38z.cloudfront.net/wp_content/uploads/2014/08/-ජයසූරිය-e1409515100721.jpg මේ ලබා දී ඇති සිංහල උපසිරැසි පිළිබද “සොහාන් ජයසූරිය” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.