Bad Cat (2016) AKA Kötü Kedi Serafettin Sinhala Subtitles | නරක පූසා! [සිංහල උපසිරැසි සමග]

ආයුබෝවන් කියලා පිළිගන්නවා බයිස්කොප් වාසි සියලුදෙනාවම ඔන්න එහෙනම් ගොඩක් දෙනා බලාගෙන හිටපු ඇනිමේෂන් චිත්‍රපටයක් අරන් තමයි මම අද ආවේ. ඉතින් මේක ඇත්තටම මම හොයාගෙන සබ් එක කරන්න ගත්ත චිත්‍රපටයක් නම් නෙවෙයි, අපේ බයිස්කෝප් යාලුවෙක් කල ඉල්ලීමකට තමයි ඔයාලා වෙනුවෙන් මම මේක අරන් ආවේ. ඒවගේම තමයි, මම ඔයාලගෙන් ඉල්ලන්නේ ඔයාලගේ හිතට වැදුන හොද චිත්‍රපටයක් තියෙනවා නම් අනිවා කමෙන්ට් එකක් දාන්න. අපට ඒ ගැන ඇඩ්මින් මඩුල්ලගෙන් විමසලා සබ් එක කරලා ඔයාලගේ රස වින්දනයට ලබා දෙන්න පුලුවන්. ඉතින් කොහොමහරි මේ චිත්‍රපටය නිකුත් වෙලා තියෙන්නේ 2016 වර්ෂයේ පෙබරවාරි 5. Imdb මීටරයේ 7.3 ක මනාපයක් ගන්න මේ චිත්‍රපටයට හැකි වෙලා තියෙනවා. ඒ වගේ අගයක් චිත්‍රපටියකට ලැබෙන්න ඉතින් කොහොමත් චිත්‍රපටිය හොද වෙන්නම එපායැ. ආ ඇත්තටම තව දෙයක් කියන්න ඕනේ මේකේ English සබ් එකේ ගොඩක් අඩුපාඩුකම් තිබුනා. ඉතින් ඒවා හදාගෙනම තමා මට සබ් එක කරන්න වුනේ. ඉතින් මේක අරන් එන්න පොඩ්ඩක් කල් ගත වුනාට මම ඔයාලගෙන් සමාව ඉල්ලනවා.

එහෙනම් මම කතාව පැත්තට හැරෙන්නම්. ඉතින් ඔයාලට මාතෘකාවෙන්ම හිතාගන්න පුලුවන්නේ කතාව යන්නේ කාගේ ගැනද කියලා. ඔව්, මේ කතාව යන්නේ නගරෙටම එපා කරපු නරක පූසෙක් ගැන. නගරෙට විතරක් ම නෙවෙයි තමන්ගේ ස්වාමියාට පවා එපා වුන පූසෙක් ගැන තමා කතාව යන්නේ. මෙයාගේ නම තමයි ශේරෝ. ඉතින් මෙයාගේ වැඩේ තමා තවත් යාලුවෝ දෙන්නෙක් එක්කන් නගරේ තියෙන ගෙවල් වලට පැනලා කෑමයි , මත් පැනුයි හොරකම් කරලා රෑට පාටි දාන එක, ඒත් එක දවසක් යාලුවෙක් ශෙරෝට ඇවිත් කියනවා ලස්සන පූසියෙක් ගැන, ඉතින් ඒ යාලුවා කියපු විදිහට ශේරොට එයා ගැන හිත ඇදිලා යනවා. මේ දෙන්නත් එක්ක ඒ කිව්ව වෙලාවෙම, එයාව බලන්න එයාගේ ගෙදරට යනවා. හැබැයි ඒ පූසි ශේරෝ දැකලා පොඩි අකරතැබ්බයකට මුහුණ දෙනවා, ඉතින් ඒ මුහුණ දුන්න අකරතැබ්බය මොකක්ද? මේ කතාවේ ඉන්න අනිත් චරිත කවුද?. පූසි ඒ අකරතැබ්බයකට මුහුන දුන්න නිසා එයාගේ ස්වාමියා ශේරොට මොනා කරයිද? කතාවේ සිද්ධ වෙන තවත් සිදුවීම් මොනාද? මේ ගැන දැන ගන්න ඉතින් මේක අරගෙනම බලන්නකෝ.

එහෙනම් මම තවත් උපසිරැසියකින් ඔයාලව හමුවෙන්න බලාපොරොත්තුවෙන් ගිහින් එන්නම්.
ඔයාලට දළදා සමිදු පිහිටයි!

 

 

Due to copyright issues, we do not provide any torrent links.

 මෙම ලබා දී ඇති උපසිරසි WEB පිටපත් සඳහා අදාළ වේ.

6,792 downloadsDownload Bad-Cat-2016.zip35 KB

මේ ලබා දී ඇති සිංහල උපසිරැසි පිළිබද “ ප්‍රදීප් රවින්ද්‍ර ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

           

Subtitle Contributor Rank

NEW MEMBER
JOINING DATE – 2019-02-04
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.