Rampant AKA Chang-gwol (2018) Sinhala Subtitles | මළවුන්ගේ ආක්‍රමණය [සිංහල උපසිරැසි සමඟ]

ආයුබෝවන්! අද අරගෙන ආවෙත් වෙනද වගේම දකුණු කොරියානු චිත්‍රපටියකට උපසිරැසියක්. අපිට සාමාන්‍යයෙන් සොම්බි චිත්‍රපටි දැකගන්න පුළුවන් වෙන්නෙ නවීන ලෝකෙත් එක්ක නිර්මාණ කරපුවනෙ. ඒත් මේ චිත්‍රපටිය අනුව නම් රජ කාලෙත් සොම්බි ඉදල තියෙනවා. මේ චිත්‍රපටිය 2018 වර්ෂයේ ඔක්තොම්බර් මස 25 තමයි තිරගත කිරීම ආරම්භ කරල තියෙන්නෙ. imdb 7.1 ක ඉහල අගයකුත් තක්කාලි වලින් 60% ක අගයකුත් මේ චිත්‍රපටියට ලැබිල තියෙනවා. Action/Horror ගණයට අයත් මේ චිත්‍රපටිය පැය 2යි විනාඩි 10ක් ධාවනය වෙනවා. මම අන්තිමේටම දුන්නු the Negotiation චිත්‍රපටියෙ වගේම Confidential Assignment චිත්‍රපටයේ  ප්‍රධාන නළුවම තමයි මේ චිත්‍රපටියෙත් ප්‍රධාන නළුව ලෙස රඟපාන්නෙ. Confidential Assignment චිත්‍රපටයෙ අධ්‍යක්ෂකම තමයි මේ චිත්‍රපටයත් අධ්‍යක්ෂණය කරල තියෙන්නෙ.

මෙම චිත්‍රපටයෙ සාරාංශය ගැන කියනවනම් මෙහෙමයි. ගන්ග්ලිම් කියන කුමාරයා (Hyun Bin) ජොසොන් රාජ්‍ය එහෙමත් නැතිනම් වර්තාමන කොරියාව, ”රාත්‍රී යක්ෂයින්ගෙන්” එහෙමත් නැතිනම් මළවුන්,සොම්බින්ගෙන් බේරගන්න සටන් කරන කතාවක් තමයි ගලාගෙන යන්නෙ. මේ ගන්ග්ලිම් කුමාරයා තමයි රාජ්‍යයේ රජුගෙ දෙවැනි පුත්‍රයා. ඒ වගේම තමයි දක්ෂ සටන් කරුවෙක්. ඒ වුණත් දේශපාලනික ප්‍රාණ ඇපකාරයෙක් හැටියට මෙයාව චීන අධිරාජ්‍යයාට බාරදීලයි තියෙන්නෙ. මොකද ඒ කාලෙ ජොසොන් නැතිනම් කොරියාව චීනෙට යටත් වෙලා හිටපු නිසා. ඒත් මෙයාගෙ අයියා එහෙමත් නැතිනම් කිරුලහිමි කුමාරයා. ලී යොන්ග්  (Kim Tae-woo) සියදිවි නහගත්තු ආරංචිය දැනගන්න ලැබිලා මෙයා ආපහු ජොසොන් වලට, එනවා. ඒත් මෙයා එනකොට ජොසොන් වල ජෙමුල්පෝ කියන ගමට යක්ෂයින් පහර දීලා. දිවි ගලවගෙන ඉන්න අනිත් මිනිස්සුන්ව බේරගන්න නම් හමුදා සහය ඕනෙ කරනවා. ඒත් රජතුමා මේ ගැන කිසිම දෙයක් දන්නෙ නැති ගානයි. ඒ නිසා මේ කුමාරයා සොම්බිත් එක්ක සටන් වදින ගමන් මාලිගාවට යනවා. ඒ වුණත් මේ කුමාරයට දැනගන්න ලැබෙනවා රාජ්‍යයේ යුද අමාත්‍යවරයා කිම් ජා-ජුන් (Jang Dong-gun) රජතුමාව අල්ලෙ නටවන විත්තිය වගේම රජුට එරෙහිව කුමන්ත්‍රණය කරන බව. ඉතින් ජොසොන් රාජ්‍ය යක්ෂයින්ගෙන් වගේම මේ අමාත්‍යවරුන්ගෙනුත් ගලවගන්න වෙන වග මෙයාට තේරෙනවා. ඒත් කුමාරයා මේ හැමදෙයක් එක්කම සටන් කරන්නෙ තනියම නෙවෙයි එයාට උදව් කරන පිරිසකුත් ඉන්නවා.

ඉතින් මෙයාට උදව් කරන්නෙ කවුද?මේ සොම්බි කොහොමද මෙහාට ආවෙ? යුද අමාත්‍යවරයගෙන් ගැලවෙන්නෙ කොහොමද? මේ අයගෙ ඉරණම මොකක් වෙයිද කියන එක දැනගන්න නම් චිත්‍රපටිය බලන්නම වෙනවා. මම පුළුවන් තරම් කතාව කෙටි කරල කියල තියෙන්නෙ. තව සෑහෙන්න දේවල් මේ චිත්‍රපටියෙ දැකගන්න පුළුවන්. ඒ නිසා මග ඇරගන්නෙ නැතුව බලන්න. තව උපසිරැසියකින් හමුවෙනතුරු අදට ගිහින් එන්නම්.

බුදුසරණයි!

 

 

 

 

Due to copyright issues, we do not provide any torrent link.

මෙම ලබා දී ඇති උපසිරැසිය Web පිටපත් සඳහා අදාළ වේ.

11,929 downloadsDownload Rampant.2018.Baiscopelk.com_.zip35 KB

මේ ලබා දී ඇති සිංහල උපසිරැසි පිළිබද “චාමල් කැලුම් අතපත්තු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2016-07-05
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.