Barbie in Princess Power (2015) | කුමාරිකාවකට ලැබුණු සුපිරි මායා බලය [සිංහල උපසිරසි සමඟ]

යාළුවනේ ඔන්න අද ඔයාලට ගෙනාවෙ අලුත්ම අලුත් ඇනිමේෂන් චිත්‍රපටයක්. මේක මගේ මුල්ම චිත්‍රපට උපසිරැසිය. රූපවාහිනී කතා මාලාවකට උපසිරැසි දුන්නට චිත්‍රපටයකට උපසිරැසි දායකත්වය සපයන්නෙ මුල්ම වතාවට. ඒ සඳහා මට මේ උපසිරැසිය නිර්මාණයට ආරාධනා කරපු සමීර චතුරංග සහෝවත් මේ වෙලාවේ මතක් කරන්න ඕනෙ. ඉතින් අපි දැන් පොඩ්ඩක් කතාව ගැන බලමුකෝ…

මේ කතාව මිනිත්තු 74ක් පුරාවට දිවෙන ඇනිමේෂන් කතාවක්. කතාවෙ නම දැක්කම තේරෙන්න ඇතිනේ අපි කවුරුත් දන්න බාබි ඩෝල් ගැන කියවෙනවා. දැන් මෙහෙම කිව්වම අපේ සහෝදරයො හිතාවි අපෝ මේක ගැලපෙන්නෙ ගෑණු ලමයින්ට විතරයි කියලා. ඒත් මේක අපි සාම්ප්‍රදායිකව දන්න බාබි ඩෝල් ගැන නම් නෙවෙයි. ටිකක් විතර වෙනස්. මේකේ ප්‍රධාන චරිතය වෙන්නෙ කාරා කියන අළුත් තාලෙ කුමාරිකාවක්. වින්ඩමියර් කියන රාජධානියේ රාජකීය පවුලේ ඉන්න වැඩිමහලු දියණිය තමයි කාරා. අහම්බෙන් සිද්ධ වෙන මැජික් සමනළයෙක්ගෙන් ලැබුණ හාදුවක් නිසා මේ කුමාරිකාවට මැජික් බලයක් ලැබිලා සුපිරි වීරවරියක් වෙනවා. ඉතින් මෙයාගේ හොඳම යාළුවො දෙන්නත් එක්ක එකතු වෙලා නගරයේ සිද්ධ වෙන අපරාධ, අනතුරු වැනි සිද්ධීන් වලට සුපිරි දිස්නා මැදිහත් වෙනවා. “සුපිරි දිස්නා” කියන්නෙ මෙයාට දාගන්න නම. කාරාට මැජික් බලයක් ලැබුණා කිව්වට ලැබුණ හැටි හරියට කිව්වෙ නෑනෙ. ඒක මං කියන්නෙ නෑ. බලලම දැන ගන්නකෝ… කොහොමහරි ටික දවසක් යනකොට මෙයා එක්ක තරඟ කරන්න තවත් මේ වගේම මැජික් බලයක් තියෙන කෙනෙක් එනවා. ඒ අතරේ මේ රාජධානිය විනාශ කරන්න බලාගෙන ඉන්න කෙනෙකුත් ඉන්නවා. ඉතින් රාජධානිය විනාශ වෙනවද? කවුද බේර ගන්න එන්නෙ? කවුද කාරා සමඟ තරඟෙට එන අනිත් කෙනා? මේ දේවල් වලට උත්තර කතාව බැලුවම සොයා ගන්න පුළුවන්.

මෙහි කාරා කුමරිය ලෙස කටහඬින් දායකත්වය සපයන්නෙ Kelly Sheridan වන අතර චිත්‍රපටය පළමුවෙන්ම නිකුත් උනේ 2015 ජනවාරි මස 1 වන දින හංගේරියාවේදි. ඇමෙරිකාවේ මෙය තිරගත වන්නෙ ලබන මාර්තු මස 3 වනදායි. ඉතින් එහෙනම් සහෝදරියන්ට විතරක් නෙවෙයි සහෝදරයන් ඇතුළු පවුලේ සැමට නැරඹිය හැකි මෙම කාටූන් චිත්‍රපටය නරඹන ලෙස ඉල්ලා සිටිමින් මම සමු ගන්නවා.. තවත් උපසිරැසියක් සමඟින් ඉක්මනින් හමුවෙමු.

බයිස්කෝප් අඩවියට ජය!!!

 

 

697 MB කොපිය මෙතනින් බාගන්න

3BE6E5FD410474751DF1371DCD2A9B5D5A04CC56

1.37 GB කොපිය මෙතනින් බාගන්න

B6F81F54DF930DF2829B6851FED1D3B160BD46EE ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

1,967 downloadsDownload Barbie-In-Princess-Power-2015.baiscopelk.zip315 B

 

https://d36zzuvfojr38z.cloudfront.net/wp_content/uploads/2014/09/Sherin-Ginige-e1410882085927.jpg මේ ලබා දී ඇති සිංහල උපසිරැසි පිළිබද “ෂෙරින් සමාධි ගිනිගේ” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.