Carter (2022) Sinhala Subtitle | මාරාණ්තික වයිරසයක් හමුවේ තම දියණියගේ ජීවිතය වෙනුවෙන් සටන් වදින මතකය අහිමි මිනිසා! [සිංහල උපසිරැසි]

ඔන්න එහෙනම් මේ පාර අරගෙන ආවෙ අගෝස්තු පස් වෙනිදා Netflix හරහා නිකුත් වෙච්ච ක්‍රියාදාම පිරුණු චිත්‍රපටයක්. පටන් ගත්ත වෙලේ ඉදන් ඉවර වෙනකල් ඇක්ෂන් තියෙන ෆිල්ම් එකකට කැමති අය ඉන්නවා නම් මේ ෆිල්ම් එක ඒ අය වෙනුවෙන් හදල තියෙන්නේ. කවුරු හරි ඒ වගේ චිත්‍රපට වලට කැමතී නම් මේකෙ ට්‍රේලරේ බලලා බලන්න ගන්න. මොකද ට්‍රේලරේ පෙන්නන විදිහට සුපිරිම කැමරා ශොට් ටිකක් එක්ක ෆුල් ඇක්ෂන් පැක් එකක් මේකෙ තියෙනවා. හැබයි කියන්න ඕනෙ මේක ක්‍රියාදාම ෆිල්ම් රසිකයන්ට විතරයි, මොකද මේක ක්‍රියාදාම වලින්ම පිරුණ චිත්‍රපටයක්. අනික් අයට මේක සෙට් වෙන්නැති වෙන්න පුළුවන්. ඒ නිසාම මේකට ලැබිල තියෙන්නේ IMDb 5.1 අගයක්. මේකෙ ප්‍රතිචාරත් එහෙමත් මිශ්‍ර ප්‍රතිචාර තියෙන්නෙ. පෙලක් අයට මේක සෙට් නෑ, ඒත් ඇක්ෂන් හොයන රසිකයන්ට මේක හොඳටම සෙට්. මේ චිත්‍රපටය අධ්‍යක්ෂණය කරන්නේ Jeong Byeong-Gil කියන අධ්‍යක්ෂකවරයා. මේකට රංගනයෙන් දායක වෙනවා Joo Won/ Lee Sung-jae/ Jung Jae-young/ Jung Hae-kyun/ Kim Bo-min/ Andreas Fronk යන අය. කතාව ගැන කෙටියෙන් මතක් කළොත්,

උතුරු කොරියාවෙ සහ ඇමරිකාවෙ DMZ කියලා මාරාන්තික වයිරසයක් පැතිරෙනවා. ඒ වයිරසයෙන් වැඩියෙන්ම බලපෑමක් එල්ල වෙන්නේ උතුරු කොරියාවට ඒ රටෙන් තුනෙන් එකකටම වයිරසය ආසාදනය වෙලා. ඒත් දකුණු කොරියාව ඊට හාත් පසින්ම වෙනස්, මොකද දකුණු කොරියාව වයිරසයෙන් තොර කලාපයක් ලෙසයි නම් කරලා තියෙන්නේ. මොකද දකුණු කොරියාවේ වෛද්‍ය වරයෙක් වෙන ජන්ග් බියෝන්-හූ ඒකට ප්‍රතිකාරයක් හොයාගන්නවා. ඒ ප්‍රතිකාරය තමයි එයාගෙ දුව වෙන හැනාගෙ ලේ. ඉතිං දකුණු කොරියාවෙ ඉදන් වෛද්‍ය ජන්ග්වයි එයාගෙ දුවවයි උතුරු කොරියාවට යවන්න ලෑස්ති කරනවා, ඒ උතුරු කොරියාවෙත් ප්‍රතිනාශක බෙහෙත නිර්මාණය කරන්න. ඔහොම උතුරු කොරියාවට යමින් ඉද්දි වෛද්‍ය ජන්ග්වයි, එයාගෙ දුවවයි පැහැර ගන්නවා. ඒකට පෙලක් සංවිධාන චෝදනා කරනවා දකුණු කොරියාව, උතුරු කොරියාව බිඳ වට්ටන්න කරපු කුමන්ත්‍රනයක් කියලා.

ඉතිං මං දැං කිව්ව ටික ෆිල්ම් එක පටන් ගත්තාම නිව්ස් වලට කියන ටිකක්. එහෙනම් අපි කතාවෙ ප්‍රධාන චරිතෙ වෙන කාටර් පැත්තට හැරෙමු. ඔහු මතකෙ නැති වුණ කෙනෙක්. ඔහුගේ කනේ හයි කරලා තියෙන උපකරණෙකින් හන් ජොන් හී කියලා කෙනෙක් කතා කරනවා. එයා කියන්නේ කාටර් මෙහෙයුමක ඉන්නේ. එයාගෙ මතකෙ නැති වුණ එකත් කාටර්ගෙම අදහසක් සහ එයාගෙ මෙහෙයුම වෙන්නේ අර වෛද්‍ය ජන්ග් ගේ දුව වෙන හැනාව උතුරු කොරියාවට ගෙනියන එක. මොකද කාටර්ගේ බිරිඳ වයිරසය නිසා මියගිහින් සහ එයාලගෙ දුවට ඒ වයිරසේ ආසාදනේ වෙලා එයාව බේරගන්න තියෙන එකම විදිහ හැනාගෙ ලේ නිසා. ඉතින් ඇත්තටම කාටර් කියන්නේ කවුද? මතකෙ නැතිවුණ කාටර්ට හැකි වෙයිද හැනාව උතුරු කොරියාවට ගෙනියන්න? ඇත්තටම කුමන්ත්‍රනකාරයෝ ඉන්නවා නම් උන් ඉඩ දෙයිද කාටර්ට හැනාව ගෙනියන්න දෙන්න? තව රහස් බොහොමයක් තියෙනවා මේ චිත්‍රපටය තුල සැගවිලා, ඉතින් ඒව හොයාගන්න නම් මේක බලන්නම වෙනවා.

ආයෙත් කියනවා මේක ක්‍රියාදාම රසිකයන් වෙනුවෙන් විතරයි. අනික් අයට නම් මං නිර්දේශ කරන්නෑ. කැමති අය ඉන්නවා නම් අරන් බලන්න. ඒවගේම මේ ෆිල්ම් එකේ තියෙන එක දර්ශනයක් නිසා පවුලේ සැමට නරඹන්න බැරි ෆිල්ම් එකක් කියලා මතක් කරනවා. එහෙනම් තව උපසිරැසියකින් හමුවෙනකල් මං සමුගන්නවා, ජයවේවා!

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB-DL පිටපත් සඳහා අදාළ වේ.

15,167 downloadsDownload Carter-2022.zip31 KB

මේ ලබා දී ඇති සිංහල උපසිරැසි පිළිබද “Bimsara Yashan (ඔලිව)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2020-01-04
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.