Charlie Chaplin 5 films | චාර්ලි චැප්ලින්ගේ චිත්‍රපට 5ක් [සිංහල උපසිරැසි සමඟ]

ඔන්න යාලුවනේ මම මගේ 35වෙනි නිර්මාණය ලෙසින් චාලි චැප්ලින් ගේ තව චිත්‍රපට 5 ක් ඔබ වෙත රැඟෙන ආවා. මේක දැක්ක ගමන් පසුවට කියවන්න ඉන්නේ නැතුව මේ සම්පුර්ණ ලිපියම කියවන්න කියල මම ඔබට ඇරයුම් කරනවා. මම කලින් කිව්වේ, කලින් දුන්න එකත් එක්ක චාලිගේ 1914 නිකුත් වූ චිත්‍රපට (ටොරන්ට් තියෙන) මම දීලා අවසානයි කියලනේ. නමුත් මම තව ටිකක් ලැබුනා. අන්තර්ජාලය තුල සැරිසරලා චාලි රඟපෑ සියලු චිත්‍රපට ගැන විස්තර සොයා ගත්තා. ඔබ සිතන්නේ 1914 වසර තුල චාර්ලි චිත්‍රපට කියක් රඟපාන්න ඇති කියලද? චිත්‍රපට 35ක්, මොකක්? ඔබට එලෙස සිතේවි. නමුත් ඇත්ත තමයි ඔහු ඒ වසරේ චිත්‍රපට 35ක රඟපා තිබීම. මම එයින් චිත්‍රපට 11ක් සිංහල උපසිරසි සමඟ (මේ පහද ඇතුළුව) සහ 1ක් සිංහල උපසිරසි නැතුවද ඔබට තිලිණ කළා. එතකොට බැලීමට නොහැකිවෙන ප්‍රමාණය 24ක්. වාසනාවකට ඒ 24 යූ ටියුබ් තුලින් බලන්න පුළුවන් කම තියෙනවා. ඒ වගේම මංසලේ මෙන්න මේ ලිපියේ ඒ සියලු චිත්‍රපට වල නම් පිළිවෙලට මා සඳහන් වෙලා තියනවා. සමහර චිත්‍රපට දවසෙන් දෙකෙන් සියලු දේ අවසන් කර ප්‍රදර්ශනය කර තිබෙන්නේ එම දින බලන විට ඔබට වැටහේවි.

 

A Film Johnnie (1914) – ජොනිගේ චිත්‍රපටය

මේකත් 1914දි නිකුත් උන චාලි චැප්ලින් ගේ තවත් කෙටි චිත්‍රපටයක්. මේක IMDb වල ලකුණු 5.5ක් ගන්න සමත් උන චිත්‍රපටයක්. කතාව ගැන කියනවනම් චාර්ලි චිත්‍රපටයක් බලන්න සිනමා හලකට ගිහින් එය නරඹන විට එහි සිටින යුවතියක් දකිනවා. පසුව මොහු ඇයව බලන්න ඇය රඟපාන චිත්‍රාගාරයට යනවා. ඉතන වෙන දේවල් ටිකක් අලලා නිපැවුනු චිත්‍රපටයක් මෙය. සහ තව ඔයාලට බලන්න ඕනිනම් කොහොමද “කන” මිරිකලා වතුර ගන්නේ කියල මෙය බලන්නකෝ. යන්න කලින් ඔයාලගේ අදහස් පහලින් ලියා යන්න. ධාවන කාලය විනාඩි 12කට මදක් අඩුය.

 

Mabel at the Wheel (1914) – මාබෙල් රෝද මත

මෙයත් 1914දි නිකුත් උන චාලි චැප්ලින් ගේ තවත් එක් කෙටි චිත්‍රපටයක්. මේක IMDb වල ලකුණු 5.5ක් ගන්න සමත් වෙලා තියෙනවා. අපි එහෙමනම් කතාව ගැන පොඩ්ඩක් බලමු. ආරම්භයේදී ආදරවන්තයන් දෙදෙනෙක් යම් දෙයකට බහින් බස් වීමක් හේතුවෙන් ඔවුන් යන්න ගිය ගමන නොගිහින් ඉන්නවා. එවිට චාලි බයික් එකකින් ඇවිත් ඇය රැගෙන යනවා. නමුත් ටික දුරක් යනවිට මඩ වලකින් යන්න ගිහින් ඇය බිම වැටෙනවා. නමුත් චාලි දන්නේ නැහැ. ඉන් පසු ඇය නැවත අර පෙර පුද්ගලයා සමඟ යනවා. මේක දකින චාලි මොවුන්ගෙන් පලිගන්න පටන් ගන්නවා. ටිකකින් මෙයාල කාර් රේස් තරඟයකට ඉදිරිපත් වෙනවා. නමුත් චාලි ඔහුට එයට ඉදිරිපත් වෙන්න නොදී සිරකරනු ලබනවා. ඉන් පසු ඇය එම තරගයට ඉදිරිපත් වෙනවා. නමුත් චාලිගේ පලිගැනීම අවසන් වෙන්නේ නැහැ. අවසානයේ චාලි මෙයාලගෙන් පලිගනිද? නැත්නම් ඇය තරඟය දිනයිද? කුමක්ද හරියටම වෙන්නේ කියල දැනගන්න ඔයාලත් කැමතිනම් මෙය රැඟෙන බලන්න. යන්න කලින් ඔබගේ අදහස් පහලින් ලියා තබන්න. මෙහි තිබෙනවා පැරණි මෝටර් සයිකලයක්.ඇත්තටම මම කලින් දැකල නැහැ එවැනි එකක්. (1914 නෙ ☺) ධාවන කාලය විනාඩි 23කට මදක් වැඩිය.

 

The Star Boarder (1914) – විශිෂ්ට නවාතැන්කාරයා

මේකත් චාලි චැප්ලින් ගේ 1914දි නිකුත් උන තවත් කෙටි චිත්‍රපටයක්. මේක IMDb වල ලකුණු 5.2ක් ගන්න සමත් වෙලා තියෙනවා. මේකේ කතාව අනුව චාලි නවාතැන් දෙන තැනක නවාතැන් ගෙන ඉන්නවා. නවාතැන්පලේ මහයියත් එක්ක ගොඩ නැගෙන විශේෂ සම්බන්ද තාවයක් හේතුවෙන් සිදුවෙන ප්‍රශ්න කිහිපයක් වටා ගෙතුණු ලස්සන කතාවක්. මෙතන ඉන්න පොඩි පිරිමි ළමයෙක් ඔහු ළඟ තියෙන චායාරූප ගන්න කැමරාවකින් මේ දෙන්නගේ විටින් විට පින්තුර අරන් ඒ ටික හැමෝටම පෙන්වලා වෙන ජංජාලයක් ගැන තමයි කතාව. ධාවන කාලය විනාඩි 12කට මදක් අඩුය.

සැ: යු: මෙහි මා යොදා තිබෙන උපසිරැසිය මේ දෙන ටොරන්ට් එකට අදාල චිත්‍රපටයේ දෙබස් වීඩියෝ එක තුල නොයොදා තිබුනත් IMDb අඩවිය තුල තිබෙන චිත්‍රපටයේ සහ යූ ටියුබ් හි තිබෙන හරි වේලාවන්ට අනුව සකස් කරන ලද උපසිරසියක් බව කාරුණිකව සලකන්න. සහ මෙය මේ ටොරන්ට් එකේ වීඩියෝ එකට ගැලපෙන ලෙස සකස් කර ඇත.

මේ කතාවත් ඔබ බලන්න කැමතිනම් රැගෙනම බලන්න. යන්න කලින් අදහස් දක්වා යන්න. ජයවේවා.

 

Tillie’s Punctured Romance (1914) – තිලර්ගේ බිඳීගිය ප්‍රේම වෘත්තාන්තය

ඔන්න යාලුවනේ මම චාලි චැප්ලින්ගේ තවත් අනගි භවනීය චිත්‍රපටයක් ඔබ වෙනුවෙන් අරන් ආවා. මේක තමයි මම 1914 මෙයාගේ චිත්‍රපට වලින් ඔබට ගෙන එන අවසන් එක. මට තව මේ වසරේ නිපදවපු ටොරන්ට් තිබෙන හෝ නැති ෆිල්ම් සොයාගන්න නොහැකි උනා. මම ටොරන්ට් නැතත් ඔබට යූ ටියුබ් වලින් හෝ බලන්න 1914 ෆිල්ම් කිහිපයක් මංසලේ දී ඇත. උපසිරසි සමඟ දුන් ඒවාට අමතරව, මේක IMDb දර්ශකයේ 6.8ක් වැනි ඉහල ලකුණු අගයක් ගන්න සමත් වුන චිත්‍රපටයක්.

හරි එහෙනම් වැඩිය කතා නැතුව අපි මෙහි කතාව ගැන විමසා බලමු. නගරයේ මුඩුක්කු වල ජිවත් වෙන කෙනෙක් (චාලි) ගමට පැමිණ ගමේ සිටින අහංකාර නමුත් නූගත් ගැහැණු කෙනෙක් සමඟ බොරුවට යාලු වෙනවා. ඇය ඉතාමත්ම ධනවත් නිසා ඇගේ මුදල් වලට. ඇය රවටා ඇගේ පියාගේ මුදල් සොරකම් කර පැනල ගිහින් කසාද බඳිමු කියල කියල ඔහු ඇයට කියනවා. ඇයත් ඔහු කියන දේ අහල මුදල් සොරකම් කර නගරයට යනවා ඔහු සමග. ඉන්පසු ඔහුගේ නගරයේ ඉන්න ඔහුගේ සොර සහායිකාව සමඟ එකතුවී ඇගේ මුදල් ගන්නවා. ඉන්පසු ඇයට කුමක් වෙයිද? ඇගේ මුදල් නැවත ඇයට ලැබෙයිද? නැත්නම් මුදල් වංචා කල ඔහුට අවසානයේ කුමක් වෙයිද? මේ චිතරපටය වසර 100ක් පමණ පැරණි උවත් අදටත් අපේ රටේ කාන්තාවන් මේ විදියට රවටන ඇගේ මුළු සේසතම වංචා කරන අපේ අය ගැන සතියකට එකක්වත් පුවත්පත් වලින් අහන්න ලැබෙනවා, නේද? සමහරවිට ඇගේ ජීවිතයත් බිලි අරන් හෝ ජීවිතයම විනාස කරමින්, ගැහැණු අයට මායම් 64ක් තියෙනවා කියලනේ අපි අහල තියෙන්නේ නමුත් පිරිමි අයගේ එක මායමකට ඒ සියල්ල යටයි, කුමක්ද ඒ? (මම ඔයාව බඳිනවා රත්තරනේ, කීයටවත් ඔයාව අමතක කරන්නේ නැහැ) ඔන්න ඕක. පුරා පැය 1කුත් විනාඩි 12කට ආසන්න මෙය ඔබත් අරන් බලන්න කියල මම කියනවා.

 

Mabel’s Strange Predicament (1914) – මාබෙල්ගේ අරක්කු අකරතැබ්බය

මේකත් චාලි චැප්ලින් ගේ කෙටි චිත්‍රපටයක් 1914දි නිකුත් උන මේක IMDb වල ලකුණු 5.2ක් ගන්න සමත් වෙලා තියෙනවා. මේකේ කතාව යන්නේ චාලි හෝටලයක ගිහින් සාමාන්‍ය ධනවත් කෙනෙක් ලෙස හැසිරෙන්න හදනවා. ඔහු ඒ අතර මත්පැන් පානය කරලා සිහිය විකල් වී එම හෝටලයේ ඉන්න ගැහැණු අය පස්සේ යන්න පටන් ගන්නවා. එම හේතුවෙන් එහි සිදුවෙන අවුල් ජාලයක් ගැන තමයි මෙහි කතාව. වැඩිය නැතුව මම කලින් දුන්න Charlie Chaplin 6 films කියන එක යටතේ “ශාන් විමුක්ති [විමා]” අදහස් දැක්වීමක් වශයෙන් කල විස්තරයේ තිබෙන කෙටි යමක් උපුටා දක්වන්නම්, (එම ලිපිය හැකිනම් ඔබ සියලු දෙනාම එම පිටුව වෙත ගොස් කියවන්න)

1966 දී චාලි චැප්ලින් සමග රිචර්ඩ් මෙරිමන් කරන ලද සම්මුඛ සාකච්ඡාවකින් සුළු කොටසක්.

රිචර්ඩ් මෙරිමන් : ඔබේ පෙනුම දැක්කම ඔබට මොනවද මුලින්ම හිතුණෙ?

චාලි චැප්ලින්: ඒකෙන් මගෙ ඇතුළාන්තයෙ කිසි දෙයක් අමුතුවෙන් ‘දැල්වුණේ’ නෑ. කැමරාව ඉදිරියේ පෙනී හිටිනකම් කිසිම දෙයක් වුණේ නෑ. හොඳට ඇඳ පැළඳගෙන එතනට යද්දි මම හිටියෙ හොඳ ආකල්පයකින්, හොඳ මානසිකත්වයකින්. ඒ දර්ශනය (Mabel’s Strange Predicament චිත්‍රපටයේ) රූගත කළේ හෝටලයක ආලින්දයක. ‘පාදඩයා’ මුලුමනින්ම උත්සහ ගන්නෙ තමනුත් අනෙක් අමුත්තන් වගේම සාමාන්‍ය අමුත්තෙක් කියල අඟවලා එතන තියෙන සැප පහසු පුටුවකට වැටිල ටිකක් සනීප ගන්න. හැමකෙනාම ඔහු දිහා තරමක සැකෙන් බැලුවත් මම ඔවුන් කරන හැමදේම බොහොම සාමාන්‍ය විදිහට කළා. ලියාපදිංචි ලේඛනය බැලුවා. සිගරට් එකක් අරන් පත්තු කරගත්තා. එතනින් ගිය පෙළපාළියක් බැලුවා. ඊළඟට පය පැකිලිලා පඩික්කමක් උඩට ඇදගෙන වැටුණා. එ තමයි පාදඩයාගේ පළවෙනි විහිළුව. එතැනින් ඒ චරිතය බිහිවුණා. ඉතිං මම හිතුවා ඒක හොඳ චරිතයක් කියල. නමුත් එයින් පසු මම රඟ පෑ හැම චරිතෙකට ම විහිළු නිපදවන්න ඒ ආකෘතිය යොදා ගැණුනෙ නෑ.

පරිවර්තනය – | මාලතී කල්පනා ඇම්බ්‍රෝස් | උපුටනය-බූන්දි ඇවිත්

ධාවන කාලය විනාඩි 12කට මදක් අඩුය. ඔබගේ වටිනා අදහස් ලියා යන්න අමතක කරන්නත් එපා.

 

එසේනම් යාලුවනේ යලි චාලි චැප්ලින්ගේ 1915 චිත්‍රපට තුලින් හමුවෙමු. ඔබගේ වටිනා අදහස් පහලින් ලියා යන්න, ජයවේවා.

බයිස්කෝප් මංසලේ මේතනට ගොඩ වැදුනොත් ඔබට පුලුවන් යූටියුබ් එකෙන් නැරඹිය යුතු ඒවා ගැන විස්තර දැනගන්න සහ නරඹන්න.

 

A Film Johnnie (1914) – 145 MB 11f2833a2d2fb9b25d836a3fd08707dc0a144083 Mabel at the Wheel (1914) – 280 MB c98acb540dc4711311a53567dc4d61b186db25c4 The Star Boarder (1914) – 140 MB 6b8c7453c0c23198d25ad2d7ccd430b4a5d02490 Tillie’s Punctured Romance (1914) – 460 MB 2b5938d7379db59716e3510eaa90957f26430e25 Mabel’s Strange Predicament (1914) – 140 MB 4a69c63aec35ec31692360fe006059fbea803c2b ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ්  (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

 

703 downloadsDownload Charlie-Chaplin-5-films.zip14 KB

https://d36zzuvfojr38z.cloudfront.net/wp_content/uploads/2012/10/දිමුතු-තරංග-ඉලුක්කුඹුර.jpg මේ ලබා දී ඇති සිංහල උපසිරැසි පිළිබද “දිමුතු තරංග ඉලුක්කුඹුර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.