Close Encounters Of The Third Kind (1977) with Sinhala Subtitles | විශ්වයේ අප හුදෙකලා නැත! [සිංහල උපසිරැසි සමඟ]

මගේ හයවන උපසිරැසි නිර්මාණය සමඟ මෙවර ඔබ වෙත ගෙන එන්නෙ වෙනස්ම ආකාරයක විද්‍යා ප්‍රබන්ධ චිත්‍රපටයක්. ඒ සම්මානනීය චිත්‍රපට අධ්‍යක්ෂකවරයෙක් වන Steven Spielberg විසින් 1977 දි අධ්‍යක්ෂණය කළ, විශිෂ්ඨ ගණයේ සිනමා නිර්මාණයක් වන Close Encounters Of The Third Kind නම් චිත්‍රපටයයි. ලොව පුරා විවිධ ස්ථානවල වාර්තා වුණු පිටසක්වල ජීවීන් සම්බන්ධ සිදුවීම් කිහිපයක් පදනම් කරගෙන ගොඩ නඟපු කතාවක් තමයි මේ චිත්‍රපටය තුල අන්තර්ගත වෙන්නෙ. IMDb දර්ශකයෙ 7.7/10 ක් ලබාගෙන ඇති Close Encounters Of The Third Kind චිත්‍රපටය ඇමෙරිකානු ඩොලර් මිලියන 20 ක වියදමින් නිෂ්පාදනය වුණා. එය ඉපැයූ මුළු ආදායම ඇමෙරිකන් ඩොලර් මිලියන 116 ඉක්මවා යනවා.

මෙම චිත්‍රපටයට රංගනයෙන් දායක වෙනවා:
Richard Dreyfuss – රෝයි නියරි ලෙස
Teri Garr – රොනී නියරි ලෙස
Melinda Dillon – ජිලියන් ගයිලර් ලෙස
Francois Truffaut – ක්ලෝඩ් ලැකෝම්බ් ලෙස

කතාව පටන් ගන්න හැටි පොඩ්ඩක් දැනගනිමු එහෙනම්. 1945 දී අතුරුදන් වූ බවට වාර්තා වුනු ගුවන් යානා සමූහයක්, 1977 දී මෙක්සිකෝවේ සොනේරා කාන්තාරයෙන් හමුවෙයි. වසර 30 කට අධික කාලයක් ගත වූවද ඒ යානා අළුත් පෙනුමක් සහිතව දකින්නට ලැබේ. මුහුද මැද දී අතුරුදන් වීමට ලක්වන COTOPAXI නෞකාව හිටි හැටියේ මොන්ගෝලියාවේ ගෝබි කාන්තාරය මධ්‍යයෙන් හමුවෙයි.

ඒවා එම ස්ථාන වලට ගෙනැවිත් දැමුවේ කවුද?
කිසිවෙකුගේ ඇස නොගැටී ඒවා එතැනට ගෙනැවිත් දැමුවේ කෙසේද?

හඳුනානොගත් පියාසර වස්තුවක් සමඟ සමීප හමුවීමකට පසුව, කේබල් කාර්මිකයෙකු වන රෝයි නියරි හට මුහුණ දීමට සිදුවන්නේ අද්භූත සිදුවීම් මාලාවකටයි. කිසියම් සිදුවීමක් හා බැඳුණු අද්භූත ස්ථානයක් වරින් වර දකින ඔහු, සිහි මුළා ගතියකින් මෙන් තමාට හමුවන විවිධ අමුද්‍රව්‍ය වලින් එම ස්ථානය ආකෘතිකව නිර්මාණය කිරීමට උත්සාහ දරයි. යළිත් පියවි සිහියට එලඹුනත් ඔහුට ඒ ස්ථානය කුමක් දැයි වැටහීමක් නැත. එයින් ඔහුගේ සාමාන්‍ය සාමකාමී ජීවන රටාව උඩුයටිකුරු වන අතර, ඔහුගේ බිරිඳ, රොනී නියරි මෙය ඉවසා ගැනීමට නොහැකි තැන දරුවන් ද රැගෙන නිවස හැර යයි.

අහසින් ආ දීප්තිමත් එළියක් සමඟ තම දරුවා පැහැර ගැනීමට ලක්වන මවක වන ජිලියන් ගයිලර් කෙසේ හෝ තම දරුවා සොයා ගැනීමට උත්සාහ දරයි. වරින් වර අතට අසුවන දෙයින් කොළවල කුරුටු ගෑමට පුරුදු වන ඇය නොදැනුවත්ව මෙන් චිත්‍රයට නඟා ඇත්තේ ද රෝයි විසින් අඳින ලද ස්ථානයමය!

අහම්බෙන් මෙන් ඔවුනට රූපවාහිනියෙන් දකින්නට ලැබෙන්නේ කුමක්ද?
ජිලියන් හට තම අතුරුදන්වූ දරුවා සොයාගැනීමට හැකිවේවිද?
ආරක්ෂක අංශ සහ රජය මහජනතාවගෙන් වසන් කරන රහස කුමක් ද?

මේ ප්‍රශ්න හැම එකකටම පිළිතුරු අවශ්‍ය නම් මේ චිත්‍රපටය බලන්නම වෙනවා!! මුල ඉඳන් අගටම කුතුහලයෙන් යුතුව නරඹන්න පුළුවන් හොඳ චිත්‍රපටයක්. මේක බලනකොට නම් 1977 දි හදපු පරණ චිත්‍රපටයක් කියන එක ඔබට අමතක වෙන්න පුළුවන්. ඔන්න එහෙනම් මේකත් බාගෙන බලන්නකො… 🙂 🙂 🙂

 

 

752 MB (720p BR) මෙතනින් බාගන්න

bbea2f37d8ea282b9803b4a0fce53ad4ddf227ab

2.05 MB (1080p BR) මෙතනින් බාගන්න

88EC25AABB989BCAD71FCBA2E1991F924E509866 Hash tag එක මාර්ගයෙන් ඉතා පහසුවෙන්ම, මෘදුකාංගය හරහා පමණක් ටොරන්ට් එක බාගත කරගන්න උපදෙස් සිංහලෙන්ම මෙතන තියනවා.

1,378 downloadsDownload Close-Encounters-Of-The-Third-Kind-1977-with-Sinhala-Subtitles.zip78 KB

 

https://d36zzuvfojr38z.cloudfront.net/wp_content/uploads/2016/02/Kesara-Withanage.jpg මේ ලබා දී ඇති සිංහල උපසිරැසි පිළිබද “ප්‍රබුද්ධ කේ්‍සර විතානගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.