Control (2017) AKA Het Tweede Gelaat Sinhala Subtitles | ඝාතකයකුගේ මුළාව [සිංහල උපසිරැසි සමඟ] (18+)

සුබ දවසක් වේවා හැමෝටම. ඉතින් මං අද ඔයාලට ගෙනාවා 2017 දී නිකුත් වෙච්ච Control කියන සලරුව. සේරන්ටම කලින් ඔයගොල්ලන්ගෙන් මම සමාව ඉල්ලන්න ඕන. මොකද මට මේක නියමිත දිනට දෙන්න බැරි උනාට. එත් දවසක් හරි පහුවෙලා මට ඔයාලට දෙන්න පුළුවන් වුන එක ගැන නම් සතුටුයි. එත් තව දෙයක් කියන්න ඕන මේ සලරුවට අන්තර්ජාලෙන් ගැලපෙන උපසිරසියක් නම් හොයාගන්න බැරි වුනා. මොකද කියනව නම් මේ සලරුව වීදේශීය රටක එකක්. ඒ කියන්නෙ ඇමරිකාවෙ හෝ බ්‍රිතාන්‍ය හෝ රටක නිෂ්පාදිත එකක් නෙවෙයි මේක බේල්ජියමේ නිෂ්පාදිත එකක්. ඒහින්දා මට හමුවුණු උපසිරැසි සේරන්ගෙම වගේ යම් යම් අඩුපාඩු තියෙනවා. මටනම් ඒක ගැන කණගාටුවක් තමයි තියෙන්නෙ. එත් මං මට පුළුවන් උපරිමයෙන් උපසිරැසියේ අඩු පාඩු හදල තියෙනවා. සමහරක් තැන්වල අඩු පාඩු නම් ඇති. මොකද මම ඕලන්ද භාෂාව පරිවර්තනයට දක්ෂයෙක් නම් නෙවෙයි. ඒත් මං පුළුවන් උපරිමේ කළා…..

මේ සලරුව ගැන කියනවනම් ඔයාලට Control කියන නමින් අන්තර්ජාලයේ මේක හෙව්වට හොයාගන්න නම් ටිකක් දුෂ්කර වේවි. මොකද ඒ නමින් හුඟක් සලරූ තියෙන නිසා. ඒ හින්දා මං තීරණය කළා මේකෙ ඇත්ත නම, ඒ කියන්නෙ බෙල්ජියමෙදී තිරගත වූ නම ඔයාලට සඳහන් කරන්න. ඒ Het Tweede Gelaat කියන නමින් තමයි තිරගත වුනේ. මේක කලින් මම ඔයාලට කිව්වවගේ බෙල්ජියම් රටේ තමයි නිෂ්පාදිත වෙන්නෙ. මීට Koen De Bouw, Marcel Hensema, Sofie Hoflack, Werner De Smedt වගෙ නළු නිලියන් විශාල ප්‍රමානයක් දායක වෙනවා. මිනිත්තු 127ක් පුරා ධාවන කාලයකට ද හිමිකම් කියනු ලබනවා. මෙහි අපේ කතානායකයා තමයි Werner De Smedt කියන්නෙ. ඔහු ෆ්රෙඩී වර්ස්ටුෆ්ට් විදිහටයි අපට දැක ගත හැකි වන්නෙ. දැන් ටිකක් අපි කතාව දිහාට හැරෙමු…….

මේකතාව පටන්ගන්නෙ පොලීසියට වෙරල තීරයේ හමුවෙන මිනී හයකින්. ඔවුන් සැකකරනවා මේක දාම ඝාතකයකුගෙ වැඩක් කියලා. ඉතින් මේ හමුවෙන හැම මිනියකම ඔළුව නැතුව තමයි හම්බවෙන්නෙ. සාමාන්‍යයෙන් හැම දාම ඝාතකයෙකුම නිශ්චිත රටාවකට අනුවනේ මිනී මරන්නේ. හැබැයි මේ ඝාතකයගෙ නම් එහෙම දෙයක් පේන්න නෑ. පොලීසියටත් මේක විකාරයක් වගේ. ඔවුන් යන්න පුළුවන් හැම තැනකටම යනවා මේ ගැන හොයන්න. කොහොම හරි අපේ කතානායක ෆ්රෙඩී වර්ස්ටුෆ්ට් යම් යම් හෝඩුවාවන් වගයක් හොයා ගන්නවා. නමුත් පොලීසියේ ඔහුගේ සගයන් ඔහුව විශ්වාස කරන්නෙ නෑ. මේ හින්දා ඔහුට යම් ගැටළු කිහිපයකට මුහුණදෙන්න වෙනවා. නමුත් අවසානයේ ඔහු හොයාගන්නවා ඇත්තම ඝාතකයා කවුද කියලා. ඔවුන් එයාට රැවටිල පොලිස් ආරක්‍ෂාව පවා දෙනවා. නමුත් මේකෙ ටිකක් දුක්බර කතාවකුත් තියෙනවා, ඒතමයි මේ ඝාතකයා පොලීසියෙන් බේරෙන්න මානසික රෝගියෙක්ව පාවිච්චි කරන එක. මේ ඝාතකයට පුළුවන් වෙනවා මුල ඉඳලම පොලීසිය රවට්ටන්න, නමුත් අවසානයේ කළකම් පලදෙනව වගේ ඝාතකයටත් එයාගෙ ඉරණමට මුහුණ දෙන්න වෙනවා. හැබැයි ඔයාලටත් මේ ඝාතකය ගැන නම් තරහක්, කලකිරීමක් වගෙ ඒවි, මං ඒගැන නම් වැඩිවිස්තර කියන්න යන්නෙ නෑ. මොකද මේ ඝාතකයා ගැන දෙයක් කිව්වොත් එයා පුරුෂ පාර්ශවයෙනම් නෙවෙයි. ඒත් මෙහෙම කිව්වයි කියල මේක බලන කාන්තා පාර්ශවයක් ඉන්නව නම් මං ගැන අමනාප වෙන එකක් නෑ කියල මං හිතනවා…. ඒ කොහොම වුනත් තව කියන්න දේවල් නම් හුඟක් තියෙනවා. ඒත් චිත්‍රපටියේ රස මිහිර නැතිවෙයි කියල හිතන නිසාත්, ආරාධනා කරනවා ඇවිත් මේ සලරුව බලල යන්න කියලා…..

එහෙනම් හැමෝටම නැවත උපසිරසියකින් හමුවන තුරු. ජයෙන් ජය……

 

 

 

Due to copyright issues, we do not provide any torrent links.

මෙම ලබා දී ඇති උපසිරසි Blu-Ray පිටපත් සඳහා අදාළ වේ.

https://d36zzuvfojr38z.cloudfront.net/wp_content/uploads/2018/03/Hiran-Senanayaka-e1520270875676.jpg මේ ලබා දී ඇති සිංහල උපසිරැසි පිළිබද “හිරාන් සේනානායක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

NEW MEMBER
JOINING DATE – 2018-03-06
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.