Cook Up a Storm (2017) AKA Jue zhan shi shen with Sinhala Subtitles | කවුද හොඳම චෙෆ්! [සිංහල උපසිරසි සමඟ]

මේ වතාවෙ මං සිංහල උපසිරැසි අරගෙන ආවෙ Cook up a storm නමැති චීන චිත්‍රපටයට. මේ චිත්‍රපටය පුරාම තියෙන්නේ ඉතින් කෑම ගැනම තමයි. පූර්ව ප්‍රචාරක පටයෙන්ම මෙම චිත්‍රපටයට වැඩි අවදානයක් යොමු වුණා. මේ වෙද්දිත් ගොඩක් දෙනෙක් පූර්ව ප්‍රචාරක පටය නරඹලා ඇති. 2017 පෙබරවාරි 10 තිරගත වුණ මේ චිත්‍රපටයේ IMDb අගය 6.3ක් ආසාවෙන් නරඹන්න පුලුවන් චිත්‍රපටයක්.

“ස්කයි කෝ ” කියන්නේ මෙහි ප්‍රධාන චරිතය. ස්කයිගෙ තාත්තා වන “මවුන්ටන් කෝ”චෙෆ් කෙනෙක්. ස්කයිටත් පොඩි කාලෙ ආසාවක් ඇති වෙනවා චෙෆ් කෙනෙක් වෙන්න. ස්කයිගෙ තාත්තා ඒ සදහා ස්කයිට උදව් කරන්නේ නෑ. ස්කයිට උයන්න බෑ කියලා නින්දා කරලා බනිනවා. ඒ කාලෙම තාත්තා ස්කයිව සෙවන් මාමාට භාර දීලා එයාගෙ අරමුණ වෙනුවෙන් තනි ගමනක් යනවා. සෙවන් මාමත් චෙෆ් කෙනෙක්. ඉතිං ස්කයිගෙ චෙෆ් කෙනෙක් වෙන හීනෙට පණ දෙන්නෙ සෙවන් මාමා.

සෙවන් මාමා වසන්ත වීදියේ ආරම්භ කරපු ” සෙවන් අවන්හල ” පවත්වාගෙන යන්නෙ ” යුනී ” කියන තරුණ, ලස්සන ගැහැණු ළමයා. ස්කයි තමයි සෙවන් අවන්හලේ ප්‍රධාන චෙෆ්. මේ දෙන්නට උදව් කරන්න තවත් යාලුවො සෙට් එකක්ම සෙවන් අවන්හලේ ඉන්නවා. ස්කයිගෙ තාත්තා ස්කයිට නපුරුකම් කළ නිසා ස්කයිට ඕන හොඳම චෙෆ් කෙනෙක් වෙන්න.

හොඳම චෙෆ් කෙනෙක් වෙන හීනය තියන අනිත් පුද්ගලයා තමයි ” පෝල් ආහ්න් “. එයාගෙ පෙම්වතිය වන “මායෝ” තමයි ඔහුගේ සහායක චෙෆ්. මේ දෙන්නා ප්‍රංශයේ ඉදලා ඇවිත් වසන්ත වීදියේම ස්ටෙලා අවන්හල ආරම්භ කරනවා. ඒක සුඛෝපභෝගී අවන්හලක්.

ඉන් පස්සෙ මේ ස්කයි හා පෝල් කියන චෙෆලා දෙන්නා අතර ගැටුම් ඇතිවෙනවා. මේ ගැටුම් හරිම සුන්දයි. ඒ මොකද මේ ගැටුම් සූපවේදී ගැටුම් නිසා. මේ දෙන්නා කෑම වලින් තමයි වැඩ දාන්නෙ. චීන හා බටහිර සම්ප්‍රදායන් වල කෑම වර්ග රාශියක් ගැනම මේ චිත්‍රපටයෙන් කියවෙනවා. ඒ කෑම වර්ග ගැන පොඩි විස්තරයකුත් මං හොයාගත්ත තරමින් උපසිරැසියට ඇතුලත් කරලා තියනවා. මේ චිත්‍රපටය නරඹද්දී කටට කෙළ උනන එක නම් නවත්තගන්න බෑ.

ස්කයිගෙ චරිතයට පණ දෙන්නේ Nicholas Tse. පෝල්ගෙ චරිතයට පණ දෙන්නේ Jung Yong hwa. You are beautiful කොරියානු කතාව බලපු අයට නම් එයා මතක ඇති. ඒ කතා මාලාවෙ Kang Shin Woo ට හිටියේ මේ නලුවා. අධ්‍යක්ෂණය Raymond Yip.නිශ්පාදනය Mani Fok.

උපසිරැසියේ අඩුපාඩු තියනවා නම් සමාවෙන්න. නැවත ලස්සන චිත්‍රපටයකින් හමුවෙමු.

ජය වේවා!!!!!!

 

 

 

 

 

Due to copyright issues, we do not provide any torrent links.

මෙම ලබා දී ඇති උපසිරැසිය BR පිටපත් සඳහා අදාළ වේ.

37,727 downloadsDownload Cook-Up-a-Storm-2017.zip52 KB

https://d36zzuvfojr38z.cloudfront.net/wp_content/uploads/2017/05/Maheshi-Chathurika.jpg මේ ලබා දී ඇති සිංහල උපසිරැසි පිළිබද “මහේෂි චතුරිකා” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2017-05-12
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.