A Cure for Wellness (2016) with Sinhala Subtitles | ප්‍රතිකාරය [සිංහල උපසිරසි සමඟ] (18+)

ඇත්තටම මේ මගෙ පස්වෙනි උපසිරැසි නිර්මාණය. කාලෙකට පස්සෙ තමා අයෙමත් සබ් එකක් කරන්න පටන් ගත්තෙ. වැඩ ගොඩක් වැඩි නිසා සබ් එකක් කරන්න වෙලාවක් හම්බුනෙ නෑ. පොඩි විවේකයක් හම්බුන නිසා ආයෙමත් සබක් කරන්න ඕනි කියලා හිතුනා. ඇත්තටම ෆිල්ම් එක පැත්තට හැරුනොත් මම කරපු සබ් 5න් අමාරුම සබ් එක මේක කියලා කියන්න පුලුවන්. වචන ගොඩක් ව්‍යවහාර වචන තිබුන නිසා තේරුම ගන්න කට්ටක් කන්න උනා. අඩුපාඩු තියෙන්නෙ පුලුවන් ඒත් තේරුම් ගන්න පුලුවන් වෙන විදිහට හදා ගන්න පුලුවන් උනා.

මේක fantasy/mystery ගණයට අයත් වෙන ෆිල්ම් එකක්. IMDb අගය 6.4 වැනි හොඳ ස්ථානයක තියෙන ෆිල්ම් එකක් කියලා කියන්න පුලුවන්. මේක පැය 2යි මිනිත්තු 26ක ධාවන කාලයක් සහිත ෆිල්ම් එකක්. මේ ෆිල්ම් එකේ ප්‍රධාන නළු නිළියන් ලෙස Dane DeHaan(Lockhart), Mia Goth(Hannah), Jason Isaacs (Volmer) රංගනයෙන් දාහකත්වය ලබා දීල තියෙනවා. එහෙනම් අපි වැඩි කතා නැතිව ෆිල්ම් එක පැත්තට හැරෙමු.

ඇත්තටම කිව්වොත් මේ ෆිල්ම් එක අපි හැමෝම බලලා තියෙන Shutter Island ෆිල්ම් එකට ටිකක් සමාන කතාවක් තියෙන එකක්. හැබැයි ඒ මට්ටමට නම් දාන්න බෑ. මේකෙ ප්‍රධාන චරිතය සහ අපේ කතාවෙ කතා නායකයා වෙන්නෙ ලොක්හාර්ට්. මේ ලොක්හාර්ට් කියන්නෙ නිව්යෝර්ක් වල ප්‍රධාන පෙළේ මූල්‍ය ආයතනයක වැඩ කරන කෙනෙක්. මෙයාගෙ තාත්තත් එහෙම රස්සාවක් කරපු කෙනෙක්. ඒත් එයා දිවි නසා ගන්නවා මොකක් හරි හේතුවකට. මේ ආයතනයෙ තවත් සේවකයෙක් තමයි මොරිස් කියන්නෙ. එයත් මැරෙනවා හෘදයාබාධයකට ලක් වෙලා. ෆිල්ම් එකේ එක මුලින්ම පෙන්නවා. ලොක්හාර්ට්, අපේ කතා නායකයට එයාගෙ ආයතනයෙන් භාර දෙනවා කාර්යයක්. ඒ තමා එයාලගෙ ආයතනයෙ හිටපු ceo කෙනෙක් වන පෙම්බ්‍රෝක් කියන කෙනාව ස්විට්සර්ලන්තයට ගිහින් ආයෙ නිව්යෝර්ක් වලට එක්කගෙන එන එක. ඇත්තටම මේ පෙම්බ්‍රෝක් ඉන්නෙ ස්විට්සර්ලන්තයේ sanitarium කියන තැනක. ඒක හරියට සම්භාහන, ජල ප්‍රතිකාර වගේ දේවල් කරන තැනක්. සරළවම කිව්වොත් ඉස්පිරිතාලයක්. ඉතින් ලොක්හාර්ට් යනවා මෙතනට පෙම්බ්‍රෝක්ව එක්කරගෙන එන්න. මේ sanitarium එක භාරව ඉන්නෙ වොල්මර් කියලා කෙනෙක්.

ටිකක් අමුතු චරිතයක් (ටිකක් නෙවෙයි ගොඩක්). ලොක්හාර්ට් එතනට ගියාට පස්සෙ මේ sanitarium එකෙන් එයාට ඉඩ දෙන්නෙ නැ පෙම්බ්‍රෝක් ව ආයෙ අරන් යන්න. ඊට පස්සෙ ලොක්හාර්ට් ආයෙ එයාගෙ හෝටලයට යන ගමනෙදි මෙයාගෙ කාර් එක හැප්පිලා මෙයාගෙ කකුල කැඩෙනවා. මම නම් හිතන්නෙ ඒ වැඩෙත් sanitarium එකේ වැඩක්. ඊට පස්සෙ ලොක්හාර්ට් ට යන්න වෙන්නෙ අර sanitarium එකටම තමයි. මෙතන sanitarium එකේ ඉන්න හැමෝම ඇවිල්ලා තියෙන්නෙ ප්‍රතිකාරයක් “Cure” ලබා ගන්න. මෙතනදි ලොක්හාර්ට් පෙම්බ්‍රෝක් ව ආයෙ නිව්යෝර්ක් වලට අරන් යන්න ලොකු උත්සහයක් දෙනවා. ඒත් එයාට කරදර ගොඩකට මූණ පාන්න වෙනවා. මෙතනට එන මිනිස්සුන්ට එක එක දේවල් මේ sanitarium එක කරනවා කියලා ලොක්හාර්ට් හොයා ගන්නවා. සාමාන්‍යයෙන් මනුස්සයෙක්ට විජලනය හැදෙන්නෙ වතුර නොබී හිටියම ඒත් මෙතනදි එක වෙන්න වතුර බිව්වම. මෙතනදි ලොක්හාර්ට් ට ගෑණු ළමයෙකුත් හම්බෙනවා. එයත් මේකෙ ඉන්න රෝගියෙක්වගේ කෙනෙක්. ඉතින් ඔහොම තමා කතාව තියෙන්නෙ. ඉතින් අන්තිමට ලොක්හාර්ට් පෙම්බ්‍රෝක් ව ආයෙ නිව්යෝර්ක් වලට අරන් යයිද?, කවුද අර ගෑණු ළමයා?, ලොක්හාර්ට් පණ පිටින් මෙතනින් යයිද?. මේවට උත්තර දැන ගන්න නම් ඔයාලට ෆිල්ම් එක බලන්නම වෙනවා.එහෙනම් තව සබ් එකකින් අපි ආයෙ මුණ ගැහෙමු. හැමෝටම ජය වේවා.

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි Bluray පිටපත් සඳහා අදාළ වේ.

11,143 downloadsDownload Cure-for-Wellness-2016.zip46 KB

https://d36zzuvfojr38z.cloudfront.net/wp_content/uploads/2015/12/චලේන්ද්‍ර-සෙනවිරත්න1.jpg මේ ලබා දී ඇති සිංහල උපසිරැසි පිළිබද “චලේන්ද්‍ර සෙනවිරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2015-12-13
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.