Darbar (2020) Sinhala Subtitles | මත්කුඩු මාරයා සහ මිනිස් ජාවාරම [සිංහල උපසිරසි සමඟ]

බයිස්කෝප් සිංහලෙන් සහෘදයින්ට සුභම සුභ දවසක්.! බොහොමයක් දමිළ සිනමා රසිකයන් නව වසරක් උදා උනාට පස්සේ තෛයි පොංගල් කවද්ද.? අළුත් අවුරුදු කවදදාද දීපවාලි කවදාද කැලැන්ඩර් වල බලනවා. මොකද ඒ දිනයන් වල තිරගත වෙන සිනමාපට මොනවද යැයි හොයාගන්න එතනින් තවත් පිරිසක් රජිණි කාන්ත් (තලෙයිවර්) ගේ චිත්‍රපටය තිරගත කරන්නේ කවද්ද යන්නත් බලන් ඉන්නවා. ඒ කෙතරම් වයවෘද්ධ උනත් තවමත් රසිකයින්ගේ ඉමහත් ආදරය දිනාගත් නළුවෙක් නිසාවෙන් දකුණු ඉන්දීය දමිළ සිනමාවට නැතුවම බැරි අංගයක් සහ කෙනෙක් බවට වෙලා ඉන්න නිසා.යමක් කරන්නට විශ්වාසයක් ඇති කෙනාට තමන්ගෙ වැඩි වයස කියන්නෙ නිකන්ම අංකයක් විතරයි කියන කතාව මනාවට ඔප්පු කරමින් රජිණි කාන්ත් තමන්ගේ 167 වැනි සිනමා පටයත් සමඟින් රසිකයින්ව මුණගැසෙන්න පැමිණි‍යේ මේ වසරේ ජනවාරි 09 වෙනිදා. ඔහුගේ මෙම සිනමාපටය සඳහා සිංහල උපසිරැසි නිර්මාණය කරන්නට මට ඉඩ ප්‍රස්තාව සකසල දුන්න බයිස්කෝප් සිංහලෙන් අඩවියෙ ඇඩ්මින්වරයකු වන හසන්ත අයියාට තුති පුදමින් චිත්‍රපටයේ ඉතිරි විස්තරයන් වෙත මා අවදානය යොමුකරනවා.

AR Murugadoss කියන්නෙ දමිළ චිත්‍රපට රසිකයින් බොහොමයක් දෙනා හොඳින් දන්නා අඳුනන දමිළ චිත්‍රපට අධ්‍යක්ෂකවරයෙක්.! මෙදාපාර රජිනි කාන්ත් ආවේ ඔහුත් සමඟ Murugadoss ගේ රචනයෙන් සහ අධ්‍යක්ෂණයෙන් හැඩවුන මේ චිත්‍රපටයේ හිංදි නළු Sunil Shetty දමිළ නිලි Nayanthara සහ විකට නළු Yogi Babu වගේම Nivetha Thomas යන නළු නිලියන් රංගනයෙන් දායක්වය සපයනවා. ඉන්දියානු රුපියල් කෝටි 200 ක පිරිවැයකින් නිෂ්පාදනය කල මේ චිත්‍රපටය ලොවපුරා තිරගත කොට දින සතක් ගතවන විට ඉන්දිය රුපියල් කෝටි 150 ක දැවැන්ත වාර්ථාගත ආදායමක් හිමිකරගත්තා. Anirudh Ravichander ගේ මියුරු සංගීතයෙන් හැඩවුන මේ සිනමාපටය දමිළ බසට අමතරව හිංදි,තෙලඟු සහ මලයාලම් භාෂාවන්ගෙන්ද හඬකවා ප්‍රදර්ශණය කරනු ලැබුවා.

පලමු සති අන්තයේ ආදායම් වාර්තාව සනිටුහන් කරමින් නිකුත්වු පෝස්ටරය.

විචාරක අදහස් කිහිපයක්.!

විචාරක ‍වෙබ් අඩවියන් හි තිබු ප්‍රසාදයන්.!

 

වර්තමානයේදි පාසල් දරුවාගේ සිට විශ්ව විද්‍යාල සිසුවා දක්වා මත් ද්‍රව්‍යයන් භාවිතා කරන බව නොරහසක්.!  ඒ අතර නිතී විරෝදී මත්ද්‍රව්‍යයන් විශේෂිතයි හෙරොයින්,කොකේන් යන විවිධ වර්ගවල මත්කුඩු වර්ග මත්පෙති වර්ග රටේ අනාගතය ගැන තීරණාත්මක වඟකීමක් පැවරෙන අනාගත වියතුන් උගතුන් වීමට සිටින තරුණ පරපුර මේවාට ඇබ්බැහි වී සිටීම,ගොදුරු වී සිටීම ගැන ඇසෙන කතා වලට සහ ඒ පිළිබඳව මාධ්‍යන්හි පලවන පුවත් දෙස බලපුවම ඇතිවන්නෙ ඉතාමත් දැඩි සංවේගයක්..! චිත්‍රපටයේ ගැබ්ව තිබෙන්නෙ එැවැනි පසුබිමක කතාවක් උනත් ඒ කතාව අපේ අල්ලපු රටට නැතිනම් ඉන්දියාවට පමණක්ම ඉහත කී කාරණය වැඳගත්‍ වෙන්නෙ නැති බවත් අපේ රටෙහි තත්වයද ඒ හා සමාන බව කීමද පවා තවත් කණගාටුදායක කරුණක්.!

ඒ වගේම තවත් කරුණක් තමයි මිනිස් ජාවාරම ඒ අතර කාන්තාවන් කුඩා ගැහැණු දරුවන් පැහැරගෙන ගොස් මුදලට විකිණිම. තවත් විදියකට කිවවොත් ” මිනිසුන් විසින් මිනිසුන් අලෙවි කිරිම” මේවා රටක තියෙන පිළිලයන් ලෙස හඳුන්වන්න පුලුවන්.! ඉතින් ඒ පිළිල නැති කරන වඟකීම අපි රජයට පොලිසියට සහ සෙසු ආරක්ෂක අංශ වලටම පවරල තමන් අත පිහිදාගෙන ඉන්නම එක උචිත ‍නෑ කියන එකයි මගේ අදහස.! අප සියලු දෙනාම පුරවැසියන් විදියට ඒවා නැති කිරීමේ වඟකීම ගත යුතුයි. රට හදන්න ඉස්සෙල්ලා ගෙදර හදන්න ඕන වගේ මේ කාරණාවෙදිත් මේ දේවල් මර්ධනය කිරීම අපි අපේ ගෙදරින්ම පටන් ගත යුතුයි. චිත්‍රපටයට නිකන්ම සිංහල උපසිරැසි දීලා යනවට වඩා මේ ගැන යමක් කියලා යන්න අදහස් කරා, එසේ නම් චිත්‍රපටය රසවිඳින්නට ආරාධනා කරමින් අදට මා සමුගන්නවා.

ඔබ සැමට කඳ සුරිඳු පිහිටයි..!

 

 

 

Due to copyright issues, we no longer provide any torrent links.

ලබා දී ඇති උපසිරැසි Proper HQ TRUE HD / HD පිටපත් සඳහා අදාළ වේ.

29,294 downloadsDownload Darbar-2020-Update.zip140 KB

මේ ලබා දී ඇති සිංහල උපසිරැසි පිළිබද “M.T.R. තරිදු රුක්ෂාන් පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2015/10/16
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.