Day Shift (2022) Sinhala Subtitles | වැම්පයර් දඩයම. [සිංහල උපසිරැසි]

හැමෝටම ලැබුවා වූ 2023 වසර සුබම සුබ වසරක් වේවා! 🙂

අපි එහෙනම් 2022 අවුරුද්දෙන් එතෙර වුණා. ඒ අවුරුද්ද මම හිතන්නේ අපිට ගොඩක්ම අසීරු උන අවුරුද්දක්. රටේ ඇති උන ප්‍රශ්න ගැන අමුතුවෙන් කියන්න ඕන නැහැ නේ. හැබැයි සිනමාව එක්ක ඉන්න ඔයාලා අපි වගේ අය ටිකක් හරි සතුටු උනේ මේ අවුරුද්දේ ආපු ජනප්‍රිය චිත්‍රපට සහ ටීවී සීරිස් බලලා තමයි. මමත් ගිය අවුරුද්දේ උපසිරැසි නිර්මාණ කිහිපයකටම සම්බන්ධ උනා. ඉතින් මේක තමයි මේ අවුරුද්දේ මමයි තරිඳු මල්ලියි ඔයාලට අරන් එන මුල්ම උපසිරැසි නිර්මාණය. ඇත්තටම උපසිරැසිය ඉවර කරන්න වැඩිපුර කාලයක් ගන්න උනා තිබුණ පුද්ගලික වැඩ එක්ක. මේ අවුරුද්දේ හැම දෙයක්ම හොඳින් වේවි කියල හිතමු අපි. 🙂

හරි එහෙනම් Day Shift (2022) කතාව බලලා නැති අයට පුංචි හැඳින්වීමක් කරන්නම්. බඩ් (Jamie Foxx) කියන්නේ තමන්ගේ නෝන ජොසලින් (Meagan Good) සහ දුව පේජ් (Zion Broadnax) එක්ක ෆ්ලොරිඩා වල ඉන්න කෙනෙක්. එයාගෙ දුව හරි ආසයි ෆ්ලොරිඩා වල ජීවත් වෙන්න. හැබැයි අපි ගොඩ දෙනෙක්ට වගේ බඩ්ටත් ආර්ථික ප්‍රශ්න හරියට.

ඉතින් මේ ආර්ථික ප්‍රශ්න වලින් මිදෙන්න, ඒ කියන්නේ පවුලේ වියදම් පියවා ගන්න බඩ් පිහිනුම් තටාක සුද්ද කරන කෙනෙක් විදිහට රස්සාවක් කරනවා. වැරදියි වැරදයි. ඒ එයා එයාගේ නෝනට කියල තියන දේ. මිනිහා ඇත්තටම කරන්නේ වැම්පයර්ලා දඩයම් කරන එක. හැබැයි රෑ නම් නෙමෙයි. දවල් වරුවේ. මෙහෙම වැම්පයර්ලා මරලා උන්ගේ දත් විකුණලා තමයි බඩ් තමන්ගේ පවුල නඩත්තු කරන්නේ. අර කතාවක් තියනවා නේ කොට්ටෝරුවා කෙහෙල් ගහට කොටන්න ගිහිල්ලා හොට පටලවා ගන්නවා කියලා. ඒ වගේම බඩ් ගලවන එක දතක් නිසා මිනිහා පවුලම අමාරුවේ දාගන්නවා. ඒ ගලවන දත කාගේද? එහෙම අපරාදයක් කරපු නිසා නිසා බඩ්ගෙන් පළිගන්න එන්නේ එන්නේ කවුද? බඩ් ඒකෙන් එයාවයි එයාගේ පවුලයි බේරා ගන්නේ කොහොමද කියලයි මේ කතාවෙන් පෙන්වන්නේ. චිත්‍රපටයේ එන සෙසු ප්‍රධාන චරිත විදිහට ඔඩ්රි (Karla Souza), සෙත් (Dave Franco), බිග් ජෝන් (Snoop Dogg), හීතර් (Natasha Liu), ඩිරන් (Scott Adkins) සහ මයික් (Steve Howey) පෙන්වා දෙන්න පුළුවන්.

Netflix හරහා ප්‍රදර්ශනය වූ මේ චිත්‍රපටය අධ්‍යක්ෂණය කරේ J. J. Perry. කතාවේ IMDb අගය මේ වෙනකොට 6.1 ක් වෙනවා. නිෂ්පාදන වියදම ඩොලර් මිලියන 100 ක් කියලා තමයි ආරංචිය. චිත්‍රපටය රස විඳින්න කියලා ආරාධනා කරන ගමන් මං නවතිනවා. මේ උපසිරැසිය කරන්න මාත් එක්ක සම්බන්ධ වූ තරිඳු ලක්ෂාන් මල්ලි වත් මේ වෙලාවේ මම ආපහු මතක් කරන්න කැමතියි.

එහෙනම් ඔයාලා හැමෝටම මේ ලැබුවා වූ 2023 අවුරුද්ද වාසනාවන්ත අවුරුද්දක් වෙන්න කියලා ප්‍රාර්ථනා කරනවා. 🙂

 

 

 

Due to copyright issues, we do not provide any torrent links.

මෙම ලබා දී ඇති උපසිරසිය WEB පිටපත් සඳහා ලබා දි ඇත.

9,561 downloadsDownload Day-Shift-2022.zip4.4 MB

මේ ලබා දී ඇති සිංහල උපසිරැසි පිළිබද “චාමිකර විදානගේ (චාමි)” සොහොයුරාට සහ “තරිඳු ලක්ෂාන්” සොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

 

SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.