HIT: The 2nd Case (2022) Sinhala Subtitles | එක සිරුරක්, මරණ තුනක්! [සිංහල උපසිරසි] 18+

KD නැත්නම් ක්‍රිෂ්ණදේව් වයිසෑග්(ආන්ද්‍රා) H.I.T. ඒකකයේ පොලිස් අධ්‍යක්ෂකවරයෙක්. තනතුර වගේම, මෙයා සුපිරි දක්ෂයෙක්. සමහර අවස්ථාවකදි කුඩා කාලයකින් අපරාධ පරීක්ෂණ විසඳමින් අපරාධකාරයින් සොයා ගත්තා. ඒත් මේ සැරේ KDට විසඳුමක් හිතාගන්න බැරි අපරාධයක් විසඳීමට මුහුණ දෙන්න වෙනවා. තරුණියකගේ අත්, කකුල්, හිස කපා ඇඟෙන් වෙන් කරලා දාලා තිබුණා. ඒ වගේම ඇඟිලි තුඩු කපාගෙන ගොස් තිබුණා. සාහසික විදියට සිද්ද කරලා තිබුණ මේ ඝාතනයේ සාක්ෂි විදියට හොයාගන්න ලැබුණේ සැපුම් ලකුණක් හා සපත්තු අඩි සලකුණක් විතරයි. සැපුම් සලකුණෙන් සාමාන්‍ය දත් ප්‍රමාණයට වඩා අමතර දතක් තියෙන පුද්ගලයෙක් මේ තරුණියගේ ගෙල සපා කෑ බවට අනුමාන කරා. අධිකරණ වෛද්‍ය පරීක්ෂණයෙන් දැනගන්න ලැබුණේ මේ සිරුරේ අත්, පා, හිස, කඳ ආදී කොටස් වෙනත් තරුණියන්ගේ බවයි. ශරීර කොටස් විශ්ලේෂණයෙන් මේ වන විටත් මේ දාම ඝාතකයා කාන්තාවන් තිදෙනෙකු ඝාතනය කර ඇති බව තහවුරු කර ගනු ලැබුවා. විමර්ශනය මඟින් ඔවුන් සොයන්නේ දාම ඝාතකයෙක් බවට පෙනීගියා. මේ නිසාවෙන් ජනතාව කැළඹීමට පත් වෙලා තිබුණා. ඒ වගේම තවත් තරුණියන් දෙදෙනෙක් ඝාතනය කරන බවට ඝාතකයා KDට තර්ජනය කර තිබුණා. KD, මිය ගිය තරුණිය ආශ්‍රය කල හැමෝගෙන්ම ප්‍රශ්න කරමින් හෝඩුවාවක් සොයමින් ගියා. ඒ තරුණියගේ ගමට ගොස් සෝදිසි කරද්දී කටේ අමතර දතක් තියෙන පුද්ගලයෙක් සොයාගන්නවා. කොහොම වුණත් KD විසින් මේ පුද්ගලයාව හසු කරගන්නවා. මේ පුද්ගලයා තරුණිය මිය ගිය දවසේ නගරයෙන් පිට සිටි බව කීවත්, නගරයෙන් පිට ගිය හේතුව පොලිසියට කීවේ නැහැ. පොලිසියට විතරයි නෙවෙයි, අධිකරණයට පවා කීවේ නැහැ. ඒ නිසා එම පුද්ගලයා මේ නඩුවේ වරදකරු ලෙසට තීන්දු වීමට නියමිතව තිබුණා. තරුණියගේ ඝාතනය මේ වෙද්දි ප්‍රාන්ත දෙකම ගිනි ගෙන තිබුණේ. පරීක්ෂණය එම පුද්ගලයාව වරදකරු කරමින් වසා දමන්න හැදුවත් KDට අනෙත් තරුණියන් කවුරුන්ද යන්න සොයාගැනීමට වෙහෙස වූවා. ඔය අතරේදී KDට යම් තැනැත්තෙක්ගෙන් අත්අඩංගුවේ සිටින පුද්ගලයා අපරාධකාරයා නොවන බවට සාක්ෂි දක්වමින් ඊමේල් එකක් ලැබෙනවා. KD සාක්ෂි ලැහැස්ති කරගෙන නිර්දෝෂියාව වරදින් නිදහස් කරන්න ලැහැස්ති වුණා. ඒ වුණත් මේ වෙද්දි ජනතාවගේ කලබලකාරී තත්වය නිසා එම පුද්ගලයාව රහසේම මරා දැමීමට පොලිසිය සූදානම් වූවා. අහිංසකයෙක් නිරපරාදේ මැරෙන්න නියමිතයි. දාම ඝාතකයා තවමත් නිදැල්ලේ ද? ඝාතකයාගේ ඊලඟ ගොදුර කවුද?

Homicide Intervention Team කියන එක තමයි HIT විදියට කෙටි කරලා තියෙන්නෙ. සෛලේෂ් කොලානු තමන්ගේ මංගල සිනමා අධ්‍යක්ෂණය විදියට HIT (2020) නිර්මාණය කරනු ලැබුවා. පලමු චිත්‍රපටයට විශ්වාක් සෙන් රංගනයෙන් දායක වුණා. පලමු චිත්‍රපටය බලලා නැත්නම් අනිවාර්යයෙන්ම බලන්න. ඒ වුණත් මේ චිත්‍රපටය බලන්න පලමු චිත්‍රපටිය බලන්න ඕනෑමයි කියලා අවශ්‍යතාවයක් නැහැ. පලමු චිත්‍රපටයේ යම් දර්ශන කීපයක් පමණක් මේ චිත්‍රපටයට ඇතුලත් කරලා තියෙනවා. ඒ කොටස් පලමු චිත්‍රපටය මේ චිත්‍රපටයට සම්බන්ධ කරගැනීමක් විදියට තමයි දක්වලා තියෙන්නෙ. පලමු චිත්‍රපටයේ වික්‍රම් එක්ක නිතර රණ්ඩු කරගන්න අභිලාෂ් කියන චරිතය මේ දෙවන චිත්‍රපටයට අරගෙන එනවා. චිත්‍රපටය ඉවර වෙද්දි දැක්වුණ ස්කෙට්ච් එකක රූපයක් මඟින් දෙවන පරීක්ෂණයට ඉඟියක් දීලා තියෙනවා.

මේ පලමු චිත්‍රපටය පසුගිය වසරේදී හින්දි බසින් ප්‍රතිනිර්මාණය කෙරුණා. හින්දි චිත්‍රපටයත් අධ්‍යක්ෂණය කරේ සෛලේෂ් විසින්මයි. කොහොම වුණත් ඒ චිත්‍රපටය නම් ආදායම් වශයෙන් අසාර්ථක වුණා. මේ H.I.T.  සිනමා විශ්වයේ තෙවන චිත්‍රපටයක් පැමිණීමට නියමිතයි. තෙවන පරීක්ෂණයේදී අපට බලාගන්න පුළුවන් වෙන්නෙ අපට පුරුදු සුපුරුදු අසල්වාසී කොලුවා නැත්නම් නැචුරල් ස්ටාර් නානිව. ඒ වගේම නානි පලමු පරීක්ෂණය, දෙවන පරීක්ෂණය යන චිත්‍රපට දෙකේම නිෂ්පාදකවරයෙක්. කොහොම වුණත් මේ HIT Verse එකේ තව චිත්‍රපටි කීයක් එනවද කියන්න නම් දන්නෙ නැහැ. ඉන්දියාව පැත්තෙ නම් දැන් Cinematic Universe කීපයක්ම බිහිවෙමින් තියෙනවනේ. රෝහිත් ෂෙට්ටිගේ කෝප් යුනිවර්ස් එක, ලෝකේෂ් කනගරාජ්ගේ ලෝකි යුනිවර්ස්, ප්‍රශාන්ත් නීල් යුනිවර්ස්, අශ්ට්‍රාවර්ස් (බ්‍රහ්මාස්ත්‍ර) කියලා සිනමා විශ්වයන් කීපයක් තියෙනවා. තෙළිඟු සිනමාවෙන් මේ HIT Verse එක වගේම තෙළිඟු චිත්‍රපටි අධ්‍යක්ෂක ප්‍රශාන්ත් වර්මා යුනිවර්ස් එක. ප්‍රශාන්ත් වර්මාගේ Superhero Cinematic Universe එකට Hanuman, Adhira කියන චිත්‍රපට අයත් වෙනවා. හනුමාන් චිත්‍රපටයේ ටීසරය නිකුත් වුණ වෙලාවෙදි පොඩි බජට් එකකින්, එයාලා නිර්මාණය කරපු ග්‍රැෆික්ස්, Vfx සහ නිමාව ගැන ප්‍රභාස්ගේ Adhipurush ටීසරය එක්ක සන්සන්දනය කරලා සමාජමාධ්‍යයේ විවේචනය කරන්න ගත්තා.

අදිවි ශෙෂ් ඉතාමත් දක්ෂ නළුවෙක් වගේම අධ්‍යක්ෂක වරයෙක් සහ රචකයෙක්. අධ්‍යක්ෂණයෙන් මෙයාට සාර්ථක ගමනක් යන්න පුළුවන් වුණේ නැහැ. කොහොම වුණත් සිනමාවට තිබුණ ආසාව නිසා අතහරින්නෙ නැතිව විවිධ චිත්‍රපටවල සුළු චරිත පවා කරලා තමන්ට හිමි තැන සලකුණු කරනවා. වැඩිය ඕනේ නැහැ, මේජර් සන්දීප්ගේ කතාව සිනමාවට නගන්න සිනමාවේ ගොඩක් අය වෑයම් කරත් මේජර් සන්දීප්ගේ ඥාතීන්ගෙන් අවසරය ලැබුණේ මේ අදිවිට. ඒ විදියට Major (2022) නිර්මාණය කරලා, ආදායම් වශයෙන් අති සාර්ථක චිත්‍රපටයක් බවට පත් කරන්න ඔහුට හැකි වුණා.

ඒ වගේම මේ චිත්‍රපටයට මීනාක්ෂි චෞද්‍රි[Khiladi (2022), Ichata Vahanamulu Niluparadu] රාඕ රමේෂ්, මගන්ටි ශ්‍රීනාත්, තනිකෙල්ලා භරණි, පෝසානි ක්‍රිෂ්ණා මුරලි, හර්ෂා වර්දන් යන අය රංගනයෙන් සහභාගි වෙලා තියෙනවා. මෙහිදී චිත්‍රපටයේ අධ්‍යක්ෂකවරයාත් Cameo එකක් විදියට පෙනී සිටිනවා.

ඉතින් පසුගිය වසරේදී දෙවන වතාවටත් හිට් එකක් ගහන්න HIT එකෙන් අදිවිට හැකියාවක් ලැබෙනවා. ප්‍රතිචාර මිශ්‍ර වශයෙන් ලැබුණත් මේ චිත්‍රපටය බොක්ස් ඔෆිස් ආදායම විදියට ඉ.රු. කෝටි. 50 ඉක්මවා ආදායමක් ලබනවා. මෙය දෙසැම්බර් 30 වනදා මේ චිත්‍රපටය හින්දි බසින් ද හඬකවා තිරගත කෙරුණා. ඒ වගේම මීලඟට අදිවිගේ Godachari 2 චිත්‍රපටය පැමිණීමට නියමිතයි. Godachari (2018)  චිත්‍රපටිය නිකුත් වුණ පලමු සතියෙදිම ඉ.රු. කෝටි 25ක් උපයාගනු ලැබුවා. මේ චිත්‍රපටයටත් ඉතා ඉහල ප්‍රතිචාර, අගය කිරීම් හිමි වුණා. ඒ නිසා වැඩි වශයෙන් බලාපොරොත්තුවක් මේ ගැන තියාගෙන ඉන්නවා.

මේ HIT: The Second Case චිත්‍රපටයට ලැබුණු Imdb අගය කිරීම 7.6/10ක්. ඒ වගේම මේ චිත්‍රපටයට විචාරකයන්ගේ මිශ්‍ර ප්‍රතිචාර ලැබුණා. ටයිම්ස් ඔෆ් ඉන්ඩියා පුවත්පතෙන් අගය කිරීම ලෙස 2.5/5ක්. විචාරක අදහස් වලින් කියවෙනවා වගේ මේ චිත්‍රපටයෙන් පලමු චිත්‍රපටය තරම් අත්දැකීමක් ලැබෙන්නෙ නැහැ. අවසානය අනුමාන කරන්න බැරි වුණත් බොහෝමයක් චිත්‍රපටිවල දකින්න ලැබුණු අවස්ථා මේකට ඇතුලත් වෙනවා. කොහොම වුණත් මෙයින් අපරාධ විසඳුම් ගවේෂණයක් අත් විඳින්න පුළුවන්. මේ චිත්‍රපටයෙදිත් උත්තර ලැබුණෙ නැති ප්‍රශ්න ඉතුරු වෙන්න පුළුවන්. ඒවට උත්තර ඊලඟට එන චිත්‍රපටි බලලම තමයි දැනගන්න වෙන්නෙ.

HIT : The First Case චිත්‍රපටයට උපසිරැසි ලබා දුන්නේ අපේ තරිඳු රුක්ෂාන් සහ දසන් බුද්ධික යන සහෝදරයින් දෙන්නා. ඒ නිසා මේ චිත්‍රපටයට උපසිරැසිය ලබාදෙන්න ඉඩදීම ගැන තරිඳු සහෝදරයාට ස්තූති කරනවා. තවත් උපසිරැසියකින් හැකි ඉක්මනින්ම හමුවෙන්නම්!

බුදු සරණයි! සියලු දෙවි දේවතාවුන්ගේ රැකවරණයි!

 

 

 

Due to copyright issues, we do not provide any torrent links.

මෙම ලබා දී ඇති උපසිරසි HQ HDRip පිටපත සඳහා අදාළ වේ.

19,619 downloadsDownload HIT-02-2022.zip4.1 MB

මේ ලබා දී ඇති සිංහල උපසිරැසි පිළිබද “රවිඳු නවින්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2017-06-14
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.