Dejavu (2022) Sinhala Subtitles | පැහැරගැනීම ! [සිංහල උපසිරසි]

ආයුබෝවන් යාළුවනේ ඔන්න ඉතින් මේ අගෝස්තු මාසේ නිකුත් වුණ තවත් අලුත්ම Action, Thriller ගණයට අයත් Arulnithi ගේ මේ මාසයේම නිකුත් වුණ දෙවන චිත්‍රපටය IMDb අගය 7.8 ක් වගේ ලොකු ගණනක් අරගෙන තියෙන චිත්‍රපටයක්. 2022 ජූලි මස තිරගතවීම ආරම්භ කරන ලද පැය 1 කුත් විනාඩි 57ක් පුරා කුතුහලයෙන් දිවෙන Arvindh Srinivasan ගේ අධ්‍යක්ෂණය යටතේ Madhoo, Achyuth Kumar, Smruthi Venkat, kaali Venkat, Mime Gopi යන අය චරිත නිරූපණය කරනවා. ලේඛකයෙක් ලියන කතාවක සිදුවීම් පෙලක් ඇත්තටම සිද්දවීම මුල් කරගෙන හටගන්නා සිද්ධි දාමයක් ලෙස තමයි චිත්‍රපටය ආරම්භ වෙන්නේ.

සුබ්‍රමනියම් නැමැති පුද්ගලයෙක් මධ්‍යම රාත්‍රියේ බීමතින් පොලීසියට පැමිණ පැමිණිල්ලක් භාර දෙනවා තමන් ලියන කතාවල දේවල් මිනිසුන්ට ඇත්තටම වෙනවා. එයාල තමන්ට කෝල් වලින් තර්ජනය කරන බවත් තමන්ට ආරක්ෂාවක් අවශ්‍ය බවත් පවසමින්. නමුත් බීමතින් සිටින නිසා පොලීසියේ අයත් වැඩිය ගණනකට නොගෙන පැමිණිල්ල අරගෙන අපි හොයල බලන්නම් කියල මනුස්සයව පිටත් කරල අරිනව. ඉතින් ගෙදර යන සුබ්‍රමනියම් ආපහු අඩියක් ගහන ගමන් ලියන්න පටන් ගන්නවා. ඉතින් එදා රෑ වුණ තරුණ ගැහැණු ළමයෙක්ගේ පැහැරගැනීමක් සම්බන්ධයෙන් පහුවදා උදේම සුබ්‍රමනියම්ගේ නිවසට පොලීසියෙන් එනවා ඔහුව අත් අඩංගුවට ගන්න, පූජා නැමැති කෙනෙක් ගෙන් පැහැරගැනීමක් ගැන පොලීසියට ලැබුණු කෝල් එකක් සම්බන්ධයෙන්. නමුත් ඔවුන්ට සුබ්‍රමනියම්ව අත් අඩංගුවට ගැනීමට හැකියාවක් ලැබෙන්නෙ නෑ. කොහොමින් හරි මේ ගැන පළාතේ ඩී.ජී.පී. ආශාට මේ ගැන දැනගන්න ලැබිලා පොලීසියට ලැබුණු කෝල් අහල බලනකොට සැක හිතෙනව ඒ පැහැරගෙන ගිහින් තියෙන්නෙ තමන්ගේ දුවද කියල. දුවගෙ ෆෝන් එකට යාළුවන්ට කතා කළත් කිසිම හෝඩුවාවක් ලැබෙන්නෙ නෑ. පස්සෙ තහවුරු වෙනවා තමන්ගේ දුව තමයි පැහැරගෙන ගිහින් තියෙන්නෙ කියල. එතනින් පස්සෙ තමයි වැඩේ දරුණු වෙන්නෙ. මුළු රටේම කැළබීමක් ඇතිවෙන්න ගන්නව. ලේඛකයගෙ කතාවෙත් පූජා නැමැත්තියක් පැහැරගැනීමයි ඩී.ජී.පී. ආශාගේ දුව පැහැරගැනීමයි දෙකම එක සමානයි… එහෙනම් මොකද්ද මේකට හේතු වෙන්න ඇත්තෙ කියල අපි බලමු. ආයෙත් චිත්‍රපටයකින් මුණ ගැහෙනකම් හැමෝටම තෙරුවන් සරණයි…

 

 

Due to copyright issues, we do not provide any torrent link.

මෙම ලබා දී ඇති උපසිරැසි HQ HDRip පිටපත් සඳහා අදාළ වේ.

10,863 downloadsDownload Dejavu-2022.zip55 KB

මේ ලබා දී ඇති සිංහල උපසිරැසි පිළිබද “ඔෂධ ධනංජය” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2017-09-04
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.