Diana (2013) Sinhala Subtitles | රහස් පෙම… [සිංහල උපසිරසි සමඟ]

ඔන්න යාළුවනේ ඔයාලට ‍මම මේ පාර සිංහලෙන් උපසිරැසි ගන්වලා අරගෙන ආවේ, වේල්ස් හි කුමාරිකාව නමින් විරුදාවලිය ලත් ඩයනා කුමාරියගෙ අවසාන වසර දෙක තුල ඇය ඇති කරගත් ඇගේ රහසිගත ප්‍රේමය පදනම් කරගෙන නිර්මාණය කල අපූරු සලරුවක් ලෙසින් නිකුත් උන ඇගේ චරිතාපදානයයි. IMDb වෙබ් අඩවියේ 5.2/10ක ඇගයුම් අගයක් ලබාගෙන තියෙන මේ සංවේදී සලරුව 2013 ඔක්තෝම්බර් මස 4 වෙනිදා ඉන්දි‍යාවේ මුලින්ම ප්‍රදර්ශනය උනා. මෙම චිත්‍රපටියේ ඩයනා කුමරියගේ චරිතය රඟපෑමට නියමිතව සිටියේ Jessica Chastain උනත් වෙලාවන් වෙන් කර ගැනීමේ ගැටළුවක් පැන නැගුන නිසා ඇය වෙනු‍වට එම චරිතය රඟ දැක්වීමේ භාග්‍යය හිමි කරගැනීමට සුපිරි නිලි Naomi Watts සමත් උනා. මේ සතියේ ලොව හොඳම චිත්‍රපටි 5000 අතර 295‍ වෙනි තැන රඳවගෙන තියෙන මේ සලරුව මගින් ඩයනා කුමරියගේ ජීවිතේ තිබුන සුන්දරම සහ අසුන්දරම තැන් හොඳින් දක්වා තියෙනවා. ඒ වගේම තමයි මේ චිත්‍රපටියේ ප්‍රධාන පෝස්ටරයට පසුබිම් ඡායාරූපය ලෙස මුලදී යොදාගෙන තිබුනේ 1997 වසරේදි ඇය අනතුරට ලක් වූ පැරිසියේ උමග අසල ඡායාරූපයකුයි. නමුත් ඒ සඳහා මතු වූ දැවැන්ත විරෝධය හමුවේ එම ඡායාරූපය ඉවත් කිරීමට මෙහි ප්‍රංශ බෙදාහරින්නා විසින් කටයුතු කරනු ලැබුවා.

මේ කතාවේ ආරම්භය වෙන කොට ඩයනා කුමරිය චාර්ල්ස් කුමරාගෙන් දික්කසාද වෙන්න තීරණය කරලා වෙනම ජීවත් වෙනවා. එහෙම ඉන්න අතරේ ඩයනා දිනක් රෝහලකට යනවා ඇගේ මිතුරියකගෙ අසනීපෙන් සිටින සැමියව බලන්න. එතනදි ඇයට අපූරු ශල්‍යවෛද්‍යවරයෙක් මුණ ගැහෙනවා. ඔහු නමින් හැස්නට් කාන්. හැස්නට් කාන් පකිස්තානු ජාතිකයෙක්. මුලු රෝහලම ඩයනා කුමරියට සුවිශේෂි විදිහට සලකද්දී හැස්නට් කාන් ඇයට සලකන්නේ අනිත් සාමාන්‍ය මිනිස්සුන්ට සලකන ආකාරයටමයි. මේ දේ ඩයනා කුමරියගේ හිතට තදින් කා වදිනවා. එහි අවසාන ප්‍රතිඵලය වෙන්නේ ඇය හැස්නට් කාන් සමග ප්‍රේමයෙන් වෙලීමයි.

ඉතින් යාළුවනේ.. ඩයනා ඇත්තටම ප්‍රේමයෙන් වෙලෙන්නේ හැස්නට් කාන් සමග නම් ඇය මියයන විට ඩොඩී අල් ෆයිඩ් නැමති ධන කුවේරයා සමග සිටින්නේ ඇයි? ඩයනා කුමරිය ශල්‍ය වෛද්‍යවරයාට පෙම් බැන්දට ශල්‍ය වෛද්‍ය වරයා ඇයට පෙරලා පෙම් බඳීවිද? ඩොඩී අල් ෆයිඩ් කියන්නේ ඩයනා කුමරියගේ පෙම්වතුන්ගෙන් එක්කෙනෙක් විතරයිද? ඩයනා කුමරිය තම ජීවිතයේ අවසාන අවුරුදු දෙකේදි මොන වගේ ජීවිතයක්ද ගත කරන්නේ? සතුට වගේම දුක් කම්කටොලු හමුවේ ඩයනා කුමරිය තම ජීවිතය ගෙවන්නේ කොහොමද? කියලා මේ චිත්‍රපටිය බලලම දැනගන්න …හැමෝටම ජය වේවා!

 

 

 

Due to copyright issues, we do not provide any torrent links.

2,571 downloadsDownload Diana-2013.zip85 KB

 

https://d36zzuvfojr38z.cloudfront.net/wp_content/uploads/2012/10/දිනිඳු-සම්පත්.jpg මේ ලබා දී ඇති සිංහල උපසිරැසි පිළිබද “දිනිඳු සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.