Disobedience (2017) Sinhala Subtitles | ගින්දර සහ ගින්දර…. [සිංහල උපසිරැසි සමඟ] (18+)

හිතන්න බොහොම ආගමට දහමට ලැදි සමාජයක ඔබ එතරම්ම ඒ දේවල් විශ්වාස නොකරන කෙනෙක් කියල. එහෙමත් නැත්නම් ඔබේ කිසියම් දෙයක් නිසා ඔබේ සමාජයට ඔබ පිටස්තරයෙක් එහෙමත් නැත්නම් විකෘතිකයෙක් වගේ පේනවා කියල. ඔබේ ඒ වෙනස නීතියට පටහැනි දෙයක් නෙමෙයි නම්… ඉන් කිසිම කෙනෙකුට හානියක් නැති නම්, මෙහෙම සමාජයක මොකද්ද ඔබට තියන නිදහස ? ඔබ තනි නම්, ඔබේ හිත බයෙන් වෙලී ගිහින් නම් බොහොම වෙලාවට ඔබේ තීරණය ඔවුන්ට, සමාජයට අවශ්‍ය හැටියට වෙනස් වීම වෙන්න ඇති, ඔබේ ජීවිතය වෙනස් කරගැනීම වෙන්න ඇති… නමුත් ඒ තීරණය කොයිතරම් නම් හරි ද? සමාජයකට මනුෂ්‍ය ජිවිතයට කොයිතරම් නම් බලපෑමක් කරන්න හැකි ද? මේ ඒ වගේ කතාවක්…

අපේ කතා නායිකාව වෙන්නේ රොනීත්, ඇය ජයාරූප ශිල්පිනියක් ජීවත් වෙන්නේ නිව්යෝක් නගරයේ. මෙහෙම නිදහසේ ජීවිතය ගෙවන ඇයට දුරකථන ඇමතුමක් එනවා ඇය අමතක කරන්න හදන අතීතය සිහිකරමින්… ඒ අතීතය තමයි යුධෙව් නීතිරීති, ගුණධර්ම හිස් මුදුනින් පිළිගන්නා සමාජයක්… නමුත් කාරණය ඔය කිසිම එකෙක් නෙමෙයි මේ සමාජයේ ප්‍රධානියෙක් තමයි ඇයගේ පියා.. ඉතින් මේ ලැබෙන ඇමතුමත් එක්ක ඇය දැනුවත් වෙන්නේ ඔහුගේ මරණය පිළිබඳව… සියල්ල අත්හැර දමා එංගලන්තය වෙත ඇය යන්නේ තමුන්ගේ පියාට අවසන් ගෞවර දැක්වීමේ අභිප්‍රායෙන්…

ඇය පිළිගන්නේ කුඩා කාලයේ සිටම ලඟින් ඇසුරු කල, ඇයගේ පියාගේ ලගම ගෝලයා ලෙස සිටි ඩොවිඩ්, ඇය මේ සමාජය හැරදා යාමෙන් පසු වෙනස් වුන ජීවීන තොරතුරු හෙළි කරනා ඔහු හෙලිකල එක දෙයක් නිසාවෙන් දැනටම උඩ මතුවෙමින් තිබූ සිතුවිලි සියල්ල ව්‍යාකූලත්වය පෙරටුකොටගෙන ඇයගේ හිතේ පාලනය අත්පත් කරගන්නේ ඇයටත් නොදැනීමයි… ඒ ඔහුගේ බිරිද… නමින් එස්ටී වන ඇය තමයි රොනීත් සමාජය අත්හැර යාමට පෙර ඇයගේ පෙම්වතිය…. දැඩි ආගමික මතදාරී සමාජයක එක් අයෙක් තමුන්ගේ නිදහස සොයා සියල්ල අතහැර යන මොහොතේ ඒ අත්හැර දැමුණ දෙයක් වුන එස්ටී සමාජයේ බලකිරීම මත තමුන්ටම පිටුපාමින් විරුද්ධ ලිංගික විවාහයක් සිදුකරගෙන…

ඉතින් මේ කතාව තුල ඔබට දකින්නට තියෙන්නේ පැරණි ප්‍රේමය නැවත පැමිණීම එක්ක එස්ටීගේ සහ රොනීත්ගේ ජීවිතය උඩු යටුකුරු වෙන ආකාරයයි…. ඔබට තවමත් වයස අවුරුදු 18 අඩු නම් කොහොමවත් මේ නිර්මාණය බලන්න එපා කියලා ඉල්ලා සිටිනවා මේ අවස්ථාවේ….

IMDB 6.8 ක අගයකුත් රෝටන් ටෝමාටෝ 84 % වගේ අගයකුත් හිමිකරගත් මේ නිර්මාණයේ ධාවන කාලය වෙන්නේ පැය 1 කුත් මිනිත්තු 54ක්. පසුගිය වසරේ බොහොම කතාබහ වුන Una Mujer Fantástica හි අධ්‍යක්ෂක Sebastián Lelio ගේ තවත් සුපිරි නිර්මාණයක් වන මෙහි පිටපතත් නිර්මාණය වෙන්නේ ඔහු අතින් සහ Rebecca Lenkiewicz අතින්. තිරයේ දකින මුහුණ වෙන්නේ සුප්‍රසිද්ධ Rachel Weisz සහ Rachel McAdams මේ දෙපලට අමතරව අනික් ප්‍රධානම චරිතය වෙනුවෙන් Alessandro Nivola තමයි එක්කාසු වෙන්නේ.

Drama, Romance කාණ්ඩයන් නියෝජනය කරන 2018 අප්‍රේල් මාසයේ ප්‍රදර්ශනය ආරම්භ වුන මේ නිර්මාණය එහෙනම් ඔබට භාරයි…. අවසාන වශයෙන් කියන්න ඕන අනේ මේක බලෙන් දෙය දෙයක් නම් නෙමෙයි, මොකද සමහර පිරිස් අදහස් දක්වා යන්නේ අපි මේක බැලිය යුතුමයි කියා අවි ආයුධ ඔවුන් වෙත එල්ල කරනා හැටියට… ඉතින් ඔබ ඒකාකාරී සිනමාවෙන් පිට යන්න කැමති කෙනෙක් නම් ඔබට නරඹන්න කියා ආරාධනා කරනවා මේ නිර්මාණය. ආයෙත් උපසිරසක් එක්ක හමුවෙමු. එතෙක් ඔබට ජය වේවා !!!

 

 

 

Due to copyright issues, we do not provide any torrent links.

ලබා දී ඇති උපසිරසිය BR පිටපත් සඳහා අදාළ වේ.

 

මේ ලබා දී ඇති සිංහල උපසිරැසි පිළිබද “සමීර කරුණාරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

ADMIN MEMBER
JOINING DATE – 2013-02-12
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.