The Hunter (2011) Sinhala Subtitles | අවසන් ටස්මේනියානු කොටියා සොයා…. [සිංහල උපසිරැසි සමඟ]

බයිස්කෝප් රසිකයන් සියලු දෙනාගෙන් අවසරයි. මගේ පළමු උපසිරැසිය වෙන Girl with a Pearl earring චිත්‍රපටයට හොඳ ප්‍රතිචාර ලැබුනු නිසා දෙවනි උපසිරැසියත් මේ විදියට අරගෙන එන්න හිතුවා.පළමු උපසිරැසියට සුබ පතපු සියලුම දෙනාට බොහොම ස්තූතිවන්ත වෙන අතර නොබලපු අයට බලන්න කියලත් ඉල්ලීමක් කරනවා.

හොඳයි එහෙනම් අද කතාව දිහාවට හැරෙමු.අද කතාව විදියට අරගෙන ආවෙ ලස්සන ඕස්ට්‍රේලියානු චිත්‍රපටයක්.දැනට ලෝකයේ වඳවෙලා ගිහින් කියලා සැලකෙන Tasmanian Devil එහෙම නැත්තන් Tasmanian Tiger කෙනෙක් වටා තමයි මේ කතාව ගලාගෙන යන්නෙ. Red Leaf කියන ආයතනය විසින් කතාවේ ප්‍රධාන චරිතය වෙන මාටින් ඩේවිඩ් කියන කෙනාට මේ කොටි දඩයම බාර දෙනවා. කොටියා හොයාගෙන ටස්මේනියාව බලා යන මාටින්ට නවාතැන් ගන්න වෙන්නේ කැලෑව කිට්ටුව ගමේ තියන පුංචි ගෙදරක. අම්මා කෙනෙකුයි අතුරුදහන් වෙච්ච තමන්ගේ තාත්තා එනකං බලන් ඉන්න පුංචි ළමයි දෙන්නෙකුයි තමයි මේ ගෙදර ජීවත් වෙන්නෙ.ටික දවසක් යද්දිම මාටින් මේ ළමයි දෙන්නට බොහොම සමීප වෙනවා. මාටින් ගමට ආවට ගමේ කිහිපදෙනෙක්ගෙන් මාටින්ට ගොඩක් තර්ජන එනවා. කොහොම කොහොම හරි මේ බාධා කරදර මැද්දේ අන්තිමට මාටින්ට මේ ටස්මේනියානු කොටියව හොයාගන්න පුලුවන් වෙයිද? ඒක බලන්නනම් මිනිත්තු 102ක් පුරා ගලාගෙන යන මේ කතාව බලන්නම වෙනවා. මේ කතාව පුරාවට බොහොම සුන්දර පරිසරයක් දැකගන්න පුලුවන්.කැලෑ කතා බලන්න කැමති උදවියට මේක හොඳ කතාවක් වේවි.

2011 වසරේ තිරගත වුනු මේ චිත්‍රපටය ඕස්ට්‍රෙලියාවෙදි ඕස්ට්‍රේලියානු ඩොලර් 10,51613ක මුදලක්ද ඇමරිකාවෙදි USD 176432ක මුදලක්ද හොයාගෙන තියෙනවා. 6.8/10ක IMDB අගයක් සහ Rotten Tomatoes අගය 70%ක් ලබාගෙන තියෙන මෙම චිත්‍රපටය අධ්‍යක්ෂණය කරලා තියෙන්නෙ Daniel Nettheim විසින්. මාටින් ඩේවිඩ් ගේ චරිතය නිරූපණය කරන්නේ Willem Dafoe විසින්.ඊට අමතරව Sam Neill , Frances O’Conner , Morgana Davies සහ Finn Woodlock යන රංගන ශිල්පීන් රංගනයෙන් දායකත්වය ලබා දී තියෙනවා. ඕස්ට්‍රේලියාවේ AACTA Awardහි හොඳම සිනමාරූපණය (Cinematography) සහ හොඳම තේමා සංගීතය (Background Score) යන සම්මාන දිනා ඇති මෙය තවත් සම්මාන රැසකට නිර් දේශ වී තිබෙනවා. එහෙනම් හැමොටම ආරාධනා කරනවා චිත්‍රපටය නරඹලා අඩුපාඩු කියන්න කියලා.තුන්වන උපසිරැසියෙන් හමුවනතුරු දැනට ගිහින් එන්නම්.ජයවේවා!

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත් සඳහා අදාළ වේ.

https://d36zzuvfojr38z.cloudfront.net/wp_content/uploads/2018/06/Shanaka-Amila–e1528391309656.jpg මේ ලබා දී ඇති සිංහල උපසිරැසි පිළිබද “රජිත සුරජංන” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

NEW MEMBER
JOINING DATE – 2018-06-11
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.