Distorted (2018) Sinhala Subtitles | විසිතුරු තාක්ෂණයේ අන්ධකාර මනෝ ව්‍යාධික ආයුධය! [සිංහල උපසිරසි සමඟ]

ආයුබොවන් මිත්‍රවරුනි..! ඉතිං ඔන්න මට විශේෂ දවසක විශේෂ විදියෙ බයිස්කෝප් එකක අරගෙන තමයි මේ එන්නෙ. ඔක්කොටම කලින් මම බොහොම ගෞරවයෙන් බයිස්කෝප් වෙබ් අඩවියේ ජංගම විශ්වකෝෂය මතක් කරන්න ඕනෙ. ඒ වෙන කවුරුවත් නෙවෙයි ඒ සමීර කරුණාරත්න සහෝ තමයි. ඕනම සීරීස් එකක් ඕනම ෆිල්ම් එකක් ගැන අහන්න. සමීර නොදන්න ඒව නං හොයාගන්න බෑ ඉතිං. අන්න ඒ විදියට තමයි සමීර සහෝදරයා උපසිරැසි ගන්වන්න හිටපු මේ සුවිශේෂී සිනමා කෘතිය මගේ අතට පත් වෙන්නෙ. සමීර සහෝදරයට මම මගේ ස්තූතියි මේ වෙලාවෙ පිරිනමනව කිසිම පැකිලීමකින් තොරව මට මේක බාරදුන්නට. මම කිව්වනෙ මේක මට විශේෂයි කියල. ඔව්. මම මේ උපසිරැසිය කරන්නෙ බයිස්කෝප් වෙබ් අඩවියත් එක්ක එකතුවෙලා හරියටම අවුරුද්දක් ගතවෙන තැන. ඉතිං අන්න ඒ වැදගත් දවස නිසා මම ඔයාලට අරගෙන ආව හිතාගන්න අමාරු විදියෙ වෙනස්ම කතාවක් තියෙන අමුතුම ෆිල්ම් එකක්..

හරි කතාව පැත්තට හැරෙමුකො එහෙනම්. ලෝරෙන්.. ලෝරෙන් කියන්නෙ සාමාන්‍ය ගැහැණියක්.. හැබැයි ඇයට හිටි අඩියේ එක එක රූප, පේන්න ශබ්ද ඇහෙන්න ගන්නව. ඒ මොනවද? කොහෙන්ද මේව එන්නෙ?  කොහොමහරි මේ සිදුවීම් නිසා ලෝරෙන් තම සැමිය රසෙල් එක්ක වෙනම හෝටලයකට යනව නවතින්න. එතනදි මේ තත්වය තවත් උග්‍ර වෙනව. මේ අතරෙ ලෝරෙන්ට යම් පුද්ගලයෙක් මුණ ගැහෙනව. ඔහු ලෝරෙන්ගෙ ජීවිතයට කොහොම බලපෑමක් කරයිද? ඒ වගේම ලෝරෙන්ට අතීතයේ ලොකු අහිමිවීමක් සිදුවෙලා තියෙනව. ඒ අහිමිවීම අඳුරු තාක්ෂණය යොදාගෙන ආයුධයක් බවට පත් කරන්න යම් පිරිසක් උත්සාහ කරනව.. ඒ කොහොමද?  ලෝරන් ඒකෙ ගොදුරක් බවට පත් වේවිද? මුළු කතාව පුරාම තියෙන්නෙ ප්‍රශ්න විතරයි.මේ කිසි දෙයක් නෙවෙයි ඇත්තටම වැදගත්ම කාරණාව. මේ කතාව ඇතුළෙ කුතුහලය පුපුරවල යන සුපිරි ගේමක් තියෙන්නේ. අන්තිම විනාඩිය වෙනකම් මේක තේරුනා කියල හිතන්න වත්, තේරුනේ නැහැ කියල හිතන්නවත් එපා. මොකද තේරෙන්නෙ නෑ. හැබැයි ඉවසීමෙන් ඉන්න කෙනෙකුට රසම ටික අවසාන පොඩ්ඩෙදි හමු වෙනව. ඔබට තේරුම් ගන්න අවශ්‍ය දත්ත ටික ලබා දෙන්නේ අවසානයේ. වැඩේ තේරුම් ගන්න එතකම් හදිසි නොවී පැය 1 කුත් විනාඩි 26ක් චිත්‍රපයට ඉඩ ලබා දෙන්න. මේක බලන්න ඔයාට අමුතු රසයක් තියෙන්නම ඕනෙ. එහෙම නැති කෙනෙක් නම් ඔයා අනිවාරෙන් මේ මොන බූත මගුලක්ද කියල මගදි අතෑරල දාවි. හැබැයි පුතා රසම ටික ලැබෙන්නෙ වැඩියෙන්ම ඉවසන කෙනාට විතරයි.

මේක තනිකරම මනස එක්ක කරන සෙල්ලමක්. ඒ සෙල්ලමේ ප්‍රතිසන්ධි(අගමුල) ගැලපෙන්නෙ අවසාන තීරණාත්මක විනාඩි කීපයේ. Weatworld බලපු රසිකයො ඉන්නව නම්, එයාල දන්නව මේකෙ රස. මොකද Westworld වලත් අවසාන එපිය වෙනකං දන්නෙ නෑ මොකද්ද වෙන්නෙ කියල. හැබැයි අවසානෙට ආවම ඔක්කොම සක්සුදක් වගේ පැහැදිලි වෙනව. ඔන්න වගේ ඒ රසිකයන්ට තමයි මේක ගේන්නෙ. අනික තමයි මේක Action (ක්‍රියාදාම), Mystery, Thriller, Sifi ගණයට වර්ග කරල තියෙන්නෙ. මේක මුලින් බලනකොට රේටින් 5 ගණනක් තිබිලා ඊගාවට 4 දක්වා අඩු වුනා. නමුත් ඉතින් ආයේ බලනකොට මෙන්න IMDb අගය 6.9 ක් වෙලා දැන් මනාප ගණනත් 3500+ තියෙනව.. මෙහෙම වෙන්න හේතුවක් තියෙන්න එපාය. ඉතින් ෆිල්ම් එක බලනකොට තමයි මටත් වැඩේ තේරුනේ ඇයි එකපාර මෙච්චර ලොකු අගයකට මිනිස්සු මේක රේට්න් කරන්නෙ කියල. මම කියන්නෙ බොරු කියල හිතෙනවනම්, IMDb වල ප්‍රේක්ෂක ප්‍රතිචාර කියවල බලන්න. මුල් විනාඩි 90 ඔයාගෙ ඔළුව විකාර වෙලා යාවි.. හැබැයි අවසාන විනාඩි කීපය..? මොකද වෙන්නෙ කියල හරියටම ඔයාටත් දනගන්න ඕන නම්, ඔන්න දැන් සිංහල සබ තියෙනව, ෆිලුම බාගෙන බලන්න.! එහෙනම් ඉතිං රස දන්නෝ මෙය බලත්වා..! කියල මම සමුගෙන යනව. අලුත් සීරීස් එකක් එක්ක ඉක්මනට එන්නම්.ජය වේවා. !

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි HD පිටපත් සඳහා අදාළ වේ

3,475 downloadsDownload Distorted.2018.HD_.zip24 KB

මේ ලබා දී ඇති සිංහල උපසිරැසි පිළිබද “උදයංග සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2017-07-03
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.